Зурлар төркемендә йомгаклау шөгыленең конспекты “Яшелчәләр җыябыз”
план-конспект занятия

Татарстан Республикасы Түбән Кама муниципаль районы башкарма комитетының «Мәктәпкәчә мәгариф идарәсе муниципаль бюджет учреждениесе»                                           “11 нче гомумиүстерешле балалар бакчасы”

Зурлар төркемендә

йомгаклау шөгыленең конспекты

“Яшелчәләр җыябыз”

                                                             Төзеде һәм үткәрде: татар теле тәрбияче

                                                                                                             Курбанова Рузилә Хабутдиновна

                                      Түбән Кама шәһәре, 2021 ел

Максат:информацион-коммуникатив технологияләр, уен-ситуацияләр, күргәзмәлелек кулланып тел өйрәнү, аралашу теләге тудыру.

Бурычлар: 

1.Сүз байлыгы булдыру.

2.Гади диалогта катнаша белү, сүзләрне отып алу аша хәтер,зиһен үстерү.

3.Татар теленә кызыксыну уяту.                              

Методик алымнар һәм чаралар:сөенеч мизгеле, дидактик уен, уен ситуациясе, сүзле уен, җырлы-биюле уен,  эчтәлекле уен, мактау, бәяләү.

Җиһазлау: 

Тәрбияче өчен:  проектор, ноутбук, экран,  аудиоязмалар.

Балалар өчен: куян уенчыгы, “Серле янчык”, яшелчә  муляжлары, кәрзиннәр.

Алдан эшләнгән эш: конспект төзү, слайдлар ясау, кирәкле материаллар туплау, балалар белән өйрәнгән лексиканы, уен сүзләрен, җырлы-биюле уенны кабатлау.

Сүзлек өстендә эш: исәнмесез, куян, хәлләр ничек, хәерле иртә, бу нәрсә,нинди, ничә,нәрсә кирәк, рәхмәт, саубулыгыз.

Эшчәнлекнең төзелеше:оештыру өлеше, төп өлеш, йомгаклау өлеше.

I. Оештыру өлеше

Тәрбияче: Исәнмесез, балалар!

Балалар: Исәнмесез!  

Тәрбияче: Хәлләрегез ничек?

Балалар: Әйбәт!

Тәрбияче: Хәерле иртә! 

Балалар: Хәерле иртә!

Тәрбияче: Бүген безгә кунакка куян килде.

Балалар: Исәнме куян! Хәлләр ничек? Хәерле иртә!

Тәрбияче: Куян “Серле янчык” алып килгән. Әйдәгез, карыйк әле, анда нәрсәләр бар?

 II. Төп өлеш

1.Дидактик уен “Серле янчык”

( Янчыкта кишер, суган, бәрәңге, кыяр, кәбестә муляжлары)

Балалар шул үрнәктә янчыктагы яшелчәләрне капшап карыйлар һәм исемнәрен әйтәләр.

2. Сүзле уен “Нәрсә, нинди, ничә?”

(экранда)

Тәрбияче: Бу нәрсә?

Бала: Кәбестә.

Тәрбияче: Кәбестә нинди?

Бала: Кәбестә зур (кечкенә, тәмле).

Тәрбияче: Ничә кәбестә?

Бала: Бер кәбестә (1дән 10га кадәр).

 Уен шул рәвештә барлык яшелчәләрне кулланып дәвам итә.

3. Җырлы – биюле уен “Бар матур бакча” 

1) Бар матур бакча,

Анда кишер үсә.         

Менә шундый кишер зур, 

Менә шундый кечкенә.

Кушымта: Кишер, кишер, кил әле, (1 бала “кишер” уртага чыга, бии)

Биеп, биеп кит әле.

Әллә-лә,әллә-лә, 

Биеп, биеп кит әле.

(Шул рәвештә башка яшелчәләр турында да җырлыйлар)

4.Уен ситуациясе “Салат өчен нәрсә кирәк?”

Тәрбияче яшелчәләрне күрсәтеп сорый: Салат өчен нәрсә кирәк?

Балалар җавабы:

- Кишер кирәк.        

- Суган кирәк.

- Помидор кирәк.

- Кыяр кирәк.

- Кәбестә кирәк.

- Бәрәңге кирәк.

5. Эчтәлекле уен “Яшелчәләр кибете”

( ике бала арасында диалог)

Зарина:Исәнмесез!

Полина: Исәнмесез!

Зарина: Хәлләр ничек?

Полина: Әйбәт. Хәерле иртә!

Зарина: Хәерле иртә!

Полина: Нәрсә кирәк?

Зарина: Кыяр кирәк.

Полина: Нинди кыяр?

Зарина: Кечкенә, чиста,тәмле кыяр.

Полина: Ничә кыяр?

Зарина: Дүрт кыяр.

Полина: Мә, дүрт кыяр.

Зарина: Рәхмәт, саубулыгыз.

Полина: Саубулыгыз.

 III. Йомгаклау өлеше

Тәрбияче: Балалар, без бүгенге шөгыльдә нәрсәләр эшләдек?Биремнәр авыр булдымы?Бигрәк тә кайсы бирем сезгә авыр тоелды? Безгә кунакка нәрсә килде? Ул безгә нәрсәләр алып килде? (Балалар җавабы)

 Тәрбияче: Балалар, рәхмәт сезгә. Булдырдыгыз.!