Проект: "Тукай әкиятләрен яратабыз "
проект по развитию речи (средняя группа) на тему

Проектның темасы:  “Тукай әкиятләрен яратабыз”

                     (уртанчылар төркеме балалары өчен)

  Мин, Һадиева Миләүшә Әзһәр кызы,  муниципаль мәктәпкәчә белем бирү учреждениясе  “ Гомум үсеш бирүче 2 нче санлы  “Лилия”  балалар бакчасы тәрбиячесе . Мин сезне үземнең “Тукай әкиятләрен яратабыз”дип исемләнгән проект эшем белән таныштырып үтәрмен. 

Проектның төре-иҗади, дәвамлылыгы 1 ай.

 Мин ни өчен бу проектны сайладым?

 Г.Тукай-татар халкының бөек шагыйре. Күп еллар дәверендә ничәмә-ничә

буын аның әсәрләрен укып үсә. Хәзер дә Тукай иҗаты балалар тәрбияләүдә зур урын алып тора. Тукай әкиятләре аша балаларга әхлак тәрбиясе бирү уңайлы. Чөнки аларның нигезендә шәфкатьлелек, яхшылык хисләре тудыру һәм шул ук вакытта төрле начар сыйфатларга карата тискәре мөнәсәбәтләр тәрбияләү ята.

 Проектның актуальлелеге.

Проект эшчәнлеге барышында балалар Тукайның тормыш юлы һәм иҗатын өйрәнәләр, белемнәрен арттыралар.Әкиятләрдәге уңай геройларга охшарга тырышалар. Балаларның иҗади эшчәнлекләре арта һәм күзаллау сәләтләре үсә.

Проектның максаты: балаларда бөек шагыйребез Г.Тукай иҗатына ихтирам, кызыксыну тәрбияләү.

Бурычлар:

Тәрбияви: Габдулла Тукай әкиятләре аша балаларда яхшылык һәм яманлык,

бөеклек һәм түбәнлек, гүзәллек һәм ямьсезлек төшнечәләрен аера белү.

Үстерешле: Габдулла Тукай әкиятләре аша балаларда Туган як табигатенең

гүзәллегенә соклану хислэре уяту,үз милләтеңнең күренекле шәхесенә карата хөрмәт, горурлык хисләрен тәрбияләү,әсәрләрен укырга теләк уяту.

Өйрәтү: Балаларның бәйләнешле сөйләмен, сәхнә осталыкларын үстерү.

 “Без әкиятләр яратабыз” проекты 3 этаптан тора:

1.Әзерлек этабы:

-Яшь үзенчәлекләренә карап тема сайлау;

-План төзү һәм куллану;

-Төркемнәрдә проектның максатын һәм бурычларын анализлау;

-Ата-аналар белән анкета уздыру

2. Төп өлеш:

-Ата-аналар белән берлектә түгәрәк өстәл;

-Язучының әсәрләре буенча рәсемнәр,иллюстрацияләр, китаплар карау;

-Тематик эшчәнлек;

-Г.Тукайкитапларыннан күргәзмә оештыру;

-Табышмаклар  кичәсе;

-Г.Тукай әкиятләре буенча рәсем конкурсы;

-Проект дәвамында хәрәкәтле уеннар;

3. Йомгаклау этабы:

-Г.Тукайның әкиятләрен сәхнәләштереп күрсәтү;

-Эшләнгән эшкә нәтиҗә ясау;

Тәрбияче белән балаларның бердәм эшчәнлеге:

-Әңгәмә”Син Тукайны беләсеңме?”;

-Уку “Шаян песи”,”Шүрәле”;

-Җыр өйрәнү “И туган тел”;

-Эчтәлеген сөйләү, Г.Тукайның “Су анасы”;

-”Кәҗә белән сарык“ әкиятен сәхнәләштерү;

Балаларның мөстәкыйль эше:

-Г.Тукай әкиятләрен ата. Дидактик уен “Бу кайсы әкияттән”;

-“Шаян песи” шигыренең иң охшаган җирен тап. Уен “Йомгакны тот”;

-“И туган тел”. Сүзләрне аңлаешлы, матур итеп җырлау;

- Рәсем буенча геройларны атау; рәсемгә карап эчтәлеген

 сөйләү;  дидактик уен”Бу кайсы әкияткә охшаган”;

-Әкият персонажларына характеристика бирү;

Эти-әниләрнең  балалар белән эшчәнлеге
-Әти-әниләргә анкеталар тарату;
-“Шүрәле” шигыренең эчтәлеге буенча рәсем ясап алып килү;

-“И туган тел” җырының фонограммасын яздырып алып килү;
-“Кәҗә белән сарык “ әкияте буенча маскалар алып килү;
-“Кәҗә белән сарык” әкиятен сәхнәләштерү өчен костюмнар әзерләү;

Көтелгән нәтиҗәләр :

 -Балаларның Г.Тукайның тормыш юлы, иҗаты турында белемнәре

киңәйде;

-Балаларда Г.Тукай әкиятләрендәге уңай геройларга охшарга теләк

 туды.                   

-Балалар үз-үзләрен сәхнәдә тотарга өйрәнде;

- Балаларның иҗади эшчәнлеге артты;

-Әти-әниләр белән тыгыз элемтә туды;

Перспектив-тематик план.”Тукай әкиятләрен яратабыз”