Чыршы янында
материал (подготовительная группа) на тему

Чыршы янында

Керпе (чыршыга карый)Бу бик зур керпе икән .Борынын күккә чөйгән , аякларын яшергән .Үзенең энәләре ямь- яшел .Зур үскәч мин дә шулай яшел тун киярменме икән ?

Куян .Әй Керпе ,Керпе ,

           Бәйрәмгә килдем .

           Кайда син үзең

           Адашып йөрдең ?

           Күрмисеңмени ,

           Күпме кунаклар !

           Бәйрәм булганга

           Барысы шатлар .

Ә бу дускаем , (чыршыга карап )керпе түгел , чыршы .

Керпе . Чыршы ?! Булмас ла .Безнең энәләребез охшаш бит . Менә ышанмасаң тотып кара .

Куян . Ай- яй !Ышандым .Бик нык авыртты .Энәле дуслар чеметә икән .

Алып баручы . Керпе , Куян дус . Сез безгә кунакка килдегезме ? Әйдәгез рәхим итегез . Буген бездә бәйрәм бит – Чыршы бәйрәме .Бергәләшеп күңел ачыйк .(Керпе , Куян балалар түгәрәккә басалар )

1 нче бала . Бүген бездә зур  бәйрәм !

                       Бүген Яңа ел килә !

                       Безнең күңелләр  җырга

                       Һәм биюгә җилкенә .

2 нче бала .Кунак булып яшел чыршы

                      Килгән безгә .

                      Ул ямь өстәп тора

                      Безнең бүлмәбезгә .

3 нче бала .Көтеп тора безнең биеп

                      Җырлаганны .

                      Тирәсендә әйлән – бәйлән

                      Уйнаганны .

Җыр . “Яңа ел”

Алып баручы . Бәйрәмебезне күптән башласак та , нигәдер Кыш бабай белән Кар кызы күренми. Кайда тоткарландылар икән ? Әйдәгез ,бергәләп чакырыйк әле .

Бергә . Кыш бабай !Кар кызы ! Килегез тизрәк бәйрәмгә .

Музыка яңгырый .Залга Кыш бабай белән Кар кызы керә .Балалар кул чабып каршы алалар .

Алып баручы . Әй Кыш бабай , Кыш бабай ,

                            Хуш киләсең , уз бире .

                            Шатланышып , җыр белән

                            Каршылыйбыз без сине .

Җыр “Кыш бабай”

Кемнең кигән киемнәре

Энҗе – кар бөртекләре ?

Кемнең көмештәй сакалы

Чәчләре , керфекләре ?

        Бу Кыш бабай , Кыш баай

        Безгә бик таныш бабай .

Кем соң безгә шундый ямьле

Яңа ел алып килә ?

Матур кәгазь капчыкларга

Күчтәнәч салып килә ?

4 нче бала .Әй Кыш бабай , Кыш бабай ,

                      Безнең сөйгән кунак син

                      Ямьле үтсен кичәбез ,

                      Безне көлдер , уйнат син .

“Өшетәм “ дигән күмәк уен  уйнала .

Кыш бабай .Минем күңелне күрдегез ,

                       Рәхмәт сезгә , балалар !

                       Бик күп җырлар өйрәнгәнсез ,

                       Хәттә уйный беләсез .

                       Ә шигырьләр беләсезме ?

5 нче бала .Ямьле Кыш бабай ,

                      Килдең син безгә .

                      Кунак  булырсың ,

                      Кер өебезгә .

6 нчы бала .Кыш бабай ,мине

                       Бүген син макта ,

                    Бер яшькә үстем

                   Син килгән чакта .

Кар кызы .Дусларым , мин сезнең янга ялгыз гына килмәдем . Бәйрәмгә кунак итеп кар бөртекләрен чакырдым .Алар сезгә бүләк итеп бию алып килделәр . Рәхим итегез .

“Кар бөртекләре “ биюе .

Кыш бабай . Рәхмәт балалар ! Сөендердегез мине . Сез биегәч , минем дә биисем килеп китте .

“Кыш бабай “ биюе .

Кыш бабай биегәндә капчык сөйрәп Убырлы карчык керә .

Убырлы карчык . И карт юләр ! Биеп маташа бит .(Кыш бабайны тарткалый )Шаштыңмы әллә ? Тукта .Күрше бакчада көтәләр бит үзеңне .

Кыш бабай (биюдән туктый). Кызым , бу Убырлыны сез чакырдыгызмы соң ?

Алып баручы .Юк , бабай , чакырмаган идек .

Кыш бабай . Алайса , балаларга комачаулап ,явызлык эшләп йөрмәсен ,озатыйм әле мин аны моннан .(Таягы белән идәнгә суга һәм әфсен укый).Әфсен ,төфсен, җилләр иссен ,давыл чыксын ,һәм убырлы моннан юк булсын .

Убырлы себеркесенә атланып чыгып китә , капчыгы онытылып кала .

Алып баручы .Капчыгы калды бит , бабакай , әллә ансын да озатасыңмы ?

Кыш бабай .Ашыкма әле , кызым . Бу гади капчык түгел .Тылсымлы бугай .(Капчыкны ачалар ,эченнән  Яңа ел чыга )

Балалар .Яңа ел бит, бу, Кыш бабай .

Кыш бабай .И картлык !...Танымый да торам лабаса .Исән сау гына килеп җиттеңме, балам ?Түрдән уз ! Шатлык , муллык ,тынычлык белән кил !Төкле аягың белән !(Кулыннан тотык чыршы тирәли йөртә )

Яңа ел . Рәхмәт сезгә ! Ышанычыгызны аклармын .Бәйрәм белән барыгызны да !

7нче бала .  Әй Яңа ел , бер дә тартынмыйча

                       Хуҗа булып , әйдә ,түргә уз .

                       Юлларыңа синең –ак чәчәкләр ,

                       Кулларыңа бездән – ипи – тоз .

Кыш бабай . Ярый , балалар ,безгә китәргә вакыт инде .Безне , башка бакчаларда да көтәләрдер . Ашыгыйк .