Бал кортында кунакта
план-конспект занятия (младшая группа) на тему

Тема: Бал кортында кунакта.

Максат: табигатьтәге җәйге үзгәрешләр турындагы күзаллауларын киңәйтү, бал корты турындагы белемнәрен арттыру; диалогик сөйләм күнекмәләрен ныгыту; бөҗәкләргә карата сакчыл караш, әхлаклык сыйфатлары тәрбияләү.

Җиһазлау: бал корты маскалары, чиләк, кашык, тәлинкә белән бал.

Белем бирү эшчәнлеге барышы

Бал корты тавышы. Чәчәктән чәчәккә кунып бал корты бал җыя. Тәрбияче белән балалар килеп керә.

• Карагыз әле, балалар, нинди матур аланлык, нәрсәләр бар монда? (чәчәкләр, бал корты).
• Балалар, бал корты нишли? (бал җыя).
• Бик дөрес балалар, бал корты чәчәктән чәчәккә очып бал җыя. Әйдәгез якынрак барып сорыйк әле үзеннән.
• Бал корты, хәлләрең ничек?
• Минем хәлләрем бик әйбәт.
• Бик арып –талмадыңмы?
• Юк, арырга вакытым юк, көз җиткәнче бал җыясым бар.
• Бал корты, син бездән курыкма, җый балыңны рәхәтләнеп!
• Куркам шул мин сездән, кайбер балалар безнең канатларыбызны өзәләр, ә кайберләре ком белән таптап китәләр.
• Ай-һай, балалар, сезнең арада андыйлар юкмы?
• Балалар, бөҗәкләргә тияргә ярыймы, ни өчен ярамый? (алар безнең өчен шифалы да, тәмле дә бал җыялар).
• Бал корты, аргансыңдыр, әйдә безнең белән бераз ял итеп ал! Әйдә бергәләшеп уйныйбыз!
• Бик рәхәтләнеп уйныйм.

Бал кортлары булып киенгән балалар чәчәктән чәчәккә кунып уйныйлар.

• Минем сезгә күчтәнәчем бар, мәгез шифалы балдан авыз итегез!
• Рәхмәт инде сиңа бал корты, тәмле күчтәнәчең өчен. Ә без үз чиратыбызда сезгә беркайчан да тимәскә сүз бирәбез.
• Ә хәзер мин китим инде, салкыннар җиткәнче бал җыеп каласым бар. Сау булыгыз балалар!
• Сау бул, бал корты!
• Балалар, әйдәгез, бал кортының күчтәнәчен авыз итик әле.Тәмлеме бал? (тәмле)
• Тагын нинди ул бал? (тәмле, баллы, шифалы, файдалы)
• Балалар, әйдәгез шушы аланга, хуш исле чәчәкләргә рәхмәтебезне әйтик тә кире группабызга кайтыйк.