Дорообо, көмүс күһүн
учебно-методический материал (младшая группа)

«Дорообо, көмүс күһүн»

иккис кыра бөлөх көмүс күһүнү көрсөр

аралдьытыытын сценарийа

Иитээччи:

Андреева Намына Владимировна

Аппаны, 2021 с.

Буолар күнэ: бала5ан ыйын 24 күнэ, 2021 сыл, сарсыарда 10 ч.

Буолар сирэ: музыкальный зал.

Оруоллар:

Ыытааччы: иитээччи Лукина А.А.

Күһүн: иитээччи Андреева Н.В.

Музыка тыаьыыр. Киэргэммит саала5а о5олор киирэллэр. Олоппоско олороллор.

Ыытааччы: Көмүс күһүммүт күлэн-үөрэн күлүмүрдээн тиийэн кэллэ биһиэхэ, өлгөм үүнүүлээх оҕуруот аһа кэһиилээх. Оҕолоор, онтон эһиги күһүнү сөбүлүүгүт дуо?

Ыытааччы: Ардахтаах, сэбирдэх үҥкүүлээх күһүммүтүн ыалдьыттата ыҥырыаҕыҥ! Хайа, оҕолоор, күһүммүт тоҕо кэлбэтий? Бары бииргэ ыҥырыахха: «Күһүн, күһүн көмүс күһүн биһиэхэ ыалдьыттаа! (оҕолор ыҥыран саҥараллар).

(Музыка холбонор, саалаҕа Күһүн киирэр)

Күһүн: Ити миигин ыҥырдыгыт дуо? Бу кэллим мин. Эҕэрдэ буоллун, күндү доҕотторум! Мин үлэлээммин, түбүгүрэммин уонна маанымсыйаммын хойутаатым, оонньоору-көрүлээри эһиги бырааһынньыккытыгар кэллим уонна эһигини кытта доҕордоһуохпун олус баҕарабын.

Ыытааччы: Көмүс күһүн, эн манна ыалдьыттыы кэлэргин оҕолор күүппүттэрэ ыраатта уонна эйиэхэ анаан ырыа, хоһоон бэлэмнээбиттэр.

Оҕолор:

Тыалчаан, тыалчаан үрэр,

Күүскэ, күүскэ үрэр,

Сэбирдэхтэр мастан,

Тэлээрэн түһэллэр.

Сэбирдэхтэр тыалтан,

Салгыҥҥа уйдаран,

Эргийэн түһэллэр,

Суолга тэлгэнэллэр.

Күһүн: Маладьыастар! Билэҕит дуо, оҕолоор? Мин араастык уларыйарбын. Бастаан мин көмүс кыраасканан оту-маһы, сэбирдэҕи кырааскалыыбын, миигин кытта сэбирдэхтэр үҥкүүлүүллэр, онтон ардахтаах күһүҥҥү тымныы тыал буолабын. (тыал тыаһа иһиллэр, күһүн далбаатыы-далбаатыы сааланы эргийэ сүүрэр).

Күһүн: Оҕолоор, онтон эһиги хатыҥ сэбирдэхтэрин үҥкүүтүн көрбүккүт дуо?

Оҕолор: Күһүн, күһүн көмүс күһүн биһиги билэбит күһүҥҥү көстүүлэри. (музыка тыаһыыр)

Ыытааччы: иккис кыра бөлөх оҕолорун толоруутугар үҥкүү «Күһүҥҥү сэбирдэхтэр».

Күһүн: Эһиэхэ кэлэммин олус үөрдүм, маладьыас да оҕолоргут!

О5олоор, оонньуургутун сөбүлүүгүт дуо? Мин куруутун ардах аргыстаах буоламмын зонтиктаах сылдьабын. Бу боростуой зонтик буолбатах, аптаах зонтик.

(Күһүн зонтиктаах турар, музыка тыаһыыр – оҕолор үҥкүлүүллэр, музыка тохтоотоҕуна зонтик анныгар саһаллар)

Күһүн: Күһүҥҥү киһи күлбүтүнэн диэн мээнэҕэ эппэттэр. Күһүн өлгөм үүнүүлээх оҕуруот аһын арааһын бэлэх уунабын (корзинатыгар толору угуллубут оҕуруот аһын көрдөрө) Эһиги оҕуруот астарын төһө билэргитин таабырын таайтараммын билиэҕим:

1. Сайын о5уруокка от күөхтэр, сибиэһэйдэр, кыһынын иһиккэ тууһанан ууруллаллар (оҕурсу)
2. Буорга үүнэр буолаамын буор курдук дьүһүннээхпин, килиэби солбуйар иккис аһылык буолабын (хортуоппуй)
3. Битэмииним чааһынан инники соҕус буолуом, миигин куобахчаан курдук кэрбээтэххитинэ муус доруобай буолуоххут (моркуоп)
4. Миигин баҕас, атастаар, эндэппэккэ билэҕит, элбэх-элбэх ырбаахылаахпын да, биирэ да тимэҕэ суох ( хаппыыста)

Күһүн: Элбэҕи билэр өйдөөх оҕолор эбиккит. Билигин «Оҕуруот аһын хомуй» диэн оонньууну оонньуохпут.

(музыка тыаьыыр, иккилии о5о корзина5а ыһыллыбыт оҕуруот астарын хомуйаллар, ким элбэҕи хомуйбут кыайыылаах)

Күһүн: оҕолору кытта оонньооммун үөрдэхпин. Ырыаҕытын уонна хоһооҥҥутун истэммин астынным. Миигин ыалдьыттата ыҥырбыккытыгар махтанабын. Эһигини кытта быраһаайдаһан,  мин салҕыы күһүҥҥү тыабар төннөбүн (музыка тыаһыыр, күһүн үҥкүүлүүр, сааланы эргийэр, тахсар).