тема:Беҙҙең беренсе ярҙамсыларыбыҙ
план-конспект занятия по развитию речи (старшая группа) на тему

Тема:  Беҙҙең беренсе ярҙамсыларыбыҙ

Маҡсат:беренсе ярҙам сығанаҡтары-01,02,03 хеҙмәте менән таныштырыу, төрлө һөнәрҙәр тураһында белемдәрен арттырыу,бәйләнешле телмәр үҫтереүҙе дауам итеү,һүҙлек запасын байытыу,һорауҙарға дөрөҫ  һөйләмдәр  төҙөп аныҡ яуап биреүҙе нығытыу,  конкрет куренеште анализлау һәләтен үҫтереү, тәүәккәллек тәрбиәләү.

Һүҙлек эше:милиционер,янғын һүндереүсе,врач,шәфҡәт туташы.

Типик грамматик конструкциялар:Милиционер тәртип һоҡлай.Янғын һүндереүселәр ут эсендә ҡалған кешеләрҙе ҡотҡаралар. Врачтар (табиптар) ауырыған  кешеләрҙе дауалайҙар.

Йыһазландырыу: градусник,фуражка,каска,шприц,дарыу, фонедоскоп, шланг,баллон.

Дәрес барышы

-Беҙҙең илебеҙҙә бөтә кешеләр ҙә эшләп йәшәй.

-Ә һеҙ, балалар,ниндәй эш һөнәрҙәрен беләһегеҙ?

-Тегеүсе,шәфҡәт туташы,шофер,һатыусы,төҙөүсе,милиционер һ. б.

-Мин һеҙгә һөнәрҙәрҙе әйтәм,ә һеҙ нимә эшләгәндәрен  әйтеп үтегеҙ.Шәфҡәт туташтары һәм врачтар   нимә эшләйҙәр?                                                        -Врачтар ауырыған кешеләрҙе дауалайҙар.                                                                    --Милиционер нимә эшләй?                                                                                             -Милиционер  тәртип һаҡлай.

-Янғын һүндереүсе ни эшләй?

-Янғын һүндереүселәр янғын һүндерәләр,ут эсендә ҡалған кешеләрҙе ҡотҡаралар.

-Афарин,балалар.Был һөнәр кешеләрен саҡырғанда, ниндәй    номер менән шылтыратырға кәрәк

-Янғын һүндереүселәргә-01,милицияға-02, тиҙ ярҙамға-03.

-Эйе, балалар,01,02,03 хеҙмәте беҙҙең беренсе ярҙамсыларыбыҙ.

-Ә хәҙер,балалар, һеҙгә  ситуациялы һорауҙар бирәм,һеҙ ҡайҙа хәбәр итергә кәрәклеген әйтегеҙ.

-Әгәр ҙә күрше өйҙөң тәҙрәһенән төтөн сығып,ут ялҡыны күренһә?(01)

-Уйнап йөрөгән бала аҙашып һеҙгә мөрәжәғәт итһә?(02)

-Китеп барған оло инәй йығылып аяғын ауырттырһа?(03)

-Бала өйҙә бер үҙе,ишек шаҡылдаталар. Бала ҡайҙа хәбәр итергә тейеш?(02)

Ял минуты (хәрәкәттәр эшләйҙәр).

Берәү,икәү,берәу,икәү,                             Бишәү,алтау,бишәү,алтау,

Тәндәребеҙгә хәрәкәт.                            Аҡылыбыҙға көс-ҡеүәт.

Өсәү,дүртәү,өсәү,дүртәү,                         Етәү,һигеҙ,етәү,һигеҙ

Хәрәкәттә-бәрәкәт.                                  Булырбыҙ беҙ сәләмәт.

Дидактик уйын: «Был предмет ниндәй һөнәргә кәрәк?»

Өҫтәлдә: градусник,фуражка, каска, шприц, дарыу,фонедоскоп,шланг,баллон ята (өс бала өс һөнәр предметтарын айыра һәм аңлата).

-Афарин, балалар, бик матур итеп һөнәрҙәр тураһында һөйләнегеҙ.Ошо һөнәрҙәр тураһында ниндәй шиғырҙар беләһегеҙ

Больницала

Ауырыным...                                                                                                          Больницаға әсәйем алып барҙы.                                                                                            Врач дауалай ул

Бөтә ауырыуҙарҙы...                                                       “Мә,дарыуҙар,һауығырһың,шуларҙы эсә-эсә...»

Ут  һүндереүсе янында

Пожарник ағай янына                                                                                                 Киләбеҙ ҙә етәбеҙ.                                                                                           Әйтерһең,бер командала,                                                                                                         Бергә хеҙмәт итәбеҙ.                                                                                                     Минең ярҙамсыларым,ти.                                                                                 Тимәк,эшкә ярайбыҙ.                                                                                              Малай-шалай ут яҡмаһын,                                                                                      Тирә-яҡты ҡарайбыҙ.

Милиционер

Милиционер булып

Эшләй оло  ағайым.

Уның яратҡан  эшен

Хәҙер мин дә аңлайым.

Кешеләрҙе яҡларға

Һаҡларға ла ул әҙер.

Шундай минең ағайым-

Ҡыйыу милиционер.

-Афарин,балалар!

-Ә хәҙер мин һеҙҙе уйынға саҡырам. Уйын мөйөшөндә атрибуттар әҙерләнгән( балалар   ролдәрҙе бүлеп алып уйнайҙар).

Дәрес сюжетлы-ролле уйындар уйнау менән тамамлана.