МОРДОВСКИЕ ПОТЕШКИ, ЗАКЛИЧКИ, ПЕСЕНКИ
учебно-методический материал (старшая группа) на тему

МОРДОВСКИЕ ПОТЕШКИ, ЗАКЛИЧКИ, ПЕСЕНКИ

Ушеняса вармась вяшки,

Якшамсь лямботь эса сяськи.

Курок оцюста тон касат,

Молят вире – пенгат ускат,

Минцень пенакудоньконь уштат,

Сире пакарнянень эждят,

Тядяцтинге тон вдь лездат.

***

Ванан вяри - ванан алу,

Кержи шири, ванан фталу.

Меле ванан види шири,

Озан, стяян, сань, туян.

Тяни меки ушедан.

***

Сезяка ,сезяка,                                                             Сорока, сорока,

Сезяка , акша бока,                                                     Сорока, белобока,

Азк, мезе, вешендят,                                                   Скажи, что ищешь,

Мезень колга чикордат?                                             О чем ты трещишь?

Мезе юмавтоть?                                                           Что упало? Что ты уронила?

Мезе прафтоть?

Сорока:

-Пяштенянень прафтонь  ,                                          Орешки уронила,

Марнек  юмафтонь.                                                     И все их потеряла.

                                      ***

Пиземня, пиземня, кап, кап, кап!

Курок улисть эрьхкенят!

Пиземня, пиземня, кап, кап, кап!

Ширеть марта ладятама!

Пиземня, пиземня, кап, кап, кап!

Ковальнетыень паньцаськ!

Пиземня, тук пяконя!

Модась ули ляпоня, модась ули ляпоня!

Ласьконттяма кяпоня!

***

Пиземня, пяконя!

Модась ули ляпоня.

Модась ули ляпоня,

Ласьконттяма кяпоня!

Пиземне вишкопт!

Максан семишник!

Ваймамань минутане

Шобдава шинесь стяй

Вери, вери, вери.

(постепенно поднимают руки вверх).

Илять шинесь утяй,

Аллу, алу, алу.

(дети опускают руки вниз).

Цебярь, цебярь шинесь пееди

(фонарики).

Весяласта эряви.

(дети хлопают в ладоши).

Пальчиковая гимнастика «Шиня листь»

Солнышко.

Шиня листь, шиня листь

Кажнай сурняньконь – хлопают в ладоши.

Минь иждьк

Сурне! – показывают пальчики

Фкя! – соединяют большие пальцы

Кафта! – соединяют указательные

Колма! – средние

Ниле! – безымянные

Вете! – мизинцы

Мон работан – сжимают кулачки

Посмотрите – кланяются ладошками

Мороня «Ай, Таняня, Таняня»

Ай, Таняня, Таняня,

Сатиновай паляня.

Таня моли пандова

Материянь кандома.

Танянь пильгоц пупордась,

Материясь куколдась.

СТИХТ И МОРОНЯТ

Виде, такор кине ланга

Ардыхть бабать шири шабат.

Цок, цок, цок, цок-

Арды  вишкста табунок.

Тяла.

Ловнясь пухокс лии шарозь.

Паксясь акша панар щай.

Тага сёксеть мельге тялось

Афи марявсь, кода сай.

Пизем.

Пиземсь пизи, валозь валы,

Налхки ёндолнясь вирть фтала.

Пиземсь пизи, шуди ведь,

Менельть эса мазы седь.

Тунда.

Ётась тялось. Сась тундась.

Ванды ули мазы майсь.

Сембе нармоттне сайхть меки,

Конат тушендсть лямбе крайс.

Сязьгата.

- Ай, сязьгата, сязьгата,

Мес кувака пулоце?

- Мес кувака пулозе?

Пулозе – монь рулезе.

Казаня.

Ай, казаня, казаня,

Ардомати тазаня.

Сон ардсь капста пери,

Ялганзонды сери.

Перень ваны атясь

Оцю или фатясь.

Сонь казанясь няезе –

Курок тоста тяезе.

Катоня.

Ай, катоня, катоня,

Лефкскадот тонь котоня,

Ай, катоня, киска,

Нярцень ала миска.

Надя.

Надя садста эрь шиня

Канни пиже тишеня.

Путсы клеткав тишенянц,

Андсы кудонь нумолнянц.

Канды ведня кельмоня,

Симдьсы якстерь сельмонять.

Тевонь содайкс касы Надя.

Сазорнянц коль анни-ванни:

- Удок, удок, Маруня

Аф сусктанза каруня.

Аеркс каруть паньца,

Онняцень мон ванца!

Ай, варсиня, варсиня,

Варсить юмась толганяц.

Кие сонь музе?

Варсить пизос тузе?

-Вишке вармась кандозе.

М. Малькина

Надянь морнянза.

Эряй велесонок Надя,

Морнят морай, морнят ладяй.

Морнянзон аф кяшсыне,

Мезе морай – тяштьсыне.

Пинесь кяжиста увай -

Пери сараз аф сувай.

Вай, пъсьмарсь кудняти лии,

Сон кудняти пиза тии.

Ватта, щавай, коса ковсь!

Кода менельти сон повсь?

Катось аксяла мрнась,

Катось шеерня кундась.

***

Тракскясь парай:

«Му! Мон траксан,

Теенть лофцоня мон максан».

Ефси алу валгсть туцят.

Варжак: лангозост куцят!?

Шуфта лопат сязендсь вармась,

Мес шта кяжияма кармась?

Тишесь, шуфттне кяшсть ловть алу,

Сяс мес якшама. Мес - тяла.

Вагот пангозе и къстызе.

Псиста эжди шись, Тя киза.

Катоть кенженянза оржат,

Сельмонянза тюжя ожнат.

Поканяц сонь ляпоня,

Якай катось кяпоня.

Сякокс шеерсь марясы –

Пели лисемс варяста.

Ёрань кундамс оцю кал,

Но монць ведти – шлёп! – упал.

Азса мокшекс: мон не думал,

Мес мондейне мярьгихть нумол.

Сеельть салмоксонза лама,

Но аф машты оронь стама.

Нармоннятне тевс кундасть,

Пизот тиихть. Сась тундась.

Кельме пиземсь афи лоткси.

Лопат пяярди. Тя сёксе.

Эй, тон, марьня, мазы бока,

Прамстот конязень тяк тока!

А. Ежов

Кизоня.

Киза, киза, кизоня,

Вятнят эсонк эрь шиня

Пиче вирень янга,

Къстыда иттнень андат.

Ляйце велеть песа

Эшеляфты эсонк.

Ю. Азрапкин

Ляй трваса.

Ляй трваса ащи Ната,

Натань ваксса сёрмав ката.

Натань фтала тошкайхть кальхне,

Ульмонц перьфке шарыхть калхне.

Ю. Азрапкин

Сире урсь кудганза якай,

Кульсы: кати-кие чакай.

- Чак – чак – чак,

Чак, чак, чак!

- Можна, можна,

Сак сувак.

Я. Пинясов

Тяла.

Тячи тага тяла,

Марнек вельхтявсь модась.

Порфкясь вальмять ала

Акша котфкя кодась.

Кельгса тялоть, кельгса,

Кожфкац шама архты.

И. Ефимкин

Курок менельсь ули мани,

Курок псилгоды шинясь,

Штады ловть алда луганясь,

Пижелгоды тишенясь.

А. Кудашкин

Тялось сась.

Моли, моли васень ловсь,

Прай и мады коза-повсь,

Ацай саттнень, пирьфнень,

Паксятнень и вирьхнень.

Ёфси вальмять ала

Пухонь одеяла.

А ляйть ваксса шабатне

Тисть ни ловонь бабаня.

Пестушкат, потешкат.

… Дегу, дегу – дегушти,

Марюсь касы сёксети.

Кядец саты моркшти,

Лямнядонга коршты …

Стяка, стяка, цёраняй,

Стяка, стяка, удыняй.

Лихтить, лихтить кядемкатнень,

Няфтить, няфтить пильгомкатнень.

Нуваргафтка ронгоняцень

Катка, идняй, пизоняцень (нюрямняцень)

Машати – пяштеня,

Дашати – пяштеня,

Катонясь – ёмла

Теенза колма.

Тьфу, тьфу, цёраня,

Церянь – пяштень товня,

Инезиень олгоня,

Ведь саразонь толганя.

Атянь-бабань андыцня,

Тундань маень панчфкя,

Сёксень медень таньфкя.

Ай, дёкшти, дёкшти,

Ванянь касы сёксети,

Пряц токай моркшти.

Кядец саты лапаняти,

Кундай ваи пачаняти.

Тяпу, тяпу – тяпунят,

Кафта кяднят шлёпунят,

Ветень сурнят ляпонят,

Сембе васту кундайнят.

Васень сурнясь – пяльхкя сурня,

Омбоценясь – няфни сурня,

Колмоценясь - кучка сурня,

Нилеценясь – лемфтемня,

Ветеценясь – вяшкя сурня,

Кшу, кшу, лиезь тусть.

Игра с пальчиками

Тянди – шаваня,

Тянди – куцюня,

Тянди – цянгоня,

Тянди – пеельня

Тянди – кшиня и т. д.

ЛУВОМАТ (Считалки)

Фкя, кафта –

Пилькнень ладяйть тяфта.

Колма, ниле, вете –

Кяттнень вяри кепотть.

Ниле, вете, кота, -

Фкя аськолкста потак.

Сисем, кафкса, вейхкса –

Цяпайть кяттнень вельхкссот.

- Фкя, кафта –

Комотнеда тяфта.

Нумолня.

Хоть мон ёмла нумолнян,

Сякокс ёжуня улян,

Мон върьгазонь пейда кяшан,

Тяни эсон варжак вешентть!

Дразнилкат

Цили, били, Васили

Очконяса эшеляй.

Сонць тараканшка,

Пекоц барабаншка.

Бърди, бърди, аварди,

Эзем алу кевори,

Копорть кедец неволи …

Анельканя-куцюня!

Тядянц эзда аф оцюня.

Ялга ёткста колендемста

Авардиень оцюня.

Сяс и мялец анелькать

Апак налхксек моленди,

Мес ульцяса мархтонза

Кивок ни аф коленди.

Яшка-каталажка,

Пиже фуражка.

Загадкат

Кафта тядят; ветень идьсна,

Сембонь фкя лацот лемсна.

Ниле братт фкя шляпа ала ащихть.

Вайгялец ляпоня,

Якай кяпоня,

Пятналангса утси,

Шеернят кунтсы.

Акат-сазорхт кафонест,

Фкясь мады, омбоцесь стяй.

Кафта братт кить туркс эряйхть,

Фкя-фкянь аф няихть.

Фкясь корхтай, кафттне ваныхть,

Кафттне кулхцондыхть.

Пиндолды равжа орняц,

Кайги мазы морняц,

Олга пряса кудняц.

Сон эрь шобдаваня морай,

Стяфтомс шабанятнень ерай.

Ведьгя уенди – аф начки.

Монь ули стирнязе,

Мезьдовок аф ярхцай,

А щапт анай.

Сонць акша, а шамат мазопты.

Ёлма сяканя.

Эсонза танцти ямня.

Тевснон эса сембе шнайхть,

Аньцек маряйста пупайхть.

Шуфта пряса кудня,

Эзонза сувси равжа стирня.

Эрьхке вельхксса мазы дуга.

Акша атя куду сувай,

Кодак сувай – юмай.

Пейдонза лама, а кургоц аш.

Пряц кшнинь, а ронгоц шуфтонь.