Кышкы серле эзләр
рабочая программа (средняя группа)

Кышкы серле эзләр

Максат: көйне тыңлап, ритмик хәрәкәтләрне эшләргә өйрәтү; көйнең кызулыгын тыңлап уен коралларында ритм кагырга күнектерү, төрле характердагы музыканы тыңлап, аңа карата җавап хисләре тәрбияләү.  

Сүзлек өстендә эш – Бишек җыры

Методик алымнар: аңлату, күрсәтү, әңгәмә, сюрприз мизгелләр.

Күрсәтмә материал: эзләр, урман күренеше.

Таратма материал: кашыклар

Балаларны оештыру: Балалар көй астына залга керәләр һәм ярым түгәрәккә тезелеп басалар.

Эшчәнлекнең барышы:

Исәнләшү.

Балалар, әйдәгез әле исәнләшик. (Җырлап исәнләшәләр). Ә хәзер килгән кунаклар белән исәнләшик.

Исәнмесез, кулларым (3 тапкыр кул чабалар),

Исәнмесез, аякларым (3 тапкыр тыпырдыйлар),

Исәнмесез, битләрем

Минем йомшак битләрем.

Исәнмесез, авызым

Исәнмесез, борыным

Исәнмесез, кунаклар,

Барыгызга зур сәлам!

1. Музыкаль-ритмик хәрәкәтләр.

Балалар, әйдәгез әле мин сезне сәяхәткә алып барам. Сез ризамы? (Балалар көй астына зал буйлап китәләр һәм эзләргә тап булалар). Нәрсә эзе икзн бу? (Агач артыннан Куян сикереп чыга).

Куян: Исәнмесез, балалар.

Балалар: Исәнме, Куян.

М.Т.: Балалар, ә куян кайда яши?

Балалар: Урманда.

М.Т.: Дөрес. Димәк, без урманга килгәнбез икән.

Куян: Балалар, мин бик туңдым һәм җылынырга дип, чыршы төбенә килеп утырдым.

М.Т.: Балалар, әйдәгез Куянны әзрәк хәрәкәтләндерик һәм ул җылыныр. (Куян һәм балалар музыкага хәрәкәтләнәләр)

Куян: Рәхмәт, балалар. Мин җылындым, хэзер өемә кайтыйм инде.

М.Т.: Саубуллашыйк Куян белән, балалар. Сау бул, Куян. Ә без юлыбызны дәвам итик. (Көй астына, эзләр буенча икенче чыршы янына килеп басалар). Балалар, нәрсә эзләре икән бу?

Балалар: Төлке!

М.Т.: Исәнләшик әле Төлке белән. Исәнме, Төлке.

Төлке: Исәнмесез, минем нәни дусларым. Нинди матур кызлар, малайлар килгән миңа кунакка. Балалар, күрегез әле, минем кәрзинемдә нинди матур әйберләр бар.

М.Т.: Балалар, нәрсә икән бу?

Балалар: Кашык!

М.Т.: Төлкебикә, ә без балалар белән бу кашыкларда уйный беләбез. Уйнап күрсәтәбезме, балалар?

Кашыклар оркестры башкаруында «Әкрен-кызу» уены.

Төлке: Булдырдыгыз, балалар. (Мактый-мактый җыеп ала).

М.Т.: Балалар, Төлкебикә белән саубуллашыйк һәм юлыбызны дәвам итик.

Төлке: Саубулыгыз, балалар.

М.Т.: Балалар, монда тагын эзләр бар икән. Бигрәк зур күренәләр. Әйдәгез, карыйк әле: нәрсә бар икән анда?

Балалар: Аю!

М.Т.: Нишли аю?

Балалар: Йоклый.

М.Т. Безнең тавышка уянмадымы икән ул? Аюның йокысы тагын да татлырак булсын өчен нинди көй тыңлыйсы?

Балалар: Әлли-бәлли бәү.

(Балалар тез башларына утырып, кулларына үзләренең уенчыкларын йоклаткан кебек утырып, Әлли-бәлли бәү җырын тыңлыйлар)

М.Т.:Балалар, бу көйгә нишлисе килә? Көй әкрен идеме я кызумы? Каты, көчле  тавыш белән уйналдымы я тыныч, йомшак тавыш беләнме?

Балаларның җавабы.

М.Т.: Әйе, балалар. Без Аюга Бишек җыры тыңлаттык. Әйдәгез кабатлыйк әле. Аю йокласын, ә без инде үзебезнең бакчабызга кайтыйк.

(Көй астына зал буйлап китәләр һәм ярымтүгәрәк ясап калалар)

 М.Т.: Балалар, әйтегез әле миңа кыш көне нәрсә ява әле?

Балалар: Кар.

М.Т. Дөрес. Ә нинди төстә ул кар?

Балалар: Ак.

М.Т.: Эйе. Без сезнең белән бер матур җыр өйрәнгән идек. Нәрсә дип атала әле ул?

Балалар: Ап-ак карлар.

М.Т.: Әйдәгез шул җырны җырлап алабызмы? Сез ризамы?

Балалар башкаруында «Ап-ак карлар» җыры башкарыла.

М.Т.: Булдырдыгыз, балалар. Молодцы. Ә хәзер әйдәгез биеп алабыз. Ләкин сез көйне узегез танырга тиеш. (Көй кушыла, балалар көйне танып, Җәнлекләр биюе хәрәкәтләрен башкаралар).

М.Т.: Урыннарыбызны алыйк әле, балалар.

Балалар тез башларына утыралар.

М.Т.: Балалар, сезгә бүгенге сәяхәт ошадымы? Әйдәгез искә төшерик әле: иң беренче без нәрсә эзләрен күрдек? Куян белән нәрсә эшләдек? Аннан нәрсәнең эзен күрдек? Төлкебикә белән нәрсә эшләдек? Аннан нәрсә эзен таптык? Аю нишли иде? Балалар, кышкы урманда күңелле булдымы? Тагын барасыгыз киләме? Ярар, тагын бер җыелып барып кайтырбыз. Ә хәзер басыйк әле, балалар, һәм саубуллашыйк.

Җырлап саубуллашалар. Көй астына залдан чыгып китәләр.