"Гаилә - бәхет ачкычы"
методическая разработка (старшая группа) по теме

Муниципаль мәктәпкәчә белем бирү учреждениесе

«Гомуми үсеш бирүче №7 Актаныш балалар бакчасы”

(ЗУРЛАР ГРУППАСЫ БЕЛӘН   ГАИЛӘ БӘЙРӘМЕ)

Төркем тәрбиячеләре:

Хазиева В., Шайхулова А.

Актаныш 2014

А.Б. Хәерле кич, дуслар, кунаклар! Хәерле кич, әти-әниләр! Без бүген балалар, әти-әниләр белән ял кичәсенә, гаилә бәйрәменә җыелдык.

А.Б.       Безнең гаиләләр җыелган

              Ял итәр өчен бүген.

              Сүзләрнең иң матурын

              Әйтмичә мөмкин түгел.

Айгиз:         Һәр көн диярлек күрешәбез без

                     Һәрбер шатлыкны бүлешәбез без.

                     Мәңгегә шулай дуслык-татулык

                    Торсын яктыртып, диешәбез без.

Ильсияр:             Тормышыгыз ямьле булсын!

                            Ямьле булсын, гөрләп торсын,

                            Эшләрегез уңып торсын,

                            Илебезне бизәп торсын

                            Гаилә бәйрәме котлы булсын!

А.Б. Сез яраткан иң матур сүз

        Нинди сүз, әйтегез, балалар?

 Балалар:            Иң назлы сүз, иң якын сүз

                           Ул матур сүз-Әнкәем!

А.Б.   Бар тагы иң матур сүз

          Һәрвакыт сез әйтәсез

          Ансы нәрсә?

Балалар:     Ул матур сүз, ул якын сүз-Әткәем!

А.Б.  Әйе, әти-әни һәм балалар – бу бер бөтен гаилә. Гаилә – кешенең бишеге ул, туган йорты, аның  тормыш асылы.

А.Б.   Гаилә – ул иң олы таянычыбыз, иң ышанычлы сыеныр урыныбыз. Ни булмасын, кеше гаилә кочагында ял итә, рухи көч һәм дәрман җыя, күңелен бушатып җан җәрәхәтләрен дәвалый ала.

А.Зәйнәп:     Бергәләшеп, без, дуслар,

                      Җырлап алыйк әйдәле.

                      Котлы булсын гөрләп торсын

                      Гаиләләрнең бәйрәме.

Җыр:  “Яз җыры”

М.Азалия:     Әниләр назы белән

                       Без башлыйбыз һәр көнне

                       Кояш кирәк булган кебек

                       Әни кирәк һәркемгә.

Данил:        Безне сөеп иркәләргә

                    Назларга әни кирәк

                    Киңәшкә дә, ярдәмгә дә

                    Бар эшкә әни кирәк.

Лиана:    Айдан, кояштан кадерле

                Син  ул- әнием!

                Иң ягымлы, иң сөйкемле

                Син ул – әнием!

Раяз:       Бөтен әниләргә кояш

               Тигез өләшсен нурын

               Таңыбыз нурлы булсын

               Таңыбыз тыныч булсын.

С.Рамазан:       Зәңгәр күктә ал кояш

                          Сүнмәсен, балкып торсын

                          Әниләрнең нурлы йөзе

                          Гел көлеп кенә торсын.

А.Б.     Иң кадерле, иң хөрмәтле

            Булсын җирдә әниләр

            Әниләрне кадерләсәк

             Тыныч булыр ил – көннәр.

Җыр:  “Кояшлы ил” ( катнаш  вокал ансамбль)

Сылу:     “Әйтмим” Р.Миңнуллин шигыре.

А.Б.   Балалар  ял итеп алсын, әти –әниләр белән бераз уйнап алыйк.

Уен: “Кер кыстыргычын җыярга”  

А.Б.   Җиңүчеләрне котлап, хәзер Әминә “Үсәсем килә” җырын бүләк итә, рәхим итеп тыңлагыз!

Г.Азалия:  Күтәренке күңелле,

                   Бар да көләч шат бүген.

                   Күктә кояш елмая

                   Яшералмый шатлыгын.

                   Җырлыйсы килеп кенә

                   Тора бүген безнең дә,

                   Көтеп алган бәйрәме

                   Бүген һәммәбезнең дәэ

Ильмир:    Без шатлык таратабыз

                   Тирә-якны яңгыратып

                   Җырларга яратабыз.

                   Ягез, сез дә кушылыгыз

                   Утырмагыз, торыгыз!

                   Җырлый-җырлый биик әле

                   Сез кул чабып торыгыз.

Артур:   “Үпкәләп булмый әбигә” Н.Мадъяров шигыре

Җырлы – уен: “Куш кулым”

Уен: “Җиргә басма”

А.Б.       Әтиләр узган җирдә

               Яшәрә гөлләр.

               Тыныч көннәрне бүләк итүче,

               Илебез данын бөек йөртүче,

               Әтиләрдә бит туган ил көче.

Р.Зәйнәп:  Әле ярый сез бар җирдә,

                   Безнең иң ныклы терәк.

                  Бәхетебез тулы булсын,

                  Сез безгә шундый кирәк.

Таңсылу:       Сезнең янда гына без акыллы

                      Сезнең янда гына чибәрләр

                      Солдат булган өчен генә түгел,

                      Көн дә кирәк безгә әтиләр.

Нәзилә:   Әти булган өйнең нигезе нык

                 Табыны да һәрчак түгәрәк,

                Пар канатлар сыйпап үстергәнгә,

                Күңелләрдә оча күбәләк.

Элида:   “Балага иң куәтле кеше – ата,”-дигәннәр борынгылар.

                Гаиләнең йөрәге сез,

                Иминлекнең терәге сез

                Һәркемнең кирәге сез, әтиләр.

Эвелина:   И әтием, әтием

                   Беркайчан да авырма

                  Гел елмаеп, көлеп тор-

                  Шундый кызың барында.

Җыр:  “Матрешкалар”(кызлар)

 Рузиль:  Яшәсен безнең әтиләр

               Сәламәт һәм шат булып

               Кызларының, улларының

               Кадерлеләре булып.

Гүзәл:         Әниләр белән бергәләп

                   Озын-озак яшәгез

                   Шатлык килсен өебезгә

                  Кайгы хәсрәт күрмәгез.

Җыр:”Солдатта булган диләр”

А.Б.     Гаилә-бәхет ачкычы:

            Ир-беләк, хатын-терәк.

            Тату гаиләдә һәрчак

            Ачык йөз, тыныч йөрәк.

            Ата-анадан башка

            Бар нәрсәдә дә табыла

             Һәр бала ата-анага

             Изге итеп табына.

Нәркизә: “Әллә кайсын тыңлыйсы” К.Булатова шигыре

 Уен: “Кем җитезрәк?”(әти атлый,малай аяк арасыннан бөкәйләп чыга)

А.Б.  Җиңүчеләрне  Ильяр “Шофер буласым килә”  җырын  белән котлый, рәхим итеп тыңлагыз!

Камиль:     Бик күңелле, бик рәхәт

                   Әти-әниләр карап торгач

                   Эшләрендә булышырбыз,

                    Үсеп зур кеше булгач.

Х.Рамазан:    Сезгә булган хөрмәтебез,

                       Урын алсын йөрәк түрендә.

                       Шатлык, куаныч, зур бәхетләр

                       Юлдаш булсын гомер-гомергә.

Ильдар:   Җир йөзенең бөтен матурлыгын

                Килә сезгә бүләк итәсе.

                Дөньядагы матур сүзләрнең дә

                Иң җылысын килә әйтәсе.         

Җыр:”Әй гармуным” (Руслан җырлый)

А.Б.     Сезнең бәхет капкасын,

            Кайгы хәсрәт какмасын.

            Бәла-каза дигән нәрсә,

            Сезнең өйне тапмасын.

                      Кулыгыз-кулга нык тотынсын,

                      Бәхетегез мул булсын,

                      Ахыр сулышлырга кадәр

                      Нигезегез бер булсын

           Тигезлектә-тиңлектә,

           Гомер итеп иректә.

          Аерылмыйча-каерылмыйча,

          Картаегыз берлектә

Җыр:   “Әнием бәйрәме”    М.Әндәрҗәнова муз., көе