Сценарий "Ана --- бөек исем"
методическая разработка (старшая группа) по теме

Муниципальное  бюджетное  дошкольное  образовательное  учреждение

        «Мещеряковский  детский  сад»

2013  год                                                                                                                      Хисамова Ф.А.

                                                                                         Ана   Бөек   исем,

                                                                                       Нәрсә  җитә  ана    булуга ,

                                                                                        Хатын  кызның  бөтен  матурлыгы

                                                                                          Бөтен  күрке  ана  булуда.

Ана!  Нинди  бөек  исем !  Дөньяда  аналардан  да  газизрәк  зат  ,мәхәббәтеннән  дә  олырак  ,тугрырак  бернәрсә    дә  юктыр.Сабыйнын  аваз  салган  вакытыннан  ук   бала  ананың   яшәү  мәгүнәсенә  әйләнә.Ул  бала  күңленә    буыннан  буынга  килгән  ана  телен халкының  фикер  карашын  ,аң  белемен  ,hәм  тоемлау   хисен    дә  сеңдерә.

Аналарның  изгелеге  күркәмлеге    олы  кадере  шунда  :  алар хәсрәтне  йота белә,күтәрә  ала.Алар    шатлыкның кадерен   белә,аны  саклый  ала.Бөтмәс  төкәлмәс   сабырлык,теләсә  кем  үрелә  алмаслык   горурлык  бар  аларда.

М. Горький  :Кешедә  булган  барлык  гүзәллек   кояш  нурыннан  hәм  ана  сөтеннән  килә.  Кояшсыз  гөлләр  чәчәк  атмый,мәхәббәтсез бәхет  юк,хатын  кызсыз    мәхәббәт  юк.Анасыз  шагыйрь   дә  батыр  да  юк  дип  яза  Әйе,без  үзебез  ана  булсак  та  hәрвакытта да  әни  назын

Әниләребезнең  назлы  карашын  тоеп иркәләнәсебез  килеп  яшибез.Без  аналарыбыз  өчен   hәрвакыт  бала  булып  калабыз.Алар  безнең  өчен  ут  йотып  ,кайгыртып  яшиләр.Әгәр  авыр  хәсрәт  килсә  безнең  белән  кайгыралар,ә шатлык  килсә  бездән  дә  артык  шатланалар.

Бүген  дә  бик  күп  бала   ана  назыннан  мәхрүм.Аларның  да  гаилә  җылысын  татыйсы  бәхетле  буласы  килә.Шундый  балаларны  үз  кочагына  алып   сыендырып  ,җылылык  hәм  наз  бирә  алган  әниләр  аеруча  олы  ихтирамга  лаек.

                                                   hичбер  нәрсә  алыштыра  алмый  

                                                    hәрнәрсәдән  ана   олырак

                                                    Нәрсә  бар  соң  җирдә  кадерлерәк,

                                                     Әнкәй   сөтеннән  җылырак.

Бер  хәдистә  :”Ана  хакы,ана  хакы,ана  хакы  hәм  соңыннан  гына   ата  хакы “ дип  язылган.

Бу  сүзләрнең  мәънәсе   бүген   дә  әhәмиятен  югалтмаган.

Әниләр  көнен  билгеләп  үтәбез  икән  ул  чыннанда  изге  зат.Чөнки ул  җир  йөзенә  тормыш  бүләк  итүче,аны  яшәтүче,буыннар  чылбырын  өзмичә  саклаучы .Кадерле  әниләр !  Бүгенге  болгавыр  заманда  балаларыгызга   ана  мәхәббәте  ,хәер  фатихасы  аеруча  кирәк.  Яман  күренешләр  :эчүчелек,наркомания,әхлаксызлык  көннән  көн  арта  бара.Газиз  балаларыбызда  бары  тик  яхшы   сыйфатлар  гына  тәрбияләргә  омтылыйк.hәр  бала  гаиләдә  күңел  җылысын   татулыкны  ,ата-ана  хөрмәтен  ,ана   кадерен   ана  назын  тоеп  үссә  иде.Хөрмәтле  әниләр  ,сезне  барыгызны  да  әниләр  көне  белән  тәбрик  итәбез.Барыгызга  да  җан  тынычлыгы  ,тән  сихәтлеге,озын  гомер  телибез.Сезнең  гаиләнең  матурлыгына  hәркем   сокланырлык  булсын.Гаилә  учагын  сүндермичә  саклап  кала   белегез.Балаларыгызга  киңәшләрегез  ,ягымлы  карашыгыз белән  hәрвакыт  ярдәм  итегез.Йөзегездә  елмаю китмәсен.Бәхетле  булыгыз.                                                                                                                                                                                                                                                        

Алып баручы 1. Хәерле кич, хөрмәтле әниләр!  Бүген без һәрбер кеше өчен әһәмиятле булган көнне билгеләп узарга җыелдык.

Алып баручы 2.  Бүген без сезнең белән көннең яктылыгы кояшта, күкнең матурлыгы йолдызларда, җир йөзенең гүзәллеге әниләрдә икәнен расларбыз. Ана! Әни! Нинди бөек исем! Дөньяда әниләрдән дә газиз, изге зат юктыр.

Алып баручы 1.  Әниләр бүгенге көн сезгә багышлана! Бүгенге бәйрәм сезнең барлык борчу мәшәкатьләрегезне оныттырып, яхшы кәеф алып килсен иде.

Алып баручы 2. Бәйрәмнәрдә кешеләр бер – берсенә бүләкләр бирергә гадәтләнгән. Без бүген сезгә бүләкне бәйрәм башында ук бирергә булдык….

Алып баручы 1.  Каршы алыгыз! Иң яхшы бүләк – ул сезнен балаларыгыз!Балалар кереп, тезелеп басалар. (Балаларнын фотолары белән презентация куела)

                         Әни  ул  -якты  кояш.

                        Әни  ул -- исле  чәчәк

        Аңа  күрсәткән  яхшылык  

                         Үзеңә  үк   киләч

                                                                           Әнием  - иң  якын  кешем.

                                                                       Иртән  чәчемне  үрә,

                                                                          Ашлары  да  тәмле  була  

                                                                           Яратам  шуңа  күрә.

                  Әниләр  турында  бик  күп  җырлар,

                          Шигырьләр  дә  инде  язылган,

                          Күпме  генә  җырлар  җырланса  да  ,

                           Бурычыбыз  түләнмәс  сыман.

                                                                Әни  безнең  беренче  сүзебез,

                                                           Әни  диеп  буйга  җитәбез.

                                                             Аларның  йөрәк  җылысын  тоеп  

                                                             Гомер  юлын  атлап  китәбез.

Караңгыда  аем  минем,

Күклә –якты  йолдызым,

Олы  бәхет  шатлык  тели

Сиңа  яраткан  кызың.

Алып баручы 2. Әйе, әни һәрбер кеше өчен дә иң кадерлесе, иң яхшысы, иң матуры, гомумән, иң – иң тормышта әһәмиятлесе.

- Балалар, кайсыгыз әниегезне җир йөзендә иң кадерле кеше дип уйлый, кулыгызны күтәрегез әле. Әлбәттә, барысы да шулай уйлый. Кадерле, әниләр, балаларыгызның җырын бүләк итеп кабул итегез.

Тәрбияче:   Күмәкләшеп, бергә , дуслар

                     Җырлап алыйк, әйдәле.

                     Котлы булсын, гөрләп торсын

                     Әниләрнең бәйрәме.

Җыр башкарыла.

Тәрбияче:

Биюченең итәге

Бии, бии кыскара,

Биючегә сүз әйтмәгез,

Бии, бии остара.

Бие әйдә, бие әйдә

Биегәнне күрсеннәр

Баскан җирдә ут чыгара,

Безнең кызлар  егетләр дисеннәр.

 (татар халык киемнәреннән)          

Алып баручы 1. Ә хәзер, иң кызыгы башлана! Без әниләребезне конкурс программасында катнашырга чакырабыз! Уен булгач бәя бирүче жюри да булырга тиеш, жюри белән ташыштырып китәм – ул мин! Җиңүчегә саллы бүләкләр дә әзерләдек. Уеннарга актив катнашырсыз дип ышанып калабыз.

Беренче бирем “Мәкальне тәмамла” дип атала.Әниләр турында  мәкальләр бик күп, аларны әниләребез белә микән, шуны тикшереп карыйбыз.

Без мәкальнең башын башларбыз, сез ахырын әйтеп бетерерсез.

  Ана сүзен тотмаган олыгайганчы… (игелек күрмәгән)

  Ана ачуы – язгы кар: күп булса да…. (тиз эри)

  Ана куены (туннан җылырак)

  Яктылык – кояш янында, яхшылык – (ана янында)

   Үз анасын зурлаган, (кеше анасын хурламас)

    Анасына өргән эт (бүре авызына төшәр)

   Алтмышка җитсен бала (Ана өчен һаман да бала.)

Тәрбияче:

Бие, бие, Хәйбулла,

Биегән кеше бай була;

Бай булмаса, тук була,

Ашарына юк була.

Бие, бие, Хәйбулла,

Биегән кеше бай була.

Биегән кеше бай булганчы,

Карт алаша тай була.

                                                          Биюе башкарыла.            

Алып баручы 2.  Икенче бәйге: “Балаларыбызны беләбезме?” дип атала. Сезгә сораулар бирелә,. Сорауларга җаваплар балаларыгыз белән туры килерме, әллә юкмы? Балагызны беләбезме икән? Хәзер тикшереп карарбыз.

  Балагыз нинди төс ярата?

   Нинди кием кияргә ярата?

  Балагызның яраткан артисты кем?

   Балагыз кайсы бәйрәмне ярата?

  Балагыз нәрсә белән шөгыльләнергә ярата?

  Сезнең пешергән кайсы ризыгызны бигрәк тә яратып ашый?

     Гаиләдә кемне күбрәк ярата?

Әниләр җавап бирә, аннан соң балаларныкы белән чагыштырыла. Баланы иң яхшы белүче әни билгеләнә.

                 Тәрбияче:   Әниләрнең  кадерләрен  белик

                         ,Алар  исән –имин  чакларда.

                                 Соңга  калмыйк  әниләребезне  

                                  Бәлә  казалардан  сакларга.

                                                                                 Нинди  балкыш  ,нинди  бәйрәм

                                                                                ,Нинди  шатлык  бу  таңда?

                                                                                 Олы  шатлык ,  олы  бәйрәм –

                                                                                Әни  көне  булганга.

Җырлый-  җырлый әниемә

  Чәчәкләр  алып  киләм:

 _Бәйрәмең  белән  әнием  !

  Бәйрәм  көннәрең  белән!

 Тәрбияче   : . Әни җирдә иң кирәкле кеше.

Әниләрнең белик кадерен.

Җил – давыллардан саклап үстерә ул

Кызганмыйча бөтен гомерен.

.                                                                                              Гел шулай нур сибеп

                                                                                                   Яшзсә  иде  әниләр

                                                                                                  Исәнлек – саулык сорап,

                                                                                                  Дога кылыйк,

                                                                                                 Әниләрдән    аермасын

                                                                                               Берүк   яә   Аллам!

Җыр башкарыла.

  Дөньяда  иң  яхшы  әни,

 Беләсезме  кемнеке?

Белмәсәгез  үзем  әйтәм

Ул  әни  бит  _  минеке                      Ул  булганда  дөнья  матур,

                                                                  Өебез  дә  бик  ямьле

                                                                  Аның  белән  без  бик  бәхетле,

                                                                  Ашларыбыз  да  бик  тәмле.

Җанга   ятышлы   хәр  сүзе ,

Җилдән  дә  җитез  үзе

Карашыннан  нур  бөркелә,

 Кояштай  көләч  йөзе.

Алып баручы 2. Сез балагызны яхшы беләсезме? (әниләргә сорау) Башка бала белән бутамыйсызмы? Яхшы, хәзер тикшереп карарбыз! Балаларыгызны ничек яхшы белү турындагы биремнәребезне дәвам итәбез. Күзләрне бәйләгән килеш балаларның кулларыннан үз балаңныкын танып алу.

Сюприз момент. (Клоуннар)

(Бим белән Бом килеп керәләр)

Бим: Бом, карале, монда нинди күп балалар һәм кунаклар җыелган. Әйдә исәнләш.

Бом: Юк, Бим, әйдә син беренче исәнләш.

Бим: Юк, Бом,  син беренче исәнләш.

Бом: Юк, Бим, син исәнләш.

Бим: Исәнмесез, әбиләр һәм бабайлар!

Нәрсә көләсез, әллә дөрес әйтмәдемме?

Бом: Хәзер, хәзер дөреслим.

Исәнмесез, маймыллар һәм кызлар! Әллә мин дә ялгыштыммы?

Бергә: Хәзер менә шарикларыбызны гына борып куик та. (Боралар, бер – берсенә карашып)

- Исәнмесез, шук малайлар, матур кызлар һәм хөрмәтле әниләр!

Бом: Сез безне таныдыгызмы?

Бим: Мин – Бим булам!

Бом: Ә мин – Бом булам!

Я, әле, әйтеп карагыз әле. (Балалардан әйттерәләр)

Бим: Балалар, сез нинди бәйрәмгә җыелдыгыз соң?

Балалар: Әниләр бәйрәменә.

Бом: Ә сез әниләрегезне яратасызмы соң?

Бим: Әйдә тикшереп карыйк, әниләренә назлы сүзләрне дөрес әйтәләрме икән?

Бом: Хәзер, мин сезгә сүзләр әйтәм, әнигә әйтә торган матур сүз булса “әйе”, яки “юк” дип җавап бирерсез. Шулай итеп башладык.

Бим: Матурым.

Бом: Кечкенәм.

Бим: Мин сине яратам.

Бом: Балам.

Бим:   Һ.б.

Бом: Булдырдыгыз!

Бим: Э хәзер тиз генә физзарядка ясап алыйк.

Бом: Безнең белән тезел рәткә

Ясыйк бергә физзарядка!

Бим: Кулны куйдык үкчәгә,

Тезләргә һәм жилкәгә.

Ян-якка, билгә,өскә,

Көлми торабыз көчкә.

Ха-ха-ха, хи-хи-хи.

Бом: Без бердәм, без көчле,

Күрегез безнең көчне!

Тыпырдыйбыз. Чәбәклибез,

Елмаябыз һәм көләбез.

Бим: Алабыз бер серләшеп,

Биибез бергәләшеп!

Бию башкарыла.

Клоуннар биюче кызлар белән бергә биеп чыгып китәләр.                  

Алып баручы 1. Бүген сезгә әзерләгән биремнәр тәмамланды. Җиңүчене билгеләп, аларны бүләкләргә вакыт җитте. Жюри – ул мин инде, җиңүчене билгеләргә авырсынып торам, чөнки безнең бар әни дә иң – иң яхшысы  һәм әниләр өчен һәр берегезнең кызы, һәм улы иң уңган һәм булган. Мин киңәшләштем дә үз – үзем белән һәм җиңүче итеп бар әнине дә игълан итәм. Ә бүләкләр, безнең  җиңүчеләр өчен генә дип әзерләнгән. Көйгә серле капчык җибәрәм, көй туктагач шуннан бер бүләк сертификатын аласыз.

Бүләкләр:

1. Дачада киемнәр өчен кечкенә элгеч. (Кадак)

2. Тап бетерүче машина. (Бетергеч).

3. Ерак арага уй – фикерләрне җиткерүче җайланма. (Конверт)

4. Пылесос «Метисам». (Кисточка)

5. Универсаль рюкзак. ( Пакет)

6. Мини-палас. (Кулъяулык)

7. Хрусталь ваза. (Пыяла банка)

8. Яза торган машинка. (Ручка)

9. Электрощипцы. (Кер элгече)

10. Диетик чара. (Сагыз)

11. Күп сөйләшүдән чара. (Пустышка)

12. Уй – фикерләрне теркәүче. (Карандаш)

13. Табак – савыт юучы машина. (Губка)

14. Эмальны ялтырату өчен кулланма. (Теш щеткасы)

Әлбәттә, бу шаярту бүләкләре булды. Ә хәзер, әниләр өчен иң кадерле бүләкләрне, бала үз куллары белән ясаган кечкенә генә бүләкләрне зур итеп кабул итеп алыгыз.

Әнидән  дә  кадерлерәк

Дөньяда  кем  бар  икән?

Аларның  чын   кадерләрен

Хәркем  дә  белә  микән?

Язмыш  сынауларында  да

Алар  безгә  нык  терәк.

Кайгыда да ,  шатлыкта  да

Алар  безгә  бик  кирәк.

Шуңа  күрә  әниләрне  

Кирәк  безгә   сакларга

Аларның  ышанычын

Хәрвакытта  акларга.

Алып баручы 1. Хөрмәтле әниләр! Балаларыгыз әзерләгән бүгенге  бәйрәмгә килгәнегез өчен, күңелле итеп катнашып утырганыгыз өчен рәхмәт сезгә. Бала өчен җир йөзендә әнидән дә якты, әнидән дә рәхимле, мәхәббәтле , әнидән дә олы җанлы зат юктыр. Балаларыгызга дөньяның рәхәтен, тормышның михнәтен, күңелнең сафлыгын, намусның пакълыгын аңларга өйрәткән өчен. Алар сырхаулап ятканда, күкрәгегезгә кысып, “Җан җимешем, балам”, – дип, чын күңелдән борчылганыгыз өчен рәхмәт сезгә. Сез булмасагыз, алар оясыз кош, моңсыз җыр, җырсыз сандугач кебек булыр иделәр. Аллаһның мең рәхмәте яусын сезгә. Озын гомер, тән сихәте, саулык, күңелегездәге җан җылысының нурын сүндермичә балаларыгызны алга таба да яхшы тәрбия биреп яши алсагыз иде.