Гаилә бәйрәме
материал

Гаилә бәйрәме

Максат. Гаиләләр белән элемтәне ныгыту. Балаларда үз милләтенә, аның теленә, гаиләсенә, иленә ихтирамлы мөнәсәбәт булдыру, горурлык хисе тәрбияләү. Гаилә – балалар бакчасы – мәктәп арасындагы дәвамчанлык өзелмәве өстендә эшне дәвам итү.

Материал. Гаилә альбомнары, гөлләр, К.В.Закирова, Р.Р.Гыйләҗетдинова “Мин бәйрәмнәр яратам” китабы.

 Алып баручы. Хөрмәтле кунаклар, кадерле балалар, әти-әниләр, әби-бабайлар, бүген бездә Гаилә бәйрәме!

Гаилә! Никадәр шатлык, никадәр тантана бу сүздә! Бала hәм гаилә. Бу ике сүз тыгыз бәйләнгән, баланы гаиләсез, гаиләне баладан башка күз алдына китерүе кыен. Тату гаилә – ил терәге, Бала өчен иң кирәге. Тату гаилә бердәм булса, Бала бәхетле була. Ә нәрсә соң ул гаилә? Ул нәрсәдән башлана? Ни өчен бик кадерле, якын сүз ул? Без бу сорауларга җаваплар табарбыз hәм күңелле ял итәрбез.

 Шатлыклар – күңелебездә,

Ал кояш – күгебездә.

Рәхәтләнеп бәйрәм итик –

Гаилә бәйрәме бездә.

1.Мин бәхетле гаиләм белән,   Илмир

Яшимен әти-әнием белән!

Татулык – гаиләбез нигезе!

Әби-бабам – иң кадерле кеше!

2.Мин бәхетле гаиләм белән,    Сәмир

Яшимен туганнарым белән!

Нәселебез дәвамчысы – мин, беләм,

Горурланам гаиләм белән!

3. Дөньяларда яшәү рәхәт,   Алсу

Туганнар бергә булса;

Гаилә учагы hәрвакыт

Безне җылытып торса.

4. Тормыш җиңел бергәләшеп,  Ислам

Тату торганда.

Янәшәдә әти белән

Әни булганда!

5. Йөрәгемнең иң түрендә –   Ильяс

Туганнарым, яраткан гаиләм!

Дөньяда ничек яшәргә,

Кеше булырга шунда өйрәнәм.

 6.Бүген - гаилә бәйрәме, Зилә

Бүген бездә тантана.

Кояш шуңа көлә бүген,

Гөлләр шуңа шатлана.

7. Так хочется, чтобы чаще    Камил
Были вместе родители и дети.
Тогда будет лучше всем, 
Жить на белом свете!

Алып баручы.  Әйе,  дөньяда ничек яшәргә, кеше булырга өйрәтүче дә, сине яратучы, яклаучы да – ул безнең гаилә. Гаилә ул – җылы учак. Гаилә никадәр нык булса, аннан килгән җылылык шулкадәр көчле була. Гаилә ул – иң олы таянычыбыз, иң ышанычлы сыеныр урыныбыз.

 Бәйрәмнәр кирәк әтигә!

Бәйрәмнәр кирәк әнигә!

Бабай белән әбигә!

Бәйрәмнәр бик күп болай да,

Ә шулай да, ә шулай да,

Иң шәп бәйрәм – балачак!

Җыр “Күңелле балачак”.

Алып баручы.  Әти, әни, әби, бабай – гаиләдәге иң хөрмәтле кешеләр, алар hәрвакытта сезнең турында уйлап, борчылып яшиләр. Сиңа ничә яшь булмасын – 5 яшьме, 6 яшьме, әллә 50 ме, hәрвакыт әни, аның назлы карашы, тәмле сүзләре, кайгыртуы кирәк. Әниеңнең яратуы никадәр зур булса, яшәве шулкадәр якты, шатлыклы булыр.

1.Әнием, кадерлем,   Зилә

Син – энҗе бөртегем.

Син – хөрмә җимешем,

Син – йөрәк тибешем.

2.Әни, син минем җирдәге  Раяз

Иң якын кешем!

Әни, син минем күктәге

Якты кояшым!

3.Таң йолдызын хәтерләтә  Ислам

Синең күзләрең.

Балдан да татлы тоела

Синең сүзләрең.

4. Үләннәрдән дә йомшактыр  Ильяс

Синең сүзләрең.

Сиңа булсын бакчадагы

Гүзәл чәчәгем!

Алып баручы.  Әни – кояш кебек берәү генә. Аларны борчымагыз, аларга булышыгыз. Аларны яратыгыз. Әниегез сезне матур сүзләр белән шатландырса, әтиегез үзенең акыллылыгы, дөньядагы күп нәрсәне белүе белән сөендерә. Әтиләр дә, әниләр кебек балаларын яраталар. Кулларына  алып иркәләүче дә, төрле шаян сүзләр әйтеп уйнатучылар да – әтиләр. Әтиләрегез – гаиләгездә иң зур кеше, баш кеше, чөнки әтиләр гаиләнең башка кешеләре турында кайгырта. Өйдәге иң авыр эшне дә әтиләр эшли. Әйдәгез, иң  кадерле кешеләребез турында мәкальләр әйтик, уйнап алыйк.

Уен “Мин башлыйм, сез дәвам итегез”.

Әти – шикәр,

Әни – бал,

Әти – беләк,

Әни – йөрәк,

Әти-әнисен тыңлаган – әдәм булган,

Тыңламаган – әрәм булган.

  1.Әти кайтып керсә,  Сәмир

Өйләр китә яктырып.

Көне буе сагынгандыр,

Ул да кайта атлыгып.

Хәлне сорый баштан сыйпап,

Миңа чаңгы көйләшә.

Әнием белән дә әти

Гел елмаеп сөйләшә.

Барыбызга да булыша

Үзенең дә күп эше.

Әнигә, миңа, апайга

Әти – иң кирәк кеше.

2.Бер ягымда – әтием,  Алсу

Бер ягымда – әнием,

Уңымда да, сулымда да,

Яклар кешем бар минем.

3.Әти эштән кайтуга     Илмир

Чабам аның янына,

Сагындым, сине, диеп,

Сарылам муенына.

Әти булганда рәхәт,

Ул – безгә бик зур терәк.

Гаиләбез башлыгы ул,

Барыбызга бик кирәк.

Алып баручы

Уйныйк әле, җырлыйк әле,

Биик әле күп итеп.

Безнең бәйрәм кичәбезне

Сагынып сөйләрлек итеп.

Алып баручы.  Хөрмәтле әти-әниләр, балаларыгызның сезгә булган рәхмәтен, җылы хисләрен бию аша кабул итеп алыгыз.

Балалар башкаруында бию

1 Знают взрослые и дети,  Камил

Что важней всего на свете.

Папа, мама, ты и я,

Вместе – дружная семья.

2. Очыйм дисәм, оча алам –   Раяз

Канатларым бар минем.

Мин бай малай,

Байлыгым шул –

Әтием дә, әнием дә

Бар минем.

3. Олы бәхет – рәхәтләнеп   Алсу

Яшәүләре гел бергә.

Аллаһ насыйп итсен безгә

Шатланышып яшәргә!

4.Иң кадерле кешеләребез сез,  Ильяс

Әтием hәм әнием.

Сез булганга, без бәхетле,

Тыныч, рәхәт яшибез.

Алып баручы: Әйдәгез, хәзер әти-әниләребез белән уеннар уйнап алыйк,гаиләләребез белән төрле конкурсларда катнашыйк.

- Гаилә – үзенә күрә кечкенә генә бер дәүләт. Ул дәүләтнең президенты – әти булса , финанс министры – әни була. Гаиләдә акчаны кем таба? Кем “туздыра”?

1 конкурс: “ Кайсы гаилә күбрәк акча таба? “.

Идәнгә вак акчалар сибелә. Әтиләр – җыя, балалары – ташып тора, әниләре – саный.

Музыкаль пауза : Җыр. “ Гүзәл туган ягыбыз”

2конкурс: “ Тату гаилә “.

Әти һәм балалар катнаша. Бала әтисенең аяклары өстенә баса, әтисе баланы кулларыннан тотып билгеләнгән урынга бара һәм кайтканда да шулай кайталар.

3 конкурс: “ Аяк киемен дөрес тап “.

Әниләр һәм балалар катнаша. Балалар каршы якта урындыкларда тезелеп утыралар. Һәр ике командадагы балаларның да аяк киемнәре салдырып алына һәм барысын бер тазга салып куела. Әниләр тиз генә таз янына йөгереп киләләр , үз баласының аяк киемен эзләп таба , баласына кигертә һәм йөгереп кайтып эстафетены тапшыра.

     4 конкурс: “ Җитез обручлар”.

Әти обручны бастырып куеп өстенә баса , аякларны күчереп , обручны әйләндереп алга таба бара һәм йөгереп кайта, эстафетаны әнигә тапшыра. Зур балалар шуны ук кечкенә обруч белән эшли, кечкенәләр -  обручны гәүдәгә киеп йөгереп кайталар.

 5. конкурс: “ Тоннель аша чык “.

Әтиләр һәм әниләр аякларын аерып таралып басалар, ә балалар үрмәләп шул тоннельләр аша чыгалар, йөгереп кайталар.

6.  Конкурс. “Милли ашларны яхшы беләсезме?”(Сорауларга җаваплар бирү.)

-Геометрик фигураны эченә алган милли ризык? (Өчпочмак.)

-Катлы – катлы татлы бәлеш? (Гөбәдия.)

-Туй табынының иң түрендә? (Чәк – чәк.)

-Ике сүздән торган милли ризык? (Кош теле.)

-Камырдан пешерелгән аш? (Токмачлы аш.)

-Эченә бәрәңге боламыгы салып пешерелгән ризык? (Кыстыбый.)

-Көн саен кирәкле ризык.Аннан башка аш үтми, аңа халык дан җырлый.(Икмәк)

Воспитатель:  Дети  я вам хочу предложить поиграть, но вам нужно внимательно слушать и громко отвечать.
 Игра «Да, да, да» или «Нет, нет, нет».
- Мама папу обижает?(нет, нет, нет)
- Папа с вами поиграет?(да, да, да)
- Папа ходит в магазин?(да, да, да)
- Покупает лимузин?(нет, нет, нет)
- Мама купит вам конфет?(да, да, да)
- И пожарит вам котлет(да, да, да)
- В садик кошку вы возьмете?(нет, нет, нет)
- Суп в тарелку вы нальете?(да, да, да)
- Стол накроете для мамы?(да, да, да)
- Папу угостите пирогами(да, да, да)
- С праздником поздравим всех?(да, да, да)
- Ожидает всех успех?(да, да, да)
- День семьи отметим мы?(да, да, да)
- Всем подарим мы цветы?(да, да, да)
Воспитатель: Молодцы! Очень хорошо играли,

“Ягымлы сүзләр”уены (ягымлы сүзләр әйтешү)

Алып баручы: Йомшак, тәмле телле булганны һәркем ярата. Бер-беребезгә һәрчак ачык йөзле,тәмле телле, игътибарлы булыйк. Авыр сүзләр әйтеп, хәтерләребезне калдырмыйк, бер-беребезгә ягымлы булып, матур сүзләр генә әйтешеп яшик. Балаларыбыз тигез гаиләдә, сәламәт булып үссеннәр.

Ярышларның иң күңелле вакытына , бүләкләүгә килеп җиттек. Сүзне жюрига бирәбез. Һәр гаиләгә грамоталар тапшырыла.

Шуның белән безнең бәйрәм кичәбез азагына якынлашты , барыгызга да вакытыгызны кызганмыйча килгән өчен, бик зур рәхмәт ! Барыгызга да исәнлек – саулык, гаилә бәхете телибез!

Бию “Татар халык биюе” (Балалар чакыра).

 Без телибез имин көннәр, Гел шатланып типсен йөрәкләр,

Гаиләдә бәхет, муллык, сәламәтлек булсын, Кабул булсын әйткән теләкләр.

Гаилә бәйрәме белән!