"Дагааны болгаш дагаанын оглун чемгерээли"
план-конспект занятия по рисованию (младшая группа)

№

Кичээлдиң кезектериниң аттары

Кичээлдиң тургузуу

Башкының күүседир ужурлуг ажыл чорудулгазы

Уругларның күүседир ужурлуг ажыл чорудулгазы

Кичээл-диң үези

1

I. Организастыг  

    кезээ.

  Уругларны кичээлге белеткеп, хей-адын көдүрер.

          Эртен үнер хүнүм – биле,

          Эткир үннүг куштар – биле,

          Аяс чаагай эртен – биле,

          Аалчылар мендээ, мендээ.

Тынышка мергежилге.

- Көрүңер даан уруглар куш дүгү ужуп келди.

- Куштуң дүгүн чүглери деп адаар.

- Куштуң чүүн үрүпкеш, канчаар ужарын  

  көрээлиңер.

Башкы куш чүүн көргүскеш словарьлыг ажылды чорудар:

куш дүгү – куш чүү.

Уруглар оожум аялга адаа – биле кирип келгеш, чартык төгерик кылдыр  туруп алырлар, аалчылар биле мендидежиир.

- Экии!

- Дүктегер, чиик.

Башкының көргүзүү-биле уруглар кылыр.

2

II. Кол кезээ.

 Сюрпризтиг кезээ .

 - Чүү деп куш, чүүн чидирипкен   чоор?

Аудиобижилгеде дагаа үнүн таныдар.

- Таныдыңар бе чүү деп куш-дур?

- Эр-хейлер! Дагаа кандыг куш ийик?

- Дагааны кымнар азырап турарыл?

- Экии дагаажыгаш!

                    Эрте турар. ко-ко-ко

                    Эткир үннүг, ко-ко-ко

                    Эреспейим, ко-ко-ко

                    Экивеңер, ко-ко-ко.

      (фонетиктиг дыл шимчээшкини)

Дагаа: Экии уруглар! 

-Эрткен кичээлде чүү деп тоолду дыңнадывыс,  

  уруглар?

- Ирей, кадайның дагаазы кандыг чуурга

  оолдапканыл?

- Алдын чуургазы канчап бусту бергенил?

- Шокар дагаа чүү деп оожуктурганыл?

- Ам силерге мен өске «Сарыг дагаа» деп тоолду

  чугаалап бээр мен, уруглар.

… «Бир-ле черге чаңгыс сарыг дагаалыг ирей, кадай чурттап чораан. Бир эртен оттуп кээрге дагаазы оолдапкан болган».

- Каш чуурга оолдапкан-дыр, санап көрүңерем,

  уруглар.

…«Ирей, кадай хөлчок амырааннар. Каш хонук эрткенде, бир-ле эртен ирей көрүптерге дагаазының чуургазы частып келген болган. Ирей энеге келгеш чугаалаан:

- Дагаавыстың чуургазы частып келген-дир кадай. Бичии дагаа оглу аштай берген боор, чемгерип каар сен бе? – дээн.

   Кадай ону дыңнааш, амыраанындан тараа каап бээр дээш көөрге, шоодайы куруг болган.

- Дагаавысты база бичии дагааның оглун чүнүң-биле чемгерер бис, - дээш ирей-кадай муңгарап эгелээннер»

- Көрүңерем, уруглар, ирей-кадайның тараазы

  төнген, бичии дагааның оглу шынап-ла аштап

  турар ышкажыл, кээргенчиин.

- Аа! Билип кааптым, уруглар, ирей-биле кадайга

  бистер дузалажып берээлиңер.

Башкы холунга ойнаарак дагааны тудуп алыр.

Башкы слайдыга «Шокар дагаа» деп тоолду көргүзер.

Кырган ирей-кадайның чуруун көргүзер.

Башкы корзинкада сарыг дагааны уругларга көргүзер.

Корзинкадан чуурганы ужулгаш  дагааның чанынга салып каар.

Бичии сарыг дагаа оглун дагааның чанынга салыр.

Башкы уругларга бичии дагаа оглун кээргеп суйбадыр.

- Дагаа.

- Дагаа азырал куш.

- Дагааны кижилер азырап    

   турар.

Дагаа биле мендилежиир

- «Шокар дагаа»

- Алдын чуурга.

- Күскениң кудууруу

  дээптерге бусту берген.

- Ыглава, ирей, ыглава, эне!

  Силерге өске, алдын эвес, а

 анаа чуурга оолдап бээр мен.

- Чаңгыс.

Уруглар бичии дагаа оглун суйбаар.

3

III. Практиктиг

      кезээ.

- Бо бичии хуулгаазын карандаштарның дузазы-

  биле дагаага база бичии дагааның оглунга

  тараалардан чуруп берээлиңер.

- Баштай мени кичээнгейлиг көөр.

- Тараа кандыг болурул?

- Тарааның өңү кандыгыл?

- Эр-хейлер! Тараа бичии, сарыг өңнүг болур.

  Хуулгаазын карандашты сарыг өңче суп алгаш

  бичии тарааларны чараш, арыг-силиг кылдыр

  чуруур.

Салааларга шимчээшкин: «Дагаажыгаш»

                  Дагаажыктар, дагаажыктар.

                  Даңгаар эртен алгырарбай

                 Тараа бээрге бажын савап,

                 Дайнап чиптер чаптанчыгбай.

Уругларны столче олуртуп алыр.

Тарааны канчаар чуруурун көргүзер.

Башкы уруглар бүрүзү-биле бот ажылды кылыр.

- Тараа бичии болур.

- Тарааның өңү сарыг болур.

Уругларның чурулгага ажылы

Салааларга шимчээшкиннни кылыр

4

IV. Төнчү кезээ

- Тарааларывыс быжа берген-дир, уруглар. Чуруп алган тараалар-биле дагааны база бичи оглун чемгерээлиңер.

Дагаа: Ко-ко-ко! Биске амданныг, чаагай тарааларны чурааш, бисти тоттур чемгерип кааныңарга четтирдивис, уруглар.

- Сарыг дагааны  база оглун тараа-биле чемгерип каарыңарга, өөрээш  силерге амданныг, чаагай чуургалар оолдап берген-дир.

- Бо чуургаларны чиггеш кадык-шыырак бооп өзер силер, уруглар.

Чураан ажылдарны столга салыр.

Башкы уругларга корзинкадан чуургаларны (чигирзиг белек – чыжырганалыг, ааржылыг конфеталар) ужулгаш үлеп бээр.

5

Түңнел.

- Бөгүнгү кичээлде чүнү өөренип билип

  алдывыс?

- Чүү деп тоолду дыңнадывыс?

- Дагаага болгаш оглунга чүнү чуруп бердивис?

- Дагаа биске чүнү бергенил?

Кичээлди түңнеп, уруглардан айтырыгларны салып, долу харыыны чедип алыр.

Башкының айтырыгларын идепкейлиг долу харыылааннар