Хикмэтле алма
материал (подготовительная группа) на тему

Хикмәтле алма.

Борын борын заманда түгел,менә хәзерге көннәрдә- урамда машиналар,күктә самолетлар гөрләп торган заманда бер бик киребеткэн малай булган ди.

Ата:Улым,карале,нинди матур машина  алып кайттым.

Малай:Ямьсез! (елый, машинаны атып бәрә)

Ана:Улым ,мә тәмле ботка аша әле!

Малай:Тәмсез!(тәлинкәне этеп җибәрә)

Ана:Улым,әллә биеп   күрсәтикме?

Бию (татар бию көе)

Малай: Кирәкми!

Ата:Әллә  улыбыз чирли микән?Докторга күрсәтеп карыйк.

Доктор: Алай икән!Әйдә әле тирән итеп сула!(тыңлый).Бернинди дә чирен тапмадым, улыгызга дару бирә алмыйм.

Ана: Инде кая барыйк,кемгә күрсәтик?(аптырап йөри,алма сатучыны күреп ала)

Алма сатучы: Бар матур бакча

Анда алма үсә

Менә шундый алма зур

Менә шундый кечкенә

Алма алма кил әле

Биеп,биеп кит әле

Алма чыга.(бии)

Алма сатучы: Менә бу  хикмәтле алма,аны ашаса, улыгыз бик  тиз терелер!!!

Ана: Ничә сум?

Алма сатучы:10 сум

Ана:Рәхмәт,саубулыгыз!

Ана:Мә, улым,нинди матур,кызыл,баллы алма алдым.Аша!

Малай: Кирәкми,тәмсез ул!(Алманы идәнгә атып бәрә)

Алма тәгәрәп китә,каршысына Керпе килеп чыга.

Алма күңелсез җыр җырлый:

Үпкәлим,рәнҗим мин

Мәрхәмәтсез малайга

Китәм моннан ерак,

Чыгам тизрәк юлга.

1 нче Керпе: Әй кызыл алма,кая барасың, кая шулай ашыгасың?

2 нче Керпе: Нигә шулай бик күңелсез күренәсең?

Алма: Бик рәнҗеттеләр мине,бер усал малай “тәмсез” дип  идәнгә атты.

1нче Керпе: Ай –ай, хәлләрең начар икән. Ерак китмә,адашырсың!

2 нче Керпе: Сак бул, Алмакай! Юлыңда бәлагә очрый күрмә!

Алма: Рәхмәт сезгә, Керпекәйләр!Саубулыгыз!

(Алманың юлына аю,бүре очрый).

Аю: Кара әле, нинди  матур алма! Хәерле юл сиңа, алмакай!

Бүре: Адаша күрмә! Сак бул!

Ата: Күршедә бер бабай бар,бөтен чирне  дә  дәвалый диләр.Әллә аңа күрсәтеп карыйк микән, әнисе?

Ана: Әйдә, күрсәтеп карыйк.

Исәнме, бабай? Улыбыз авырып китте бит әле, нишләргә дә белмибез.

Бабай: Я әйдә, кил әле балам.Кай җирең авырта?

Малай: Бөтен җирем авырта!(елый)

Ата: Улыбыз терелер микән  бабай?

Бабай:Улыгызга кызыл алма ашарга кирәк.Тик ул алманы табуы бик читен булыр.....

Ана:Хикмәтле алма сатучы янына барып карыйм әле.

Ана: Исәнмесез!,кызыл алма бармы?

Сатучы:Юк шул,алмагачыбыз корыды,кемдер аның җимешләрен кадерсезләгәндер инде.

Ана:Кызыл алманың сере нәрсәдә иде соң?

Сатучы:Хәзер кешеләр күңелендә җылылык бетте,ә  ул алма кеше күңеленә җылылык бирә- менә шунда иде аның сере.

Ана: Улым бик кире шул.Ашамады,алманы идәнгә атып бәрде.Ә алма өйдән чыгып китте.Ничек табарга инде ул алманы хәзер?

Сатучы: Улыгыз алманы үзе эзләп карасын.

(Малай  чыга. Юлында керпеләрне очрата).

-Исәнмесез, керпе дускайларым!Хәлләрегез  ничек?Сез тәгәрәп барган алманы күрмәдегезме?

1нче Керпе : Исәнме, дустым! Менә бу туры юлдан бар,бәлки табарсың!

2нче Керпе: Юлыңда игътибарлы бул, дустым!

Малай : Рәхмәт!

(Малай  аюны,бүрене очрата.Алар малайгага  табышмак  әйтәләр)

Малай: Исәнме аю дустым, исәнме бүре дустым!Мин кызыл алма эзлим, күрмәдегезме?

Аю, бүре: Исәнме, дустым!

Аю: Күрдек, күрдек. Безнең  сиңа табышмаклар әйтәбез, җавапларын  тапсаң, сиңа юл күрсәтербез.

Аю:Алсу битле кыз үсте,

Кызарып җиргә төште. (Алма)

Бүре:

Мин дә табышмак әйтәм:

Урманда яши,

Бу озын колак.

Кишер ярата,

Үзе бик куркак.(Куян)

(Малай  табышмакларга җавап биргәч,юлны күрсәтәләр).

Малай юл буйлап барганда алманы табып ала.Елый елый гафу үтенә.

Малай :Гафу ит мине алмакай,мин синең төшләреңне бакчага утыртырмын,сулар сибәрмен,башка алай кире булмам.Әнием,әтием сездә гафу итегез!Рәхмәт сезгә.

Җыр “Бар монда зур аю”