Сценарий развлечения "День черкесского флага"
план-конспект занятия (средняя группа)

              МБДОУ «Детский сад «Сэтэней» а. Хабез»

Утренник ко дню черкесского флага

«Адыгэ нып»

Подготовили и провели

Воспитатель: Даурова М.А.

Музыкальный руководитель :

 Микитова А.Р.

а.Хабез 2022г

Вед:   Сэлам гуапэ фыдох къек1уэл1ауэ хъуам. Нобэ псоми ди махуэшхуэщ. Нобэ  ди гуф1эгъуэшхуэщ.  2010 гъэм къыщыщ1эдзауэ мэлыжьыхь мазэм и 25-нэ махуэр « Адыгэ ныпым и махуэу» дэнэ щ1ып1и щагъэлъап1э. Дунейм тет лъэпкъыу хъуам езыхэм я лъэпкъ дамыгъэ, адрейхэм къазэрыщхьэщык1 нэгъыщэ я1эжщ. Апхуэдэ нэгъыщэщ бзэр, хабзэр, дуней тетык1эр, ит1анэ ныпыр.

Иджыпсту дедэ1уну адыгэ ныпым и макъамэ.

               Уэрэд «Гимн 12 племён»

Вед: Ныпыр зыщ1ауэ щытар  хэтми  иджыри  нэгъэсауэ ящ1эркъым. Мы 1уэхум бгъэдыхьэк1э зыбжанэ и1эщ. Изыныкъуэхэм  зэрыжа1эмк1э щэк1 удзыфэм шабзищрэ вагъуэ пщык1ут1рэ япэу хидык1ыу Хэкум  къезыгъэхьар Уэсмэн империем щыпсэу адыгэ пщащэ гуэрщ.  Ет1уанэ 1уэху еплъык1эр: 1836 гъэм инджылыз т1асхъэщ1эх Джон Уркварт  Шэрджэс  Хэкум  адыгэу хъуам я нып къригъэхьауэ жа1эж. А илъэсым Шэпсыгъ 1эгъуэблагъуэм деж Хасэ щызэхыхьауэ щытащ. Дэ ди зэманым мэлыжьыхь мазэм и 24-нэ махуэм 1992 гъэм Адыгей республикэм и нып дамыгъэу къащтэ. Иужьк1э 2010 гъэм  Къэралпсо Адыгэ Хасэшхуэм и унафэк1э мэлыжьыхьым и 25- нэ махуэр «Адыгэ ныпым и махуэу» ягъэув.  Ар ягъэлъап1э дэни щыпсэу адыгэу хъуам.

Аза:

Адыгэ лъэпкъым и 1эпкълъэпкъ пщык1ут1-

Адыгэ анэм и зэш бын гъуэзэджэ,

Фэ адэжь хэкум вагъуэу фыщылыдт,

Фыкъэзылъагъухэр къывэхъуапсэу зэк1э.

Аслъэн:

Кавказым и дахап1эр фэ фи хэкут,

Щ1ыгулъым я нэхъ бейр фи хьэсэ щ1ап1эт,

Къэрал зэмыщхьхэм къыфхухашу гъуэгу

Фи  тенджыз 1уфэр я1эт кхъухьтедзап1эу.

Ш. Алина:

Иджы фэ дуней псом фыщикъухьащ…

Фэрыншэу нэщхъеялъэщ чэщей мэзхэр,

Фэрыншэу, уэгум вагъуэ щипхъыхьар

Мэкъуауэ бадзэу, маф1э нэп1ц1к1э мэсхэр.

Д. Алина:

Адыгэ лъэпкъым и лъакъуэ пщык1ут1,

1эпкълъэпкъыу ц1ыхум фэ фхуэдизщи и1эр,

Зыгуэр фыхэщ1у и гур ивмыуд,

Фи псэуныгъэр гурыф1ыгъуэу зи1эм.

Вед: Адыгэ ныпым тет шабзэхэм, вагъуэхэм мыхьэнэ куу я1эщ. Япэрауэ сыт ныпыр щ1эудзыфэр? Адыгэхэм ижь-ижьыж лъандэрэ къэзыухъуреихь дунейм пщ1э хуащ1у щытащ. Дунейм и бэрэчэтым и нагъыщэ нэхъыщхьэр удзыфэращ. Арауэ жа1э ныпыр щ1эудзыфэр. Нэгъуэщ1хэм зэрыжа1эмк1э, ар удзыфэу щ1ащ1ар  мусылъмэн диным и плъыфэ нэхъыщхьэр зэрыудзыфэращ. Бэракъым тет вагъуэ 12-р шэрджэс лъэпкъ инхэм я зырызщ, зи пэр дэгъэзея шабзищ зэблэдзар зауэр гъэувы1эным, мамырыгъэр гъэувыным, зэгуры1уэныгъэм и дамыгъэт. К1эщ1у жып1эмэ, вагъуэ 12-м адыгэ лъэпкъыр къызэщ1еубыдэ. Шабзищым зэрыхуагъэфащэмк1э къик1ыр мамырыгъэщ. А псор къызэщ1эбыубыдэжмэ, адыгэ ныпым мыпхуэдэ мыхьэнэ и1эщ: адыгэ лъэпкъыу хъуар мамырыгъэм хущ1экъуу псэун хуейщ.

Рамина:

Фохъус апщий, родимый флаг!

Ты снова к нам вернулся.

На небе вспыхнул, как очаг,

Над  нами распахнулся

Анур:

Черкесский флаг, адыгский флаг,

Стал символом для смелых.

И устремлял туда, где враг,

Свои немые стрелы!

Вед: Адыгэ зауэл1ыр зауэ 1уэху  игу  имылъу  щак1уэ щык1уэк1э къыздищтэу щытар шабзищщ. Адыгэ зауэл1  нэсым  нэхъыбэ  шабзэшэ хуейтэкъым пшэрыхь  щ1ак1уэр хигъэщ1эн щхьэк1э. Дэри девгъэплъыт адыгэ лъэпкъым хуэфэщэн нэрыбгэ къытхэк1ынумэ.

                    Джэгук1эхэр:

      1.Зэпекъу (щалэхэр зэпокъу)

      2. Хадэгъэк1 зэхэдз (хъыджэбзхэм зэхадз)

Вед:  Гъащ1э…. Гъащ1э…. Гъащ1эр зэм тыншщ, нэхущ, гукъеуэншэщ, зэми гущ1эгъуншэщ, хьэдэгъейщ. Сыт хуэдэрей лъэпкъми,  дэтхэнэ ц1ыхуми хуэдэу, езым и гъуэгуанэ зэпича и1эжщ. Щы1ащ адыгэ лъэпкъыр ща1этаи, и ц1эр ину щы1уаи, апхуэдэ къабзэу гугъуехь куэди илъэгъуащ, нэщ1эбжьэ куэди игъэныщк1уащ. Апхуэдиз зи нэгу щ1эк1а адыгэ лъэпкъым дарищ1эблэщ.  Дэ абы дыригушхуэн хуейщ, сыту жып1эмэ дэ ди пщэм къыдалъхьащ адэк1э гъащ1эр пытщэну. Зэман тек1мэ ди къуэрылъху- пхъурылъхухэр ириплъэжынущ ди гъащ1эм. Абы ялъэгъуныр дэращ зэлъытар: я щхьэр ину ялъэгъужынрэ е я напэр сынрэ.

Имран:

Черкесы мы, нам честь одна дана,

Её лишь неподкупные мы слуги,

Лишь ей живём, лишь цель одна видна,

Чтоб не порвать достоинства подпруги.

Сафия:

Черкесы мы! Двенадцать звёзд дугой

На знамени рассыпались зелёном

И три стрелы хранят земли покой

От века, что прославилась свободной.

Мухаммад:

Звёзды сверкают на полукруге,

Звёзды адыгских племён.

Не расторжимы братские узы

На перепутье времён

Стрелы на Запад

Стрелы на Север

Стрелы и на Восток.

Тысячелетье нартские земли

Враг покорить не смог.

Вед: Ныпыр- напэщ. Ныпыр къэралым, абы и ц1ыхухэм, лъэпкъым пщ1э зыхуищ1у и1э лъэп1эныгъэ псоми я дамыгъэщ. Аращ абы ину пщ1эрэ щ1ыхьрэ щ1ыхуащ1ри, хуэпщ1ыну щ1ыхуэфащэри. Иджыпсту адыгэ ныпыр ди спортсменхэм дуней псом къыща1эт, щагъэлъагъуэ, ирогушхуэ. Хьэгъуэл1ыгъуэхэм, махуэ лъап1эхэм к1эрыпч мыхъун и 1ыхьэ лъап1э хъуащ.

Вед: Къагъэсащ адэжьхэм нобэм хабзэ дахэу яхэлъар: я хахуагъэр, я нэмысыр, пэжыныгъэу яку дэлъар. А нэхъыжьхэм я гугъап1эм дэри делъэпэуэнкъым. Нобэ дгъэлъап1э адыгэ ныпым и махуэр.

Адыгэ джэгу.

Рианна:

Тхьэм дунейр зэтетыху

Хэкум и уафэм

Уи лъэпкъым и гум

Уримыгъэк1,

Си нып дахэ!

Вед:

Адыгэ ныпыр дыгъэм пэлыдрэ,

Кавказ къуршыжьыр къыпэлыдыжу,

Уафэм дэтхьеймэ ди Шыхулъагъуэу,

Щ1ылъэм къетхьэхмэ ди гъуазэу,

Жьы къабзэм бгъэ лъэщу дэхуарзэу,

Гуф1эгъуэ махуэм хуэт1эту,

Гузэвэгъуэ махуэхэм дызэхуишэу,

Шабзищыр мамырыгъэм и телъхьэу,

Вагъуэхэр мыужьыхыжу къаблэу,

Дыщэпск1э дарэ мыукъуейуэ,

1уащхьэмахуэ и щыгум щыхуарзэу,

Лъэпкъ зэбгырыдзар зы дищ1ыжарэ,

И жьауэм аф1эк1а дыщ1эмык1ыжу,

Маф1э зыгъэхуабэр мыунк1ыф1ыжу,

Адыгэ ныпыр тхьэм тхуэмэхуэн ищ1!

Ясина:

Нып удзыфэу, Хэкум и фэ!
Лъэпкъ дамыгъэу ди дуней!
Лъагэу ф1эти, ину жыф1э:
Ди адыгэр - псом я лейщ!

Самина:

Къытхуихуэнукъым зы махуэ
Уи жьауэк1эм дыщепц1ыж!
Уи лъэпкъ дыщэм, уи лъэпкъ хахуэм
Нобэ лъагэу уе1этыж!

Мухамед:

Дрогушхуэ ди адэжьхэм!

Дроиныр ди блэк1ам!

Лъык1э уэ узытхьэщ1ахэм

Напэ къабзэ къагъэнам!

Артур:

Мывэ къащхъуэр ди тхьэлъанэщ,

Кърмэн 1ус дызыхуэхъун:

Уи быдзышэр зы1ухуауэ

Къик1уэтынукъым зы бын!

Исмира:

Гъащ1эм и фэ! Нып удзыфэ!

Шабзэзэшищыр зи дыщафэ

Лъэпкъ пщык1ут1ыр игъэбжьыф1эу,

Вагъуэ лыдхэр зи щыхьэт.

Симай:

Адэжь щ1эину адыгэ нып!

Ди лъэпкъ дамыгъэу мамыр насып!

Щ1эблэр бгъэгушхуэу лъагэу уе1эт,

Уи жьауэм къыдже1э,- «Адыгэ фызэкъуэт»

Ди сабийхэм жа1эну «Адыгэ нып» уэрэдыр.

Иджы ди ц1ык1ухэм зэхагъэувэну адыгэ ныпыр.