Разработка развлечения "Шагаа-2021"
план-конспект занятия (старшая группа)

Улуг болуктун шагаа байырлалынын  хоглээшкини

Тема: «Шагаа, шагаа, шагаавыс!»

Кол сорулгазы: Шагаа – дээрге тыва чоннун шаандан тура сагып келген, чаа чыл уткуп, эрги чылды удеп турар байырлалы деп чувени билиндирер.  

Ооредиглиг сорулгазы: Тыва улустуң чаагай чаңчылдарынга уругларны өөредирин уламчылаары база тыва чаңчылдарга хүндүткелди оттурары.

Сайзырадыр сорулгазы: Тыва оюннарнын, шулуктернин, улегер домактарнын, ырыларнын  дузазы-биле уругларнын чугаазын, уран-талантызын, угаан-медерелин, чогаадыкчы чоруун сайзырадыр.

Кижизидилгелиг сорулгазы: Тыва чоннун, тыва национал хепке чоргааралды хевирлээр. Тыва улустун аас-чогаалынга сонуургалын улам ынай бедидер. Уругларны патриотчу, интернационалчы чорукка кижизидер.

Баш удур кылып чоруткан ажылдар:

1.Уругларга Шагаа дугайында шулуктерни, улегер домактарны баш удур улээн. Шагаа ырызын, хороводту, танца-самны оореткен.

2.Шагаа дугайында беседаны уругларга чоруткан.

3.Уругларга ог дугайында беседаны эттирген.

Залдын каасталгазы: Залды байырланчыг байдалда дерип каастаан.

Хоглээшкин чорудуу:

Башкы: Бис богун болза шагаа байырлалын кырган -ававыстын аккыр чараш оонге барып байырлаар- дыр бис. Огже баар бис бе, уруглар? (ийе)

Башкы: 

 Шулуктер:

Ою: Огбелернин боодей оонче

        Оор чонну чалап тур бис!

        Аяк-шайдан аартап ижип,

        Аравыста ырдан ырлап

        Шагаа чемин чооглавышаан

        Шайлаалынар, хоглээлинер!

Хоглээшкинивис эгезин чараш, чаптанчыг тыва хептиг дангыналарывысты ажыдарынче чалап алыылынар!

Уруглар самы «Аяк-шайым»

Кырган ава:  

Харлыг кыштын адак айы тонуп турда

Хамык чоннун ооруп-хоглеп байырлаары Шагаа келди!

Амыр-менди аалчылар!

Амыр-ла бе ажы-толум!

Уруглар: Амыр-амыр! (Чолукшужар)

Башкы: Шагаа дээрге тыва чоннун шаг-шаандан тура байырлап келген байырлалы. Ону байырлаарда бир онзагай эп-найыралдыг, оюн-тоглаалыг, чымчак чылыг состер-биле эрткен чылды удээри болгаш унуп келген чаа-чылды оорушку-маннайлыг уткуп алыры болур.

Шагаа — улус чонун тоогуден байырлалы.

Шагаа — эргилип кээр чаа — чылдын байырлалы.

Шагаа — чемзиг чемнин дээжизинин байлакшылы

Шагаа — чечен состун, уян ырнын байырлалы.

(кырган-ава, йорээл чугаалап, сут чажып, уругларны уткуп алыр)

Башкы: Бис шагаавыстын байырлалында огге хоглээр дээштин аалдап келдивис, кырган-авай! Силер биле кады манаа байырлаалынарам!

Улуг болуктун «Шагаа, шагаа, шагаавыс!»- деп хоглээшкинин эгелээр-дир бис.

Шагаавысты кырган-ававыска шулуктеп берээлинер.

Санчай: Шагаавыстын байырлалында

                Чазык хоглуг болуулунар

               Ыры- самнын далайынче

               Ыятпайын кирээлинер!

Сылдыс: Шагаа хуну чедип кээрге

                 Тыва чонум таан мерген

                 Тывызыктаан, тоол ыткан

                 Дынгылдайлаан, хоомейлээн

                 Дылы чечен, чараш состуг

                 Тыва чонум таан чараш.

Демирлан: Шагнын соолгу эргилдези

                     Чырык чаагай частын бажы

                      Чыкылама кышты солуур

                      Шагаа айы- унуп келди.

Цендаюш: Тыва чонум хундулээчел,

                   Дылы безин эптиг, чымчак.

                   Эрткен, душкен кижилерге

                    Эжиктери ажык турар.

Салим: Шагаа- найыр будуузу боор

             Шак бо ойнун магаданчыын.

             Аалдар одээн аштап- ширбээн,

             Артыш, шаанак айдызап кээр,

             Шалып- ишчи улус-чонум

             Шагда анаа белеткенген,

             Аъш-чемнин дээжизин

            Ам бо хунде делгеп салган.

Башкы:  

Эртип турар куске чылы,

Манаанывыс инек чылы

Маажып моорлап келди-ле бе?!

Курай! Курай! Курай! (шупту курайлаар кады)

Ам дараазында шупту чараш байырлалывыста кырган-ававыска «Шагаа, шагаа часты чала» деп ырывысты ырлап берээлинер!

Ыры: «Шагаа, шагаа, часты чала»

Башкы: Эр-хейлер, уруглар! Шагаа байырлалынын бир онзагай белеткели-  аъш-чем. Шаанда тыва чон Шагаа байырлалынга кустен бээр-ле белеткенир турган. Семис ирти азы ошкуну озээш уужелээр, чодураалыг чокпектерин база тыва чемнернин дээжизин белеткеп алырлар. Тыва чем аймаандан адап корунерем, уруглар? (ааржы, саржаг, сут, хойтпак, итпек, кадык,курут).

Башкы: Кырган-ававыстын оонде база чаагай тыва чемнерни делгеп салган ышкажыл, корунер даан! Ынчангаш  чаагай тыва чемнер дугайында шулуктерти база чугаалап берээлинер!

Лилия: Ада-огбем дамчытканы,

              Ак-ла чемим дээжизи

              Хоон калбас ааржымга

              Холчок ынак уруг-дур мен.

Дензин: Тыва чемде курут ышкаш

               Дылга, ааска ажыг чем чок

               Ынчалзажок кужур ханар

               Ындыг чемни кым-даа тыппас.

Кан-Болат: Чыды чаагай далганымны

                     Чыглып келген доргул-торел

                     Саржаг каггаш, суттуг шайга

                     Сагыш хандыр булгап чиир бис.

Аянса: Чинге тараа хамык чем дег,

              Чиксенчиг-даа, амданныг-даа

               Кылан сугга соолдургаш

               Кызыл-тас дег хооруп алыр.

Булат: Ак чем хоолулуг

             Ава созу унелиг.

Аврелия: Ааржы-курут суузунун

                  Амгы салгал уттуп бар чор

                  Тыва чемнер догерезин

                  Тыва оол, кыс кылып чорзун!

Буян-Доржу: Инек чылы идегелдиг

                        Ижер сут-даа элбек болур

                        Саржаг, ааржы, курут, чокпек

                        Сава-санга долуп келир.

Башкы: Эр-хелер, уруглар! Тыва чемнер дугайында дыка ла чараш шулуктерни, улегер домакты билир-дир силер.

Ам шупту туруп келгеш арбай-хоорлаптар бис бе? (ийе)

Хоровод: «Арбай-хоор»

Шагаавыстын байырлалынын база бир онзагай чуулу, чараш тыва оюннар-ла болгай. Оюннарны база мактап шулуктептер бис бе!?

Сайын-Белек: Чаш малдын оюну чараш

                          Чаш уругнун ыызы чараш.

Артына: Шаанда шагда тыва оолдар

                 Шагаа хунунде тевектээрлер.

                 Тевектээри оолдарнын

                 Депшиктиг-ле оюну-дур!

Ай-Демир: Кажык, даалы, тевек, шанак

                    Хамык оюн оларда –дыр

                    Маргылдажып, моорейлежип

                    Мага хандыр хоглеп кээр-дир.

Кырган-ава: Дендии-ле чараш шулуктер билир уруглар дыр силер. Солун оюн кажыктан ойнаптаалынар! (кажыктаар)

Башкы: Шагаавыстын хоглээшкининде тыва чемнеривисти, оюннарны дыка-ла чараш кылдыр шулуктеп, улегер домактадывыс.  Шаандагы огбелеривис дыка-ла онза, тывынгыр солун кылдыр байырлап чораанар ышкажыл, кырган-авай!

Ам уругларнын тывынгыр, угааныын база коруптээлинерем!

Башкы:

- Коорге козулбес

  Тударга туттунмас

  Базарга бастынмас. (агаар)

-Дендии куштуг,

 Девиденчиг уннуг. (динмирээшкин)

-Даг кырындан чаттылды

 Дазыл дамыр чылытты. (хун)

-Дорт алышкы

 Чангыс борттуг. (стол)

-Суг чок чунар

 Шуглак чок удуур. (моортай)

Башкы: Эр-хейлер!

                 Ажыл херек инек чылда

                Ала чайгаар аайлашсын,

                А бистер ону мактап

                Алгаалынар,йорээлинер.

Туяана: Эрги чылывыс эргилип чанды

                Чаа-чылывыс чаларап келди.

                Экини эккеп шаннады

                Шагааны чалап шаннады.

Айда-Сай: Хулээлгезин куусеткеш,

                    Куске чылы аъттанып туру.

                    Арат чонга уругларга

                    Инек чылы аалдап келди.

                    Эртип турар эрги чылывыс,

                    Эртинезин хайырлазын,

                    Уткуп турар инек чылы

                    Ууттунмас буянныг болзун!

Айра, Айдыс:

Шаг-чаагай,

Шагаа-чаагай!

Тыва чоннун чараш самы, челер-ойлаптар бис бе!

Сам «Челер-ой!»

Башкы: Шулуктеп, ырлап, улегер домактап, тывызыктап, танцыладывыс.

Бис болза куске чылын удеп, инек чылын уткуп алдывыс. Ынчангаш шак бо уткуп турар чаа чылывыс биске экини, хой-хой чедиишкиннерни, амыдырал чуртталгавыска экини экээр ле болзунам! Курай-курай!

-Бис-даа мага хандыр дыштандывыс. Кан-дег кадыкшылды, узун-назыны, сол- менди артарынарны кузедивис, кырган-авай! Байырлыг!

Кырган-ава: Инек чылын амыр –чаагай, ойнап-хоглеп уткудувус, уругларым! Силерге база шупту чувеге экини, кан-акдыкшылды, ак  орукту кузедим!

Литература:

1.Интернет ресурсы

2.Номчулга ному Л.Х.Ооржак, Кызыл-2019