Хэрмэн - зэрлиг амитан.
план-конспект занятия (средняя группа)

Хэшээл «Хэрмэн - зэрлиг  амитан».

Зорилго: Хэрмэн тухай γхибγγдэй мэдэсые тодорхойлхо, γргэдхэхэ.

Тэрэ хаана байдаг бэ, юугээр хоолодог бэ, ямар тγхэлтэйб, аяг зантайб гэжэ γхибγγдтэ ойлгуулха.

Словарна хγдэлмэри: хоншоор, һабар, хγнды, солбон г.м. γгэнγγдтэй γхибγγдые танилсуулха, зγбөөр хэлγγлхэ.

Хэрэгсэл: зурагууд.

Занятиин ябаса:

Сайн байна γхибγγд!  Мγнөөдэр бидэ хэрмэн- зэрлиг амитан гэжэ мэдэжэ, танилсажа, хөөрэлдэхэбди.

Гэрэй ба зэрлиг амитад тухай таабаринуудые таахамнайгүү?

Yлдэнхэй байхадаа- мөөрэдэг,

Садхалан байхадаа- жажалдаг,

 Жаахан γхибγγдтэ һγ γгэдэг.  (Yнеэн)

Гээгээгγй аад, бэдэрдэг

Гэмтээгγй аад, ёолодог.  (Гахай)

Багахан бэетэй, зөөлэхэн  нооһотой,

Модоной хγнды соо байратай,

Суглуулһанаа γбэлдөө эдидэг.  (Хэрмэн)

Үхибүүдэй таабари таахада зурагууд самбар дээрэ үлгэгдэнэ.

Гахай, γнеэн, хэрмэн – юунин γлүүб? Хэрмэн.

Зүб даа, юундэ тиигэжэ һананат?

Хэрмэн-зэрлиг амитан, гахай, γнеэн-гэрэй амитад.

Бэрхэт даа. Мγнөө бидэ хэрмэн тухай хөөрэлдэхэбди, хаана байдаг бэ, юугээр хоолодог бэ, ямар тγхэлтэйб, аяг затайб.

-Энэ ямар зγһэтэй хэрмэн бэ? (боро.)

-Гэдэһэниинь ямар зγһэтэйб? (сагаан),                                        

- Энэ юуниинь бэ?  (толгойниинь)

-Толгойдонь юун бииб? (нюдэн, шэхэн, аман, хоншоор)

-Эдэ юунγγдынь бэ? (хγлнγγдынь)

-Энэ урдахи хγлнγγдынь, энэ хойто хγлнγγдынь.

Анхаралтайгаар харагты, хэрмэнэй урдахи, ба хойто хγлнγγдынь адли гγ, али ондоо гγ?

-Хэрмэнэй хγлнγγдтэнь һабарнууд бии?

-Һабарнуудынь модондо абирхадань туһатай байдаг.

-Энэ юуниинь бэ? (һγγлынь)

-Һγγлынь ямар байнаб? (бамбагар, харабтар зүһэтэй)

-Хэрмэнэй нооһониинь  γбэлдөө иимэ зузаан, бамбагар зөөлэн байдаг.

-Хэрмэн хаана байдаг амитан бэ? (ой соо)

Ой соо байдаг ямар амитан гээшэб, гэрэй гγ, али зэрлиг  гγ?

-Зγб. Хэрмэн-зэрлиг амитан, ой соо байдаг, модоной хγнды соо байратай, (зураг харуулха).

-Yбэлдөө эдихэ юумэеэ намартаа бэлдэдэг, һархяаг суглуулаад, модондо γлгэжэ хатаадаг. Yшөө  һамар ба жэмэсээр хооллодог.

-Хэрмэн ехэ солбон амитан, модонһоо модондо һγрэжэ гγйдэг.

Ан амитанда бидэ гамтайгаар, анхаралтайгаар хандажа һураха ёһотойбди.

Мγнөө амаралтын забаһаралта хэеэбди.

Бидэ ойн соорхой ерээбди, (хγлөө дээшэнь γргөөд ябая)

Бургааһан, болдог  алхалан,

Гэшγγһэн, тγгэлсэг алхалан,

Удаан бидэ гэшхэлээбдии,

Манай хγлхэн эсээ,

Мγнөө һуугаад амархабди, (һууна)

Һγγлээрынь хγхихээ, сэнгэхээ ошохобди! (собхорно)

 Мγнөө бии таанда «Хэрмэн» гэжэ шγлэг  уншахаб. Анхаралтайгаар шагнагты.                        

                                                            Хэрмэн.

Һайхан зунай γдэр

Һархяаг тγγжэ хатаадаг.

Алтан шара намар

Амтатай һамар сэмэдэг

Yбэлэйнгөө байра дулааханаар

Yндэр модондо тγхеэрдэг.

Шэрγγн γбэлэй саҺан соогуур

Сэнгэхээ гараад гγйдэг.

-Зай шγлэг соомнай, юун тухай хэлэгдэнэб?

-Юу суглуулжа хатаадаг байгаб?

-Юу сэмэдэг байгаб?

-Ямар модондо тγхеэрдэг бэ?

Мγнөө бидэнэр «Ангуушан ба адуушан» гэжэ наада наадахабди. Ангуушаниинь зэрлиг амитадые олохо, адуушаниинь гэрэй амитадые олохо.

 Даабари зγб дγγргэһэн γхибγγды магтаха.

-Ангуушан ба адуушан  ямар хγнγγд болоноб гэжэ хөөрэжэ γгэхэ.

Дγн.

Зай, биидэ мγнөөдэр Хэрмэн гэһэн зэрлиг амитантай танилсаабди (юу эдинэб, бэлдэнэб, хаана байратайб), шγлэг шагнаабди, наада γнгэргөөбди.

-Хэшэлнай дүүрээ. Анхаралтайгаар шагнаһандатнай, наадаһадантнай, буултандатнай баярые хγргэнэб.

-Баяртай!