Традицион булмаган алым белән рәсемләү ысулы.
план-конспект занятия по рисованию (младшая группа) на тему

“Камка”

Максат:  

• Төркемдә уңай психологик халәт тудыру;
• Сыйфатларны белдерүче сүзләр белән таныштыра башлау;
• Татар теленә генә хас булган авазларны дөрес әйтергә өйрәтүне дәвам итү;
• Балаларны узләренең гәүләрендә ориентлашырга ярдәм итү;
• Гади сорауларга җавап кайтара белүләренә ирешү;
• Сенсорик алымнар ярдәмендә балаларның тирә-юньне кабул итүләрен тагын да киңәйтү;
• Кул моторикасын ныгытуга басым ясау;

Методик алымнар:

1. Ситуация : “ Камка кунакка килгән” .
2. Хәрәкәтле уен : “ Камкаларга әйләнү”, “Камка һәм җил”.
3. Традицион булмаган алым белән рәсем ясау.

Кулланма материаллар: уенчык камка, рәсем өчен алдан әзерләнгән камка өлгесе,буяу, ноутбук.

Шөгыль структурасы:

1. Оештыру: уңай психологик халәт тудыру, психогимнастика.
2. Төп өлеш : “Камка кунакка килгән”,әйтем белән уен,сулыш гимнастикасы, “камкаларга әйләнү” уены, “камка һәм җил” уены,рәсем ясау.
3. Йомгаклау: сөенеч мизгеле.

1. Оештыру:

уңай психологик халәт тудыру; психогимнастика:

Бир миңа ,үскәнем ,кулыңны,

Сыпырыйм йомшак учларыңны.

          2.Төп өлеш:

Тәрбияче балаларга уенчык камканы күрсәтә:

• Балалар карагыз әле,безгә кунакка камка очып килгән. Карагыз әле , ул шундый матур! Әйдәгез исәнләшик аның белән. ( исәнме камка)
• Әйдәгез әле балалар миңа камканың нинди икәнен сөйләп бирегез, ул нинди төстә, аның формасы нинди , зурлыгы? (кызыл, түгәрәк, ул кечкенә)
• Алга таба бергәләшеп камканың аркасындагы кара тамгачыкларын бармак белән тиеп алыйк. Балалар ул нинди төстә? ( кара)
• Менә бит безнең бөҗәгебез.Алар нинди матурлар.

Тәрбияче артыннан шигырь юлларын сөйли0сөйли хәрәкәтләр ясыйлар:  

Камка,камка очып кит!              уч төпләрен күрсәтәләр

Безгә икмәк алып кил!                кулларын селкетәләр

Булсын аның агы да,                  үзләренә каратып селкетәләр

Булсын аның карасы да,             кул чабалар

Безгә ашыйсы.                            бармак белән яныйлар.      

• Урамда салкын,туңган,өшегән безнең камкабыз, оча да алмый башлаг.

Әйдәгез , аны өреп җылытыйк.

                             Сулыш гимнастикасы:    

• Менә җылынды безнең бөҗәгебез,ягез,өреп җибәрик аны. (Өрәләр)
• Ә хәзер , балалар, узебез дә камкаларга әйләник.

Әйлән-бәйлән камкаларга әйлән.

Нинди матур камкалар.

Камкалар,камкалар кайда сезнең башларыгыз?

Камкалар,камкалар кайда сезнең борыннарыгыз?

Камкалар,камкалар кайда сезнең авызларыгыз?

Камкалар,камкалар кайда сезнең кулларыгыз?

Камкалар,камкалар кайда сезнең аякларыгыз?

Камкалар,камкалар кайда сезнең корсакларыгыз?

• Бик яхшы,ә хәзер “ Камка һәм җил” уеннын уйнап алырбыз.
• Камка агач яфракларыннан үрмәләп йөри(дүртаяклап идәндә йөрү).
• Усал җил исә,камка егыла,әйләнә(балалар аркаларына ятып,аякларын селкетәләр).
• Җылы җил чыга,камкаларны һавага күтәрә,камкалар очалар(балалар салмак кына “очып йориләр”).
• Камка кач,кош оча(балалар тәрбияче янына йогереп киләләр).
• Камкалар кая сезнең тамгачыкларыгыз?  Тамгачыкларыгызны җил очырткан.Әйдәгез сезнең белән камкаларга тамгачыклар ясыйк. Өстәл артларына утырабыз, матур итеп , төз итеп утырабыз.Бер кул белән кәгазьне тотабыз, икенче кул белән 1 бармак белән камкага тамгачык ясыйбыз.Алдыгыздагы кара гуашка бармакларны манчыйбызда тамгачыкларны рәсемгә төшерәбез .

3.Йомгаклау:

-Безгә кунакка нәрсә килед?

-Без камкага нәрсәләр ясадык, нинди төстә, формада?...

- Камкага сез бик ошадыгыз,шуңа күрә ул сезгә күчтәнәч бүләк итә.

- Рәхмәт камка,балалар ләкин безгә дустыбыз камка белән аерылышырга вакыт килеп җитте. Сау бул,камка!

Сарман муниципаль районы “ Гомуми үсеш төрендәге 4 нче номерлы “Сандугач” балалар бакчасы” мәктәпкәчә белем бирү муниципаль бюджет учреждениесе

“Камка”

( Балалар бакчасында һәм Сарман муниципаль районының “Тәрбияче 2017” конкурсында күрсәтелгән эшчәнлек)

                                                                Тәрбияче: Шайхутдинова А.Р.

2016 ел