Развлечение "А ну- ка мамы" к 8 марта в детском саду.
материал

Ягез, әле, әниләр!

Энилэр коненэ багышланган бэйге – конкурс.

Буздэк районы Каран балалар бакчасы тэрбиячесе ЯкуповаЭ.М.

Алып баручы: Хәерле көн, безнең иң кадерле кунакларыбыз – әниләребез, килгән кунаклар,  балалар, бакча хезмэткэрлэре! Сезне барыгызны да бүгенге бәйрәм – 8 март халыкара – хатын-кызлар көне белән тәбрик итәбез.

Бәйрәмнең кайсы да тәнгә җиңеллек, рәхәтлек, җанга ял бирә. Шушы бәйрәм көне күңелегезгә шатлык, тәнегезгә сихәтлек, өегезгә иминлек алып килсен.

Әни, әнием, әнкәй! Кадерләп, назлап әйтәбез. Күңелебездәге бөтен рәхмәтне шушы гади сүзгә салабыз, һәрвакыт яныбызда булган, уңышларыбыз өчен шатланып, кайгыларыбызны уртаклашып яшәгән газиз әниебезгә дәшәбез.

Балагызның берәве сез,

Гаиләнең йөрәге сез.

Иминлекнең терәге сез.

Һәркемнең кирәге сез.

Сез чаялар, сез батырлар,

Сез дөньяда иң матурлар.

Сез булганга тормыш ямьле,

Сез булганга яшәү гамьле.

Әни… Өч хәрефтән торган бу сүздә күпме наз, җылылык һәм күңел тойгысы! Әни… Һәр кеше өчен иң кадерле, иң сөйкемле зат ул!

Әни… Аның күзләре шундый мөлаем һәм ягымлы. Әйтерсең, бөтен дөньяның акылын һәм сабырлыгын җыйган диңгез!

Ә әнкәйнең куллары иң-иң җылы, иң-иң кадерле куллардыр, мөгаен. Шул ягымлы куллар сиңа кагылуга, бөтен кайгыларың югала. Ә ,,балам” дип аркаңнан сыйпаса, сиңа гүя очар канатлар үсә.

Ә сүзләре… сүзләре шундый татлы, туң йөрәкләрне эретерлек җылы.

Ә авырсаң… авырсаң, төннәр буе күз йоммыйча, яныңнан да китми инде ул! Бары әнкәйләр йөрәге генә шулкадәр түземле, шәфкатьле.

Нинди генә рәхмәтләр әйтсәк тә, җитмәс төсле. Әниләребез, сезгә саулык-сәламәтлек, кайгысыз-хәсрәтсез тыныч тормыш, озын гомер телибез.

Балалар башкаруында җыр башкарыла “Рэхмэт  энием” –балалар ясаган булэклэрне тапшыру

Кадерле әниләр! Сездән бүген тырышлык та, җитезлек тә, уңганлык та, осталык та таләп ителә. Безнең бүгенге бәйрәмебез гади генә түгел, без сезнең белән ике командага бүленеп ярышабыз. Сез инде менә үзегез үк ике командага бүленеп утыргансыз. Безгә хөрмәтле жюри әгъзаларын гына сайлыйсы калды. Кемнәрне тәкъдим итәсез (жюри сайлана).

1 тур: Сез командагызга командир сайларга, исем, девиз уйларга тиеш.

Командаларның бер – берсен сәламләве.

2 тур: ,, Бишек җырлары”.

Туган телгә, иксез-чиксез дөнья читлегенә алып керә торган рухи чыганакларның берсе – бишек җырлары. Безнең әниләребез бишек җырларын онытмадылар микән, кызларыбыз белә микән?! Кадерле әниләребез, кадерле кызларыбыз. Бишек җырын җырлап, бәби йоклату күренешен күрсәтегез әле.

Иң беренче сез шушы курчакларны тиз, матур итеп төрергә, аннары бишек җырларын җырлап йоклатырга тиеш (командадан 1 кеше).

3 тур: ,, Ромашка» уены.

Әйдәгез, балачактагы хыялларыбызга кайтып килик әле. Бала чакта кем генә артистларга карап сокланмаган да, кем генә алар булып кыланмаган, яки ак халат киеп, врач булып, курчакларны дәваламаган.

( Командирлар чәчәк таҗларын алалар. Анда төрле биремнәр язылган.)

-  Сезгэ 5 яшь. Буген эниегез бик матур кулмэк булэк итте. Сез узегезне сэхнэ артисты итеп хис итэсез. Зал Сезне көтә! Сәхнәгә рәхим итегез.( балалар жырына кушылып жырларга)

- Сезгә бүген 4 яшь тулды. Әти-әниегез сезне котлап, яңа курчак бүләк итте. Әй уйнадыгыз да соң инде. Безгә дә уйнап күрсәтегез әле.

-  Иртә белән баланы бакчага алып бару күренешен күрсәтегез. ( 2 эни катнаша)

- Кечкенә чакта өйрәнгән  шигырегезне нәкъ шул вакыттагыча сөйләп күрсәтегез.

-  Бакчадан кайтканда, әниегез белән кибеткә кердегез. Күзегез матур уенчыкларга төште.

Шуны әниегездән алдыруыгызны күрсәтегез. ( 2 эни катнаша)

- Сезгә 5 яшь. Төне буе тешегез сызлап чыкты. Иртә белән әниегез теш врачына алып барды, сез нишләдегез?  ( 2 эни катнаша)

4 тур: Причёска ясау

Кызларның чәчен үрү (командадан бер кеше). Иң оригинал прическа кемнеке булыр икән?

5 тур: Табышмаклар әйтешү.

            Бик сәләтле икәнсез,

            Талантлы – шаккатырлык,

            Минем сыныйсы килә:

            Ничек сезнең тапкырлык?

1) Һәй,егет, бу ничек була?Минем өч икмәгем бар, берсе белән алган бурычымны түлим, икенчесен әҗәткә бирәм, өченчесен үзем ашыйм.(Ата- анасына, баласына, үзенә)

2) Ишек төбендә алтын таяк.(кияү)

3) Ике атага, ике улга 3 йомырканы тигез итеп бүләргә кирәк.1 йомырка тисен.(бабай, ата, ул)

4) Бер көзгегә дөнья сыйган.(Телевизор)

5) Ишекле түрле яшь килен йөри.(Себерке)

6) 4 татар, дүртесен дә бер чиләк төбенә атар.(Сыер саву)

7) Асты диңгез, өсте нур  (Бала)

8) Дөньяда иң кирәк, иң кирәктән ни кирәк?(Саулык)

9) Һәркемдә бар (Исем)

10) Үлчәүләрдә үлчәнми,

Базарларда табылмый,

Үзеңнеке булмаса,

Кешедән сатып алып булмый.(Бәхет)

11) Фатыйма белән Хәдичә

Бер- берсенә караша,

Килә алмыйлар янәшә (Идән, түшәм)

12) Көндез  - хөрмәттә,

Кич –хезмәттә.(Юрган)

13) Мең туган бер каеш буган.(Себерке)

14) Дүрт  татар хатыны бер яулык ябынган(Өстәл)

15) Нәрсә өстәл янында бик кирәк? (Авыз)

6 тур: Иң оста пешерүче”. Хәзер кызларның көнкүрештә, аш-су әзерләүдә тапкырлыгын сынап карарбыз. Киңәшләрне белгәннэр  җөмләне тәмамлый. (Сораулар командаларга бер-бер артлы бирелә).

1. Тоз дымланмасын өчен, ... (тоз савытына берничә бөртек дөге ярмасы салырга кирәк).

2. Шулпа тәмле булсын өчен, ... (итне салкын суга салып пешерергә кирәк. Ит пешеп җитәрәк, шулпага коры табада кыздырган кишер белән суган салсаң, шулпа тагын да тәмлерәк һәм матуррак була).

3. Камыр кулга ябышмасын өчен, ... (кулны көнбагыш мае белән майларга кирәк).

4. Бавыр тәмле, йомшак булсын өчен, ... (кыздырганчы 1-2 сәгать сөттә тоталар).

5. Балыкның тәңкәсе яхшырак купсын өчен, ... (тиз генә кайнар суга салып алалар).

6. Бүрттергән чакта дөге изелмәсен өчен,... (кайнап чыккач, суга 2-3 кашык сөт салалар).

7. Кайнатканда сөт ташымасын өчен,... (савыт кырыен майларга кирәк).

8. Сөт кайнаткан савыт тизрәк юылсын өчен, ... (аны башта - салкын, аннары җылы су белән юалар).

9. Сөт тизрәк кайнасын өчен,... (савытка бераз шикәр комы салалар).

7 тур: “ Мин башын әйтәм, сез дәвам итегез” – дигән уен үткәреп алыйк әле.

 - Агачны яфрак бизәсә, кешене ......... ( хезмәт бизи ).

 - Һөнәрле үлмәс, .............( һөнәрсез көн күрмәс ).

 - Ата-ананы тыңлаган – адәм булган, ..........( тыңламаган, әрәм булган)

 - Олыласаң олыны, ...........( олыларлар үзеңне )

 - Яхшыдан үрнәк ал, ............( яманнан гыйбрәт ал )

 - Өйнең яме.............( бала белән)

 - Казанга ни салсаң,...........(чүмечкә шул чыга)

 - Оясында ни күрсә,...........(очканында шул булыр).

-  Иң кыйммәтле оя нәрсә ул? Сез ничек уйлыйсыз? (гаилә).

8 тур: Бәйгенең шарты; без әниләргә конвертлар әзерләдек. Конвертлар эченә сүз язылган кәгазьләр салынган. Шул сүзләрне кертеп, әниләр   шигырь язарга тиешләр. Рәхим итегез, әниләр, конвертларны алыгыз. Сезгә ун минут вакыт бирелә. Башладык. Конверт эченә язылган сүзләр: «әнкәй», «бишек», «шатлык», «кайгы», «назлап, «игелек», «изгелек», «җырлар», «гомер», «үскән», «хәтерлим», «кадерле».

9 тур  «Жыр ярышы» . Хэр команда  энкэйлэр турында  жырнын бер куплетын жырлап курсэтэ.

Э хэзер бергэлэп «Энкэй безне соннэн алып кайткан жырын башкарыйк

Энкэй безне Соннэн алып кайткан,
Сон суында юган ин элек.
Бишек жырын жырлап тоннэр буе,
Без ускэнне коткэн тилмереп.

Без биш бала устек  энкэй белэн -
Тик усмэдек иркэ кочакта.
Без энкэйнен биш шатлыгы идек,
Биш кайгысы булдык кайчакта.

Без ускэндэ купме борчылулар
Кургэн энкэй гомер эчендэ.
Онытмабыз, энкэй, мэнге сине
Рэхмэт яусын барысы очен дэ.

Хэзер инде житкэн балалар без,
Кунак кына энкэй янында.
Энилэрнен олы йорэгенэ
Изгелекнен сыйган барсы да.

Санап кына бетерерлек тугел
Энкэйлэрдэн кургэн игелек.
Энкэй безне Соннэн алып кайткан,
Сон суында юган ин элек.

            Егылганда тартып торгызырга,

Арыганда иңнән этәргә,

Әти-әни кирәк балаларга,

Сабыйлыкны шатлык итәргә.

Бәйрәм белән котлау өчен

Жюрига сүз бирелә.

Командаларга рәхмәт хатлары тапшырыла.

Кызларны бәйрәм белән котлап, бүләкләр тапшырам.

Бәйрәмебез ахырга якынлашты. Бәйрәмгә килүегез, катнашуыгыз өчен зур рәхмәт.      Тагы бер кат бәйрәм белән.

Бәйрәм чәй табыны янында дәвам итә.

Кояш келэ, мин елмаям,
8 нче Март буген.
Буген энилэр бэйрэме,
Шуңа куңелем шат минем.

Пр-в: 
Бэйрэм буген, бэйрэм, диеп,
Бар донья келеп торсын.
Эни бэйрэме икэнне
Эти дэ белеп торсын,
Эти дэ келеп торсын.

Кайсын юам, кайсын җыям,
Чиста булсын, ак булсын
Әниләрнең күңеледәй
Бөтен нәрсә пакъ булсын.

Пр-в: 
Бэйрэм буген, бэйрэм, диеп,
Бар донья келеп торсын.
Эни бэйрэме икэнне
Эти дэ белеп торсын,
Эти дэ келеп торсын.

Күгәрченнәр гөрләшәләр
Язгы кояш нурында
Алар жырлый иң матур жыр
Минем әни турында
Нинди булган нинди уңган
Ул һәр эштә хәркайда!
Йомшак сүзе күркәм үзе 
Нурлы йөзе елмая
Күрәсезме чәчәк итеп 
Алсу нурлар бәйләмен
Кояш котлый март аенда 
Минем әни бәйрәмен.
Йөрәгемнең иң түрендә 
Иң кадерлем әнием,
Яхшылыкка матурлыкка
Үрнәк мина әнием.

1.Доньяда ин гузель,
Ин матур нурлы зат.
Ул минем энием,
Ул минем энием.

Ин якты кояшым,
Ин назлы голкяем,
Ин якын кешем син
Энием жаным син!
Ин якты кояшым,
Ин назлы голкяем,
Ин якын кешем син
Энием жаным син!

2.Кадерлеп устерден,
Жанынны биреп син,
Тоннерен йокламый,
Бехетле булсын дип.

3.Тормышта урынын,
Гел тюрде энием,
Алдында баш иям
Маягым син минем.

4. Усеп життен диеп,
Монайма энием,
Хаманда мин синен,
Шул нэни бебиен.

Комплексно-тематическое планирование

в старшей  разновозрастной группе (4-7 лет)