Сценарий новогоднего утренника для старшей группы на черкесском языке
методическая разработка (старшая группа)
Сценарий предназначен для детей старшей группы ДОУ. цель: Пиобщить детей к культуре адыгского народа спомощью регионального компонента.
Скачать:
Вложение | Размер |
---|---|
![]() | 24.13 КБ |
Предварительный просмотр:
Зал дахэу гъэщ1эрэщ1ам къыщ1охьэ гъэсак1уэр.
Адыгэ мэкъамэк1э къохьэр джэгуак1уэр.
Джэгуак1уэм къырешэхэр сабийхэр.
Гъ- Хьэщ1э лъап1эу, Илъэсыщ1эр
Къеблэгъауэ тетщ бжэщхьэ1ум
сыхьэт къеуэм гъуэгуанэщ1эр
Триухэу ар щ1одэ1ур.
Гъ: Арати къэсащ ц1ык1ухэ, куэд щ1ауэ фызыпэплъэ Илъэсыщ1эр. Фимызыакъуэу абы пэплъащ, нэгъуэщ1 лъэпкъхэм къахэк1а сабийхэри.Мис дэ ди Къэрэшей-Шэрджэсым щопсэу урысхэр, къэрэшейхэр, адыгэхэр, абазэхэр, нэгъуейхэр. Мис а лъэпкъ псори мэпсэу зэкъуэшхэм хуэдэхэу, пщ1э зэхуащ1у. Дэ ди гупым нэхъыбэу къак1уэхэр адыгэхэращ, ик1и къытхэтхэщ абази. урысыбзэращи тф1эфу дыролажьэ. Илъэсыщ1эм ц1ык1ухэм къывжа1эну хъуэхъу псори, сыт хуэдэбзэк1э жамы1эми , псори къывэхъул1эну сынывохъуэхъу.
Ш.Азалия: Илъэсыщ1э махуэ! Псоми тхуэмэхуэн,
Къытхуеблагъэ дахэ, хьэщ1и утхуэхъунщ.
Ди гукъеуэ гущ1эм, мащ1эу къытхуедэ1у.
Тхьэм къыдет мы гъащ1эр, хэти дынолъэ1у:
Узыншагъэ быдэр, псоми къытхуэгуэш.
Лъэпкъыу щы1э псори, дызэхуэщ1 зэкъуэш.
мамырыгъэ удзыр, щ1ылъэм щырегъагъэ
Гъэ къэсыху лэжьыгъэр, дэни щыребагъуэ!
Ажыгъафэ: (къолъадэ)
--Мыдэ, мыдэ, мыхэм феплъыт зэ! Сыт мыбдежым къэхъуар? Сэрыншэу зы джэгуи ек1уэк1 хабзэкъым. Сыт сыфщыгъупщэжа?
Гъ : Хьэуэ, утщыгъупщакъым, уэ т1эк1у ипэ укъищащи арат. Дэ дыхуеят япэ щ1ык1э щ1ы1э дадэр къедгъэблэгъэну!
Аж-фэ: Къысхуэвгъэгъу ,ипэ сищами,ауэ, Щы1э Дадэ къэсыху сэ сыщытыфынукъыми, дывгъэджэгу, уэрэд жыдывгъы1э, джэгур зэхэдывгъэублэ! Псалъэм папщ1э къызжеф1эт, щ1ымахуэм и нэщэнэ нэхъыф1хэр.
Д.Урчуков: Бжьыхьэр бзэхыжри, щ1ымахуэр къэсащ
Уэсыр хужьыбзэу ныжэбэ къесащ
, Щ1ы1эр 1эбжьанэхэм дохьэр дигъагъыу
Щ1ы1эми дахэщ ди хъуреягъыр.
Эсмира: Уэс 1эрамэ зэ1епщ1ык1ри,
Жьым ар уэгум щеудэж,
Цы1эрылъхьэу уэсыр къырехьэк1ри
Уп1щ1э хужьу егъэпц1эж.
Щ1эфиижу жьыр етащи
Шындэбзийхэр епхъэнк1ыж.
Гъуэгур гъуджэу уджыджащи,
Утехьамэ. лъэм уимыхь.
Тимур: Бетэмал! Си1ам лъэрыжэ,
Зыщ1эспхэнти, сытехьэнт.
Сэ уэс тепхъэр пэк1э стхъуами,
Къэстхъунщ1ыжу къэзжыхьынт.
Цы1эрылъхьъу уэсыр къохри,
Щ1ылъэр ещ1ыр уп1щ1э лъэгу.
ягъэ к1ынкъым, игу къыдожри
Ищ1алэгъуэщ, иреджэгу.
Ц1ык1ухэм ягъэзащ1э уэрэд "Щ1ымахуэ"
Жанна: Илъэсыщ1эр къытхуоблагъэ
Угъурлыуэ тхьэм къытхуихь,
Ди уэс дадэм дэ дыпоплъэр,
Саугъэтыф1хэмк1э допщ1ыхь.
Амирина Б:
Жьыщ1эмыту уэсыр къос,
Сыщ1эк1ати, лъапщхьэм къос
Пщэдейризэ зэрыдэк1ыу,
Илъэсыщ1эу нэху дыкъок1ыр.
Ёлкэ ц1ык1у абы къитшынщ,
Дахэ дыдэу тхуапэжынщ
Псоми хъунущ ар я гуапэ,
Дади, нани, мами, папи.
Амина: Сэ си 1уэхущ а илъэсыщ1эм
Мамэ жи1эухъуар сымыщ1эм
Жэщк1э си п1эри сщ1ыжынщ,
Ар пщэдджыжьк1и 1усхыжынщ.
Ажыгъ: Сэ къысгуры1уащ, щ1ымахуэм уэс хужьыр къос, илъэсыщ1эр догъэлъап1э, ёлкэ ц1ык1ур догъэщ1эращ1э,
Ат1э иджы севгъэплъыит зы къафэ дахэ!
Къафэ " удж"
Ажыгъафэ : Пэжу, дэнэ щы1э дадэр?макъ гуэрэ къо1у, къэса сф1ощ1.
Мэкъамэр дэфшейт , 1эгум ину феуэт! Ауэ, мыр сыт телъыджэ, мыр сыт сурэтыджэ мы къэк1уар?
Иныжь: Фу-Фу! Ц1ыхумэ! Фэ ц1ык1ужьейхэр, сыт фыщ1эдаущыр? Щхьэ мы хъуэт щ1ы1эшхуэм сывмыгъэжейрэ? Зы л1ыжь ерагъыурэ сгъэсэбырати, фэ фыкъежьащ.
ажэгъафэ: Ц1ык1ухэ, мы иныжьым фи Щ1ы1э Дадэр иубыдащи, игухэр щабэ къэфщ1ыт.къызэщ1эвггъаплъи, хьэлэл хъунщи къывитыжынщ. Сэ си пщэ илъыр сгъэзэщ1ащи, адэк1э си гъуэгу хэзгъэщ1ынщ.
Гъ: Уэ иныжь, дэ ди сабийхэм яц1ыху узэрылъэщыр, узэрыбзаджэр, уи зэф1эк1хэр здынэсыр. Ди сабийхэри жанхэщ, 1ущхэщ, псынщ1эхэщ.
Иныжь: Ат1э, девгъэплъыт, сэ сыдыхьэшхмэ, къуажэ гъунэгъум сызэхах. Дызэпевгъауэ, хэт нэхъ ину дыхьэщх. дызэпевгъэкъу.(адыгэ джэгук1э)."Зэпекъу"
Иныж; Ирикъунщ къызэрызжыхьар, севгъэзэшащ фэ угъурсызхэм. Сэ чэщанэу сыщытынщ, фэ фыкъауэ.(Сабийхэр мауэ).
Ин: уэ уэ уэу мыгъуэ, саук1! фызотыж фи щ1ы1э дадэри, фынак1уэ.( сабиихэм я 1эр еубыдри, иныжьыр иок1ыж).
Ц1ык1ухэм ягъэзащ1э уэрэд "Илъэсыщ1э псей"
Залым къыщ1охьэ Щ1ы1э Дадэр.
Щ1.Д: Фи махуэ, ф1ыуэ!
Ди сабий дыщэхэ!
Ди нэхъыжьыф1хэ, ди хьэщ1э лъап1эхэ!
Сынывохъуэхъу, Илъэсыщ1э къихьамк1э!
Илъэсыщ1э, насып защ1э,
Илъэсыщ1э мамырыгъэ, илъэсыщ1э угъурлы, тхьэм тхуищ1.
Сэ илъэс к1уам сыщы1ащ фи сабий садым, пэжыуи нэхъ ин фыхъуащ. Согугъэ фи ехъул1эныгъэхэри хэвгъэхъуауэ. Пэж, ц1ык1ухэ?
Ясмина: Дэ къытхуешэ ёлкэ щхъуант1э
Хьэпшып ц1ык1ухэр зыф1эблар,
Хуезэшауэ ди пэш жьант1эр,
Илъэс псок1э зыпэплъар.
Илъэсыщ1э, илъэсыщ1э,
Зи к1эдахъум уэсыр из,
Гъэмрэ, щ1ымрэ зэпызыщэ
Уи 1энэгум гуапэу дисщ.
Арсен: бжьыхьэпэр етри илъэсыжьым,
и шым уанэ тырелъхьэжыр,
Ироплъэжри и лъэужьыи
Нэхъыжь псалъэкъыже1эжыр.
" Уи гъуэгу махуэу Илъэсыщ1э,
Уэ ди нат1эу мамырыгъэр!
Къыпыгъахъуэ ф1ыгъуэ гъащ1эм,
Къыплъысащи тхьэмадагъэр.
Черкесова М: Къак1уэ, къак1уэ Илъэсыщ1э
Ёлкэ ц1ык1ури дыхуэпащ,
Къак1уэ, къак1уэ Илъэсыщ1э,
ф1ык1э, хъерк1э къытхуепсых,
Къабзэу, куэду, къэхь уэсыщ1э,
Ф1ыгъуэу къэпхьыр, дэ дбломых.
Орзал. Мад: Жа1эр къосыр Илъэсыщ1э
Ар зищ1ысыр, къысхуэмыщ1э
Къэсмэ дэнэ щы1э?
Къак1уэр пэжмэ -хэт?
Къэслъагъуну сэ сыхэтщ.
Къыримык1уэу ди уэрамым,
Ар ди пщ1ант1эми дэмыт,
Къыщ1ихьащ ёлкэшхуэр мамэ,
Илъэсыщ1эри къэсамэ,
Ар ди елкэм едгъэплъынт.
Щ1.Д.Усэхэм фоджэф, уэрэд жыво1эф,фыкъофэфхэ, ауэ къуажыхь къэфщ1эфрэ фэ?
Къуажыхьхэр:
!эдэ уадэншэу, псым лъамыж тезылъхьэ--------------(щ1ы1э)
уеплъмэ гъуджэщ
уеджэмэ дэгущ-----(мыл)
Щ1ымахуэ хъумэ
щ1ым и шхы1энщ----------(уэс)
Ц1ык1ухэм ягъэзащ1э" Адыгэ къафэ"
Щ1.Д. Гъуэзэджэщ! Мис иджы ин фызэрыхъуар си ф1эщ хъуащ.
Гъ: Ди республикэ ц1ык1ум щопсэухэр адыгэхэри. урысхэри, абазэхэри, нэгъуейхэри.Ахэм я бзэк1э къыджа1энщ усэ ди сабийхэм.
Инесса: Красивые снежинки спускаются с небес,
И лес, как на картинке. исполненный чудес
По лесу новогоднему, за ворот пряча нос
Везет подарки сладкие мне Дедушка Мороз!
Элина:
Новый Год! Новый Год!
Новых песен хоровод!
новый ветер мчиться вдаль,
Новый в доме календарь!
Рамиль: ( на абазинском)
Амир: Дыхыхьащ аргуэру,
Тхыдэм зы илъэск1э
Гъащ1э напэ к1уэц1ым,
Зы илъэс иттхащ.
Ролана: Ар къытхуок1уэ дэ мамыру,
Нурыр и нэхэм къыщ1ех
и дахагъыр пхужымы1э
Бэрэчэтыр къызы1уех.
Сабийхэм ягъэзащ1э уэрэд "Уэс Дадэ".
Тимур:
Рамиль: Дыппэплъакъэ, тф1эбэ мащ1эу,сытуи куэдрэ укъэта,!
Ёлкэ ц1ык1у уэттынщ гуф1апщ1эу, ди гуф1эгъуэр зы1этам.
Къытхуэпхьащи, лъапэ махуэ, батырыбжьэр къащтэ- т1ых!
Утхуэхъуну - дыпхуохъуахъуэ, илъэсыщ1э, насыпзащ1э!
Илъэсыщ1э гъащ1э к1ыхь!
Уэрэд : " Доджэ дэ уэс дадэ"
Сценка : "Адакъэмрэ бажэмрэ"
Щ1.Д :Дывгъаплъэт, ц1ык1ухэ, сыту п1эрэ а хьэ къарэжьым ду лъабжьэм деж щихъумэр?
Ц1ык1ухэмрэ, щ1ы1э дадэмрэ мак1уэхэри саугъэтыр къахьыж.
По теме: методические разработки, презентации и конспекты
![](/sites/default/files/pictures/2013/11/07/picture-336187-1383809971.jpg)
Сценарий новогоднего утренника для старшей группы "Новогодние приключения"
Сценарий новогоднего утренника для старшей группы "Новогодние приключения"...
Сценарий новогоднего утренника в старшей группе «Новогодняя сказка»
Сценарий новогоднего утренника в старшей группе «Новогодняя сказка»...
![](/sites/default/files/pictures/2021/01/07/picture-418345-1610007223.jpg)
Сценарий новогоднего утренника для старшей группы "Дед Мороз приглашает на новогоднее шоу!"
Утренник понравился не только детям, но и родителям!...
![](/sites/default/files/pictures/2014/10/05/picture-485330-1412510453.jpg)
Сценарий новогоднего утренника в старшей группе "Новогодний теремок"
Сценарий разработан для особенных детей (с нарушениями речи и задержкой психического развития)....
![](/sites/default/files/pictures/2019/09/12/picture-327113-1568313282.jpg)
Сценарий новогоднего утренника в старшей группе «Дюймовочка» «Новогоднее сказочное путешествие»
Дети забегают в зал друг за другом, встают полукругом. Ребенок. Как красиво в нашем зале,Мы друзей своих созвали,Веселится наш народ. Мы встречаем Новый год.Ребенок.Всех на свете...
![](/sites/default/files/pictures/2013/04/16/picture-243281-1366080496.jpg)
Сценарий новогоднего утренника в старшей группе «Новогодняя сказка»
Сценарий новогоднего утренника в старшей группе "Новогодняя сказка"...
![](/sites/default/files/pictures/2019/01/14/picture-1102037-1547487004.jpg)
Сценарий новогоднего утренника в старшей группе на башкирском языке.
Разработка новогоднего утренника на башкирском языке.В сценарии стихи, песни на башкирском и русском языках для новогоднего утренника для детей старшей и подготовительной группы....