"транспорт төрләре" шөгыль коспекты (кечкенәләр төркеме)
план-конспект занятия по окружающему миру (младшая группа) по теме

Максат: Балаларны транспорт төрләре белән таныштыру,аларда игътибарлылык,ярдәмчеллек,хәлгә керә белү сыйфатлары тәрбияләү.

Җиһазлар: Телевизор макеты,транспорт рәсемнәре,төзелеш материаллары,уенчык эт.

Барышы: Балалар идәнгә утыралар.Каршыларында уенчык телевизор тора.

Тәрбияче: Балалар,телевизорны "кабызыйк"әле.Анда нәрсә күрсәтәләр икән?(тәрбияче телевизор экранында күренгән сүрәтләргә карап,балалар белән әңгәмә үткәрә).

Тәрбияче: Бу нәрсә?

Балалар: Машина.

Тәрб.: Ә бу нәрсә?

Бал.: Трактор.

Тәрб.: Ә монысы нәрсә?

Бал.:Җиңел машина.

Тәрб.: Машиналар,тракторлар безгә нәрсә өчен кирәк?

Бал.:Йөк ташу,кешеләрне йөртү өчен кирәк.

Тәрб.: Машинаны кем йөртә?

Бал.: Шофер.

Тәрб.: Монда нәрсә очып бара? (самолет).Самолет ничек оча? Күрсәтегез әле,балалар. (балалар кулларын як-якка җәеп,бүлмә буйлап самолет булып "очып"йөриләр).Тыңлагыз әле,балалар,"пуф-пуф" тавышлар чыгарып нәрсә килә?

Бал.: Поезд.

Тәрб.:Ул тимер юлдан йөри.Без дә поезд тавышы чыгарып,бер-беребезгә тотынып,вагоннар ясап йөреп килик әле.(Ишек артында ниндидер тавыш килә.Тәрбияче эт алып керә).Исәнме,Актырнак! Нигә елыйсың?

Актырнак: Минем машина белән уйныйсым килә,ә машинам юк.

Тәрб.:Әйдәгез,балалар,Актырнакка ярдәм итик,менә бу шакмаклардан машина төзик.

Тәрб.: Менә машинаны төзеп бетердек.Актырнак,сиңа машина ошадымы?

Актырнак: Әйе,рәхмәт сезгә,дусларым.

Тәрб.: Әйдәгез,машинага барыбыз да утырып карыйк әле.Ә хәзер мин сезгә шигырь укыйм.Шигырьнең кем турында икәнен әйтерсез.(З.Туфайлованың "Шофер булам"шигыре укыла.Дәрес тәмамлана).