Сегодня мамин праздник
материал (младшая группа) по теме

Яз турында  җыр яңгырый. Балалар тезелеп залга керәләр. Тезелеп басалар.

Тәрбияче: Яз җитүгә кошлар кайта

Ерак юллардан арып.

Туган якка язлар килә

Яшел күлмәген киеп.

Елгалардан бозлар китә

Биек ярлардан ташып.

Бар табигать уяна

Дөньяны ямьгә төреп.

Җыр “ Яз җитә” Җ.Фәйзи муз. Ф.Кәрим шиг.

Тәрбияче: “ Яз җитте” дип сыерчыклар

Куанышып килделәр.

Без оя ясамагач

Моңаешып киттеләр.

Сыерчыгым оя сорап                                        

Кунган тәрәз каршына.

Кайчан оя ясарга дип

Кайгы төште башыма.

Җыр “ Яз килә”Л.Хәйретдинова муз. Халык сүз.

Тәрбияче: Безнең кызлар бик булган,                            

Бар эшкә өлгерәләр.

Кирәк икән тыпырдап

Хәзер биеп китәләр.

“ Чәчәкләр” биюе.

Тәрбияче: Әйдәгез әле, балалар, бу чәчәкләр белән бер уйнап алабыз.

“ Чәчәкләр җыю” уены. (вазаларга кем күберәк чәчкәне җыя)

Тәрбияче: Ә хәзер икенче чәчкәләрне җыябыз, балалар.

“ Чәчәкләрне дөрес итеп тезеп җыю” уены. ( ике төрле – василёк Һәм ромашка чәчәкләрен тезергә кирәк. Бу уенда бер юлы дүрт бала уйны ала – парлашып яки ике генә бала).

Тәрбияче: Балагызның берәве сез,

 Гаиләнең йөрәге сез,

Иминлекнең терәге сез,

Һәркемнең кирәге сез.

Кадерле әниләр! Сезне бәйрәмегез белән котлыйбыз. Сезгә зур сәламәтлек, бәхет, тынычлыклар телибез!

Җыр “ Бәйрәм белән котлыйбыз” Ф.Шәймәрданова сүз. С.Сабирова муз.

Тәрбияче: Балалар, әйдәгез әле курчакларны бизибез. Безнең курчакларыбыз бәйрәмгә барырга җыеналар, ләкин аларның  муенсалары боталып беткәннәр. Сез шул муенсаларны хәрбер курчакка үз төсендәгесен элеп куярга тырышасыз.

Уен “ Курчак бәйрәмгә җыена” ( бу уенга алты курчак кирәк була – һәрберсе үз төсендә: сары, кызыл, ак, яшел, зәңгәр,кара күлмәкләрдә).

Тәрбияче: Көнгә ничә тапкыр “Әни” дибез,

Рәхәт тә соң “ Әни” диюләре.

Шигырьләр һәм җырлар бүләк итик,

Бүләк итик матур биюләр.

Җырлы бию “ Без биибез” Н. Исәнбәт шиг. Р. Гатауллин муз.

1бала: Әнием йолдызым

Син минем бер генә.

Әнием матурым 

Мин сине яратам.

2бала: Син әнием минем өчен

Бу дөньяда бер генә.

Елмайганда йөзләреңнән

Бар өйгә нур бөркелә.

3бала: Әтиемнең әнисе

Әбием була минем.

Әби генә түгел әле,

Ул минем дәү әнием.

Тәмле ашлар пешерә,

Матур гөлләр үстерә.

Өебезнең нуры ул

Барыбыздан олы ул!

4бала: Айдан, кояштан кадерле

Син ул – Әнием.

Иң ягымлы, иң сөйкемле

Син ул – Әнием!

5бала: Әнием минем матур

Күзләре якты көләч.

Шундый күңелле була,

Ул өйгә кайтып кергәч.

6бала: Маму крепко поцелую,

Обниму мою родную.

Очень я её люблю

Мама – солнышко моё.

7бала: Кояш көлә, мин елмаям

8 Март бүген.

Бүген әниләр бәйрәме,

Шуңа күңелем шат минем.

Тәрбияче: Әниләр без сезне шушы матур бәйрәм белән котлыйбыз. Гел шундый назлы, олы йөрәкле, сау – сәламәт. Көләч йөзле, гөлләр кебек матур, яшь булып калыгыз һәм бу җыр сезнең өчен бүләк булсын!

Җыр “ Матур зәңгәр чәчәк” М. Андерьянова сүз. Һәм муз.

Балалар Әниләренә бүләкләрен бирәләр.

Котлау сүзләре.