Сценарий новогоднего утренника на основе сказки А.Н. Толстого "Золотой ключик или приключения Буратино"
творческая работа учащихся (старшая, подготовительная группа)

Сценарий утренника в детском саду на основе повести- сказки А.Н. Толстого «Золотой ключик или Приключения Буратино» на якутском языке

Саҥа  дьыллааҕы  утренник остуоруйата    «Буратино мүччүргэннээх сырыылара”

-  (автор Алексей Николаевич Толстой)

Остуоруйа киириитигэр музыка тыаһыыр

Остуоруйаһыт Фея. - Кэлэн иһэр Саргылаах Саҥа Дьылынан оҕолоор!

-Мин бүгүн эһигини Остуоруйа алыптаах дойдутугар ыҥырабын, ол курдук болҕойон олорон “Буратино мүччүргэннээх сырыылара” диэн остуоруйаны көрүн-сэргээн оҕолоор.

1. Көстүү – Папа Карло ыллыы-ыллыы уһана сылдьар: мас чуурканы эрбиир, өтүйэнэн  саайар,  онуоха  арай  - ой,- абытаай диэн  саҥа иһиллэр. Папа Карло олус соһуйар, - хайа ким саҥарарый диэн көрдүүр. Онтон өссө чуурканы өтүйэнэн саайбытыгар – айкооо, ыалдьар диибин дии диэн хаһыы иһиллэр. Папа Карло  чууркатын ылан  сотон-аалан, кырааскалаан, таҥыннаран бэт үчүгэйкээн уол оҕо куукулатын оҥорон таһаарар.

Папа Карло: – һуу дьэ бүтэрдим,  бу уолчааммын Буратино диэн ааттыыбын дии, дии астына көрөр-истэр. Туруоран кэбиспитигэр Буратино үөрэн-көтөн хамсаан кэлэр.

- дьэ сарсын оскуолаҕа бараҕын тоойуом. Арба оскуолаҕа бараргар Букварь наада. Мин маҕаһыыҥҥа букубаар атыылаһа бардым диэн тахсан барар.

Азбука атылыыр уол:  Дорообо Папа Карло.

Папа Карло: - Дорообо. Манна азбука атыыланар да?

Азбука атылыыр уол:  азбука баар, кимиэхэ ылаҕыный?

Папа Карло: - Буратино диэн уоллаахпын, киниэхэ ылабын.

Буратино үнкүүтэ

Папа Карло азбукатын Буратиноҕа туттарар.

Папа Карло:    - үөрэх баар бараммат баай, үөрэххэр кыһаллан үөрэн диэн баран  оскуолаҕа атаарар.

Буратино покаалаһан баран иһэн “Кукольный театр” турарын көрөн сэргээн онно тиийэр.

Буратино: - уаай, манна театр баар эбит ди, учугэйиин! Үөрэн-көтөн олоппоско олорунан кэбиһэр.

Үҥкүү:  Арлекино, Пьеро,  Мальвина,  Артемон харыйа тула  үнкүлүүллэр. Карабас –Барабас киирэрин көрөннөр куттаналлар.

 Карабас-Барабас кымньыылаах:  - Һа,һа, мин Карабас-Барабаспын, бу театр тойонобун,  көрбүккүт иһин кыһыл көмүс манньыатта  кута охсун! дии, дии сэлээппэтин устан  көрөөччүлэргэ уунан Буратиноҕа тиийэр.

Буратино: - миэхэ биир да манньыат диэн суох ээ!

Карабас-Барабас: оччоҕо бу Букубааргын биэрэ тарт! диэн баран былдьаан ылан тахсан барар.

Буратино ытыыр: - Букубаара  суох хайдах оскуолаҕа үөрэнэбин?!  

Папа Карло киирэр – ытаама тоойуом, мэ бу манньыаттарынан саҥа букубаарда  атыылас. Хайаан да Букварь ылыаххын наада. Оскуолаҕа букубаардаах эрэ буоллаххына ааҕарга, суруйарга үөрэниэн!  Кыһыл көмүс манньыаттары биэрэр.

Буратино үөрэр, манньыаттарын үөһээ тутан дьиэрэнкэйдии сырыттаҕына Кот Базилио Лиса Алиса киирэллэр.

Үнкүү  Кот Базилио, Лиса Алиса үҥкүлүүллэр. Харчыга харахтана хатанар, ымсыыраллара көстөр. Кот Базилио, Лиса Алиса, Карабас Барабас Буратинону тутан илдьэ бараллар.

Мальвина Пьеро, Артемон, Арлекин сүүрэн киирэллэр.

Мальвина:  - оҕолоор Буратинобутун  илдьэ бардылар дии түөкүттэр. Илдьэн хараҥа хоско хатаан кэбиспиттэр. Кинини быыһыырбытыгар  туох эрэ наада, ол тугун таабырыны таайдаххытына эрэ билэбит.

Пьеро: Чэйин эрэ, таабырыммын таайын эрэ оҕолоор!  - үрбэт да, ытырбат да, дьиэҕэ киллэрбэт баар үһү. (күлүүс)

 Оҕолор эппиэттэрэ. Саамай сөп, күлүүс. Буратинону быыһыырга аптаах кыһыл көмүс күлүүс тыла наада.

Артемон – ол күлүүһү кимтэн ыйытарбытын мин билэбин, Черепаха Тортилла көмөлөһүө биһиэхэ.

Арлекин – кырдьык даҕаны, саамай сөп. Бады бадарааннаах баҕа батастаах күөлгэ баар кини.

Үҥкүү Черепаха Тортилла зонтиктаах,  баҕалары кытта киирэн үҥкүлүүллэр.

Черепаха – оҕолоор аптаах кыһыл көмүс күлүүс ханна баарын билэбин. Мин доҕорум ону аҕалыа эһиэхэ.

Дуремар киирэр.    - Дорооболорун оҕолоор мин аптаах кыһыл көмүс күлүүскэ наадыйаргытын истэн эһиэхэ  аҕаллым, мэйин.  Мальвиналаахха биэрэр.

Аны билигин биһиэхэ күүтүүлээх ыалдьыттарбыт иһэллэр. Ол кимнээх буолуой оҕолоор. Ыҥырыаххайын эрэ.  Эһээ Дьыл Чыысхаан!Хаарчаана!

Улахан подарочнай бүрүллүбүт коробкаҕа Буратино  подароктары кытта  баар буолар. Коробканы крысалар арыаллаан киллэрэллэр, күлүүһүнэн Кукла –принцесса арыйан Буратинону  таһаарар.

Буратино тахсан махтанар, үөрэр-көтөр.

Дед Мороз харыйа уотун уматар, подароктарын түҥэтэр. Барыларын хороводка ыҥырар.

Оруоллар:

1. Папа Карло  –  
2. Буратино –
3. Мальвина –
4. Пьеро –
5. Артемон –
6. Арлекино –
7. Кот Базилио –
8. Лиса Алиса –
9. Карабас Барабас –
10. Черепаха Тортилла –
11.  Лягушата –
12.  Дуремар –  
13. Крысята –
14. Папа крысят -
15. Кассир –
16. Азбука атыылыыр уол –
17. Кукла принцесса -