сценарий утренника в подготовительной группе "Шагаа"
материал (подготовительная группа)

Тыва Республиканын Брун-Хемчик кожууннунун  Кызыл-Мажалык суурнун

муниципалдыг школа назыны четпээн уругларнын «Алёнушка» аттыг албан чери

Тургусканы улуг болуктун башкызы:

Ооржак С.С

с.Кызыл-Мажалык-2021

Сценарий «Ак чолдуг шагаам!»

Киржикчилери:
1.Башкарыкчы –Ооржак С.С

2.Кырган- -Ава – Сарыглар Ч.А

Сорулгазы:

1. «Шагаа» деп тыва чоннун байырлалынын ужур утказын уругларга билиндирип ооредири;

2. Тыва улустун аас-чогаалыннын хевирлери: улегер-домактар, когудуг болгаш опей ырыны ажыглавышаан, уругларнын торээн дылынга сос курлавырын байыдар. Хогжум  аайы-биле ыры  болгаш танцы-самны кууседип  билиринге ооредир;

3. Чонувустун шаандан тура ойнап чораан оюннарынга даянып, уругларны сагынгыр, тывынгыр база эрес-кашпагай чорукка ооредири;

                                            Байырлалдын чорудуу:
Башкарыкчы: (Шагаа – биле байыр чедириишкинни состер):
Чыглып келген аалчыларга, чаа чылда кижи бурузунун кузелдери будер болзун, ажы-толунер менди чаагай озуп-ле турзуннар, ог-буленернин хей-ады бедик болуп, шуптунарга  унуп келген чыл чаа-чаа чедиишкиннернин болгаш эгелээшкиннернин чылы болурун база катап кузедим!
(Онза чараш деритинген чартык, тыва огну залдын ортузунда тип салган. Уруглар залче тыва чараш хогжум аайы-биле кирип моорлап, огнун мурнунга чартык тогериктей туруп алырлар)
Башкарыкчы:

Амыр, амыр ажы-толум, ада-иелерим

Чанчыл ындыг сагыылынар        

Чалыы, кырган бирден бир чок

Чараш кылдыр чолукшуулнар!

(Уруглар шупту ада- иелеринге баргаш, тыва ёзу-биле чолукшуп-мендилешкеш, сандай - олуттарынга барып олурар)
Башкарыкчы:

Шаг шаа-биле турар эвес

Чаа чылды уткуулунар

Чанчылывыс чуделгевис

Шагаа-биле эргим чонум

(Башкарыкчы шагаа байырлалынын дугайында кыска чугааны чоргузар):
- Чуу деп суурда чуртап турар силер?
- Чуу деп аттыг садта кээп турар силер?
- Чуу деп болукте ойнап, кичээлдеп турар силер?
- Бо хун мында чуу дээш чыглып келген бис? (шагаа байырлалын уткуур дээш)
- А шагаа деп чул ол? (тыва чоннун байырлалы)
- Чуну демдеглеп турар байырлалыл ол? (эрги чылда удеп, чаа чылда уткуп турар байырлал, (соок кышты удеп, чылыг часты уткуп турар)
- Шагаа байырлалынын хунунде улуг, биче чон чуну канчаарыл?

Шулук «Шагаа» (уругларнын шулуктери»

Ыры «Шагаа»

Башкарыкчы: Тыва хевин хээлеп дараан

                        Тыва кыстар бисте ковей

                        Ээлгир чараш кыстарнын        

                        Танцы-самын корээлинер        

Танцы - сам «Йорээл» (уруглар)

Башкарыкчы: Шагаа байырывысты эттирип, ойнап хоглээри-биле, дуу турар оге барып чедип, аалдаар бис бе!

(Ыт ээргизи, мал-маганнын алгызы дынналып, к-ава бисти уткуй  унуп, ог мурнунга чедип келир)
(Уруглар К – Ава-биле чолукшуп мендилежир)
(Башкарыкчы К-Ава биле чолукшуур)
(Ай-Хээ улуг улус-биле чолукшуурун К-Ава-биле коргузер):

Амыр, амыр, ада-ием!

Амыр, амыр мээн башкым!

Амыр, амыр мээн эжим!                          /Ай-Хээ

Амыр дээрге «Экии!» дээн-дир        

Амыр дээрге кадык дээн-дир,

Амыр дээрге тыва чоннун                      

Арыг-чараш сеткили-дир!

(К – Ава уругларны дорже чалап , олуттарын ээлеп олуруптарынче чалаар)

Б -      Аал коданынар менди чаагай тур бе К-А?

К-А -  Менди чаагай, манди чаагай болгай.

Б -      Амыр кышты аштывыс аа К-Авай?

К-А  - Амыр, амыр, ыт,куштан, соок хардан амыр-ла болдувус хан, Оршээ!

Б - Бистер бо хун шагаа байырлалынын найыр-доюн, силернин аалынарга этирип, оюн-тоглаа, танцы-самывысты, аас чогаалывысты силер бугудеге бараалгадып ойнап-хоглээр дээш келгенивис бо К-Авай.

К – А - аал коданымнын эжик дундуу кезээ шагда ажык, улуг, биче чонну уткуп хулээринге белен, амыргын-на мен уругларым!

«Огге келген кижи, аяк эрни ызырар дижир

Арга кирген кижи саат дайнаар дижир болгай!»

Шулуктер.

ЫРЫ  «Сут»

Башкарыкчы: Тыва кандыг чемнер билир силер уруглар? (тыва далган, хойтпак, ааржы, курут…)

ОЮН  «Ортеннежири»

К – Ава: Бо хире ойнап хоглеп турар уругларымны, аарыг-ажыктан чайладып артыжап корейн уруглар.

(Уруглар башкы – биле ог мурнунга чартык-тогериктей туруптарлар)

К –Ава 9 карактыг чажыын чажып, йорээл чугаалап, уругларны артыжаар)

К – Ава:

Хуун судум тос карактап

 Кудай дээрже оргуп тур мен

Эки чуве эглип келзин

Эрбенниг чуул ынай турзун!

Оран тандым оршээ,

Одум козум оршээ,

Арга чонум менди чаагай,

Аш-чут корбейн.

Амыр менди бодаразын, оршээ.

(Артыш-биле холаан судун дорт чукче чажар).

Башкарыкчы:

Уругларга шага хуну

Уттундурбас байырлал-дыр

Улуг улус ону деткип,

Улам солун эттирээлнер!

Танцы-сам «Тевек»  (оолдар)

Уруглар – Оршээ!, Оршээ!

Башкы – Бисти бо хире артыжап арыглапкаанда, К- Авага ыры-шоорувус бараалгадып  берээлинер:

ЫРЫ  «САЛГЫНЧЫГАШ»

Башкаркчы : Кырган-ава биле «Аскак –кадай» деп оюнну ойнаптаалынарам

ОЮН «Аскак - Кадай»

Башкарыкчы:

«Улегер домакта нугул чок
Уер сугда балык чок»

Улегер домактар (башкарыкчы эгелээр, уруглар у.д тондурер)  (7 уруг)

-Будуктуг ыяшка куш чыглыр, буянныг огге чон чыглыр.

- Чадаг чорба аьттыг чор, часкаан чорба эштиг чор.

- Эртежик кижи, эзерлиг аътка дужар.

- Ак чем хоолуглуг, ава созу унелиг.

- Улуг улус мурнундан эртпес

- Улуг улус чугаазы узе кирбес  

- Улуг улус ады адавас .

--Дириг амытаннар хилинчектевес  

- Эки кылган ажыл, элеп читпес алдар.

- Аът болуру кулунундан, кижи болуру чажындан.

ОЮН «Аът шалбаалары»

Дурген – чугаа:

1 бала, 2 бала. 3 бала…   /

1 курут, 2 курут, 3 курут …

1 чарын, 2 чырын, 3 чарын …

ОЮН  «Чода былаажыры»

Кожамыктар: (оолдар – маспактандыр олурар)

Кыстар – (согедей олурар)

Уруглар:                                                                  Оолдар:

Кожумака кончуг-ла бис,                                            Дуу турар машинанын

                      Кожа тыртып салыр-ла бис                                         Дугуюнун улуун але

Алёнушка уруглары                                            Дуу турар уругларнын

                      Аян тудуп ырлап тур бис                                            Туразынын улуун але

Ала-беннин торээн куну                                                  Кожуп баткан Хемчик хемнин

                Ала шокар болбайн канчаар                                             Хоме тепкен эзири бис

                Алнушка уруглары                                                   Кок-ле  баштыг ававыстын

                Аажок чараш болбайн канчаар                                        Холчок тенек оолдары бис

Уруглар, оолдар

        Ырлапкан дээш бисти канчаар

                                                           Ыргай-биле кагар эвес

Ыргай –биле кагарга-даа

Ылап чанын салыр эвес

(Залдын топ ханазында «банер» чурукта 12 чыл санаашкыны аннарны коргузуп айтырар).

Башкарыкчы: - Тыва чоннун чыл санаашкынында кирип тура 12 амытаннарнын аразындан , кижинин азырал амытаннарын адап корунерем? (Инек, тоолай, аът, хой, дагаа, ыт, хаван)

- Удеп чоргузар чылывыс ады …Куске

- Чаа кээр, утукуп алыр чылывыс …Инек

-Ынчангаш бо хун эрги чылды удеп,  чаа чылды уткуп турар шиижиткен  коргузуг тоолувусту ойнап коргузээлинер.

Башкарыкчы – Амыр-мендилиг,  тодуг-догаа унуп келген чаа чылывыс ИНЕК чылын уткуп алганывыста, бистер бугудеге экини кузевишаан ырыдан ырлаптар бис бе.
ЫРЫ «Арыкчыгаш»

Башкарыкчы - Ак чаламаларывысты хендирге шарааш, К-Авага хулээдип берээлинер.
(Узун хендирге уруг бурузу ак чаламаларны баглаар)
(Кырган- Ава уругларга борбак далганнарны суй-белек кылдыр тутсуп бээр)
Уруглар – Четтирдивис Кырган – Авай, четирдивис!
Башкарыкчы – Бо хун дыка-ла солун, ойнап хоглеп, Шагааны байырлап, эрги чылывысты удевишаан, чаа чылывыс ИНЕК чылын уткуп хулээп алдывыс. Бисти аалынарга уткуп хулээп алганнынар дээш четирдивис К-Авай. Чоруур уевис,шагывыс – даа келген – дыр байырлыг че менди чаагай К – Ава.
Кырган – Ава – Байырлыг уругларым!, келир чылын ужурашкыже менди-чаагай чедип алынар!
Танцы – сам  «Челер – Ой»  (будун болук).