"Кыш бабай бүләк өләшә" әкияте
материал (старшая группа)

«Кыш бабай бүләк өләшә»

А.б: Борын-борын заманда тугел безнең  көннәрдә  була бу. Зәңгәр урманга Кыш бабай килгән көннең кичендәге тынлыкны   озын койрык  Саескан  чәлпәрәмә  китерә:

Саескан:

-А-һа-һай! Ишеттегезме әле? Күрдегезме әле? Мин нәрсәләр күрдем, нәрсәләр белдем!

Тычкан:

-Ни булды? Сөйлә инде тизрәк! - дип чыелдады ул.

Тиен:

-Әллә ...Әллә урманга аучы килгәнме? , - дип калтыранды.

Төлке:

-Капкын куйганнар мәллә? , - диде ул.

Куян  ялт-йолт каранып:

-Нәрсә булды икән?

Саескан:

-Кыш бабай килә, Суык бабай! - дип кычкырды ул.

Төлке: Кыш бабай!

Аю: Нинди соң ул Кыш бабай?

Буре: Бик куркынычмы ул?

Куя н: Усалмы?

Тычкан: Ул ябалак шикелле ме?

Тиен: Тешләмиме?, - дип шаулашты жанварлар.

Саескан: Хи-хи-хи! Бик шаян ул Кыш бабай. Зур капчыгына салып, күп  бүләкләр алып килә. Минем шикелле акыллы кошларга бушлай өләшә. Ә сезгә  бүләк эләкмәячәк, чөнки сезнең башыгыз эшләми.

Бүре: Ә миңа? Миңа?, - диде Саескан:

Саескан:  -Сиңа да юк, Ха-ха-ха! . Гомумән, сезнең арада акыллы җан иясе юк. Бер мин генә бөтен урманга акыллы, зирәк кош!

 Төлке:

-Ә...ә  нәрсә бүләк итәчәк  соң сиңа Кыш бабай?

Саескан:

-Маш- шина!, - дип күкрәк киерде.  Шундый зур машина. Аңа утырып мин бөтен урманны әйләнәчәкмен, ә сезне  бары тик акчага гына утыртачакмын.

Ала карга: “Кар-р-р!”, “Кар-р-р!”, -Кыш бабай килде!, “Кар-р-р!’\ “Кар-р-р!’

А.б: Әйе, зәңгәр урманга Кыш бабай килде. Салкын ак томан булып килде ул, көмеш бәс булып, агач ботакларына сарылды. Аннары ак сакаллы, ак тунлы, зур гәүдәле мөлаем бабайга әверелде.

Кыш бабай:

-Саумы нәни, дусларым!

Сезне сагынып килдем мин.

Сезгә  аяз көннәрдә ,

Буран алып килдем мин.

Җәнлекләрем, кошларым, ни хәлләрегез бар, ничек яшәп ятасыз?

Җәнлекләр, кошлар барысы бергә: Әйбәт, әйбәт , Кыш бабай!

Кыш бабай:

-Мин сезгә  би-и -к күп бүләкләр алып килдем.

Саескан: -Миңа! Миңа! (— дип кычкырды ул, Кыш бабай кулындагы сыбызгыны күргәч.)

Кыш бабай:

-Кил әле монда Тычкан. Мә, сиңа сыбызгы!

Тычкан: Рәхмәт, Кыш бабай!

Саескан:

-Ә миңа? Миңа нәрсә? - дип үрсәләнде.

А.б: Ә Кыш бабай әйтерсең аны курми дә уңга-сулга бүләкләр өләшә:

Кыш бабай:

- Куянга да бүләгем бар бит әле ?        Мә, Куян сина - барабан.

Куян: Рәхмәт , сиңа Кыш бабай!

Кыш бабай:

-Тиен, мә сиңа - курчак.

Тиен: Рәхмәт  Кыш бабай!

Кыш бабай:

-Аюга да  бүләк алып килдем. Мә, Аю, сиңа көрәк.

Аю:

-Рәхмәт Кыш бабай!

Кыш бабай:

-Төлке, кил әле монда. Мә , сиңа туп.

Төлке: Рәхмәт, сиңа Кыш бабай!

Кыш бабай: Бүре, мә сиңа машина!

Бүре: Рәхмәт, Кыш бабай!

Куян:

-Бабай! Кыш бабай, ә Саесканга нәрсә?

Кыш бабай:

-Ә  Саескан өлешсез калдымыни әле? - дип хәйләкәр генә елмайды . Сезнеңчә ничек, бүләк тиешме Саесканга?

Тычкан:

-Мин үземнең сыбызгымны бирәм , - диде.

Куян:

-Мин барабанны.

Төлке:

-Мин тубымны...

Тиен:

-Мин курчагымны бирәм.

Бүре:

- Мин машинамны бирәм.

Кыш бабай:

-Я, ярый монда Саесканга  да бүләк калган икән әле. '“Кил, әле яныма Саескан, мә сиңа шар”.

Саескан:

-Рәхмәт Кыш бабай! Минем шарым бар, шарым! ( Саескан, нишләргә белмичә.)

А.б: У л үзенең зәңгәр шарын  бөтен  халык алдына - каен ботагына элеп куйды. Урман өстенә сыек зәңгәр томан таралды.