"Cәламәтлек аланы"
классный час (старшая группа) на тему

Татарстан  Республикасы

Әтнә муниципаль  районы  Яңа Шашы  балалар бакчасы

Тема: “Сәламәтлек аланында”

Төзеде  тәрбияче:

Маугизова А.Г.

1кв.категорияле.

2015 ел

  Саескан:   Исәнмесез, кадерле дуслар!

Мин сезне бүген сәламәтлек аланыны  өенә чакырам.Урман,  күлләрдә  яшәүче дусларым сәламәт  булып яшисегез килсә,   сәламәтлек аланы өенә рәхим  итегез!

Бака сикереп  чыга:   Сәламәтлек  аланы өе   дигәннәре  шушы микән?(як-ягыннан карый). Әлегә  беркемдә юк. Ишеген шакып карыйм  әле. Берәүдә юк ләбаса, кереп карыйм  булмаса.

Төн җитте- музыка астында йолдыз һәм  ай  чыга. Таң ата кояш  чыга- музыка  астында  кояш  чыга.

Бака  иртән торып  зарядка ясый.(музыка уйнап  ала).

Сәламәт  булыйм  дисәң.

Режим  үтә  һәркөнне

Зарядкаңны калдырма

Иртәнге  ашың   төсле (кереп  китә).

Куян  сикереп  чыга: Сәламәтлек аланы өендә ”  кем яши?

Бака  : Бу мин-бака такылдавык.Ә син кем?

Куян: Бу мин- йөгерек куян.

Мине дә үз янына ал әле.

Бака  :  Син нишли  беләсең  соң?

Куян:Мин бик яхшы йөгерә  беләм.Сине дә йөгерергә өйрәтермен.Кишер яратам. Бергәләп кишер  үстерербез.

Бака: көлә

Куян:Кишер ул бик файдалы, үстерә,витаминнары да күп.

Бака  :   Ярый алайса кер бергә торыйк.

Куян: Әйдә  чык  монда йөгерергә,  биергә  өйрәтәм. Бергәләп биеп алыйк.

Куян йөгерергә өйрәтә.  Музыка  астында  бииләр. Тям-тям.

Бака:Әйдә  дустым, керик  өебезгә.

Тычкан  мәтәлчек  атылып чыга: Чи-чи, о-о. Бу  сәламәтлек  аланында  кем яши?

Бака  :   Бу мин-Бака-такылдавык.

Куян:   Бу мин йөгерек  куян. Ә син кем  соң?

Тычкан:  Бу мин   чи-чи  тычкан. Мине дэ үз  яныгызга  алыгыз  әле?

Куян:   Ә син нишли беләсең соң?

Тычкан:  Мин җир казый беләм.Сезне  мәтәлчек  атарга  өйрәтермен.

Бака  :   О-о , ярый  кер  алайса.(Керә)

Барысы бергә җырлыйлар.

Хәзер алга барабыз, хәзер артка барабыз(2)

Уң якка да йөгерик

Сул  якка да йөгерик

Армый- талмый хезмәт итеп

Шулай  бергә  көн  күрик.

Куян:  Әйдәгез  кишер  утыртыйк.Тешләребез  нык  булсын.тамагыбыз  тук  булсын.

Бака  :  Мин казыйм.

Куян:   Мин утыртам.

Тычкан  :  Мин су сибәм.Чи-чи (Су ташый)

Бака: Әйдәгез ял итеп бер уен уйнап алыйк  әле. Мин сезгә хәрәкәтләр ясап күрсәтәм, ә сез минем арттан кабатлагыз.

Уен:

Комета төшә-  хайваннар янына  килеп  карыйлар.

Куян: Нәрсә бу дип  аптырашып  карап  торганда.(Тавыш була  тәлинкә төшә).

Куян:   Дусларым карагыз әле  ниндидер  яктылык  күренә.

Нло: (як- ягына  карана, ә калганнар  1 кырыйга  җыйналалар)

Нло: Бу нинди  җир? Мин кая килеп эләктем?Сез  кемнәр?

Куян:   Без-без урман  җәнлекләре  булабыз,  ә  син кем? Нишләп  йөрисен?

Нло: Мин чит планетадан килдем, мине  дусларым  җибәрде,  безнең  планетага  микроблар яный,  без аларны  ничек  итеп   бетерергә дә белмибез, ярдәм  итмәссезме  безгә?

Бергә: Итәбез.

Шулай  сөйләшеп  торганда  болар  янына    төлке  керә.Җырлый-җырлый.

Төлке:  Безнең урман бигрәк матур

Һавасы да саф аның

Тирән итеп  бер  суласаң

Чистара  бөтен  каның

Үләннәре  чып-чын  дару

Дөрес  итеп  куллансаң

Үпкәләрең  чистара

Саф  һавасын  суласан

Исәнмесез !Сәламәтлек  аланы   шушы  булама? Мин дөрес  килдемме? Сәламәтлек аланына керергә  рөхсәт  итегез.

Хайваннар: Әйдәгез  рәхим  ит.

Төлке: Нло ны  күреп  ала һәм  аптырап .Дусларым  бу  нинди  кунак? Кем  бу?

Бака  :  Бу чит планетадан  килгән  кунак. Бездән  ярдәм  сорый. Аларның  планетасына  микроблар  яный.

Нло:  Микроблар үзләренә  дуслар  эзлиләр.Безнең  планетабызны  юк  итәргә  уйлыйлар.

Төлке: Бердэ  борчылма.   Микроблар безнең илдә инде бик күптәннән  бирле яшәп килә.Мин шулар турында әйтеп китим әле.

 Микроблар файдалы  һәм  зарарлы  булалар,  без  аларны  күрмибез.

Микроб керә.

Микроб: Монда минем  турында сөйләшәләр  бугай.Миндә үзем турында  сөйлим әле.

Вакның вагы мин микроб

Хәтта күзгә күренмим

Кешедән кешегә күчәм-

Чирләтергә иренмим.

Дусларым әйдәгез кунагыбызны  зарарлы  микроблар  белән  көрәшергә  өйрәтәбез.

Бака  :  -Микроблар чисталыктан  курка.Мин хәзер сезне үземнең дусларым белән таныштырам. Менә бу су,ә монысы сабын.

Су: Мин чиста су,йөгерек су.

Мин тормыш  чыганагы.

Юын син минем белән

Сәламәт  булыйм  дисәң.

Сабын:  Һәр  бала  мине  сөйсен,

Һәркөн  юынып  йөрсен.

Юсын  аяк- кулларын,

Битен  һәм  колакларын.

Тычкан:  -Микроблар  саф  һаваны  яратмыйлар. Әйдәгез саф һаваның үзен тыңлап карыйк әле.

Саф һава:  Ылыслы урманнард йөрдек

Дусларым белән бергә

Саф һава кирәк  икәнен

Алар күптәннән белгән.

Куян:   -Микроблар  витаминнардан  куркалар,шуңа күрә  күбрәк  яшелчә  һәм  җиләк-җимеш  ашарга  кирәк.Яшелчәләр арасында ниләр генә юк икән

  Яшелчәләр  чыга.

Мин кәбестә, кишер, суган

Бәрәңгесе помидоры-

Витамин белән тулган.

Төлке:- Күбрәк саф  һавада булырга һәм  спорт  белән  шөгыльләнергә  кирәк.Сәламәтлек- төп  чирләргә  каршы  торучанлык. Спорт һәм  сәламәтлек   алар минем иң якын  дусларым.

Спорт һәм  сәламәтлек  чыга бииләр.

Спорт: Күрәсең  спорт  дускай  уңган, булганнар.

Булыгызсау-сәламәт

Сәламәтлек : Сәламәт  тәндә-сәламәт  акыл!

Сәламәтлек –зур  байлык.

Саскан : Очып чыга.

Саескан: Менә ничек  күңелле  дусларым!Барыгыз бергә җыелгач. Шулай сәламәт  булып, спорт белән шөгыльләнеп, дөрес тукланып яшик.

Сәламәтлек –зур  байлык.

Төлке Килгән кунагыбыз микроблар белән ничек итеп көрәшергә  кирәклеген белдеңме инде?

Нло:- Мин  инде  хәзер  аңладым, ничек  итеп  микробларга  каршы  көрәшергә  кирәклеген.Урман  дусларым!Сезгә  бик  зур  рәхмәт.Миндә  тизрәк  кайтыймда,үземнең  дусларыма  микроблардан ничек котылырга  кирәклеген  аңлатыйм.

НЛО очып китә.

Хайваннар  җыр  җырлыйлар.”Сау бул НЛО”