Квест- игра
классный час (подготовительная группа)

Квест-уен “Туган ягымның истәлекле урыннары белән танышу”

Максат: : балаларда үз туган ягына мэхэббэт, горурлык хисен тудыру;

Бурычлар:

- Маршрут бите белән эшли белүне үстерүгә ярдәм итү;

- Балаларны тирә-юньдә ориентлашу күнекмәләрен ныгыту.

Эшчәнлек барышы:

Тәрбияче:   Әйдәгез  әле,  бер-берегезгә  карап  елмаегыз

Елмай әле дускаем,

Елмаю матур була.

Елмайганда кешенең,

Күзләренә нур тула!

Бир кулыңны дус булыйк

Һәрчак елмаеп торый

Безнең төркемебезгә бүген сез килүгә хат килеп төште.Ул хатта буген безгә кунакка Белмәмеш кунакка киләм дип язган.

Ишек шакыйлар.Исәнләшеп белмәмеш килеп керә.

Тәрбияче:Исәнме, Белмәмеш!Ничек Хәлләрен?

Белмәмеш:Исәнмесез!Мин сезгә бүген кунакка килдем.Сезнең районыгыз соңгы елларда танымаслык үзгәргән дип ишеттем, шуның өчен сез миңа экскурсия үткәрмәссез микән?

• Сез нинди республикада яшисез әле?
• Татарстан Республикасында.
• Ә нинди районда?
• Мөслим районында.
• Ә сезнең балалар бакчасының исеме ничек?
• “Кояшкай”
• Ул нинди урамда урнашкан?
• Пушкин урамында.
• Пушкин урамында Мөслимнең нинди матур урыннары бар сон?
• Музей, китапханә, “Зифа Басыйрова” исемендәге мәдәният йорты.

Тәрбияче: Балалар, экскурсияга барабызмы?

Балалар: Эйе, барабыз.

Тәрбияче: Ләкин моның өчен безгә маршрутны билгеләргә кирәк.Без кунагыбызны балалар бакчасына якын урнашкан җирләргә алып барырбыз.Моның өчен без шушы картада уклар белән үзебезнең йорисе маршрутны билгеләрбез.

Тәрбияче: Әйдәгез, кузгалыйк.Ләкин без беренче кайда барганлыгыбызны шушы хикәяне тынлагач кына бара алабыз.

Бу урын - яшь буын өчен чын мәгънәсендә тәрбия үзәге. Анда авылның үткәне, бүгенгесе чагылдырылып киләчәк буыннарга тапшырыла. Озак еллардан бирле эшләп килүче бу җирдә  бик күп экспонат тупланган. Нинди җир турында укыдым?

Беренче тукталыш “ Музей”

Музей 1990 елда төзелә. Музейга нигез салучылар Наис Гамбар, Рәйхан Хантимеров. Музейга Мөслим урта мәктәбенең бай фонды күчерелә.2014 елда музей яңа бинага күчә. Бүгенге көндә яңа экспозиция төзү эшләре бара.

Музей эчендә экскурсия.

Тәрбияче:Булдырдыгыз, ә хәзер безгә икенче маршрутны белер өчен мин сезгә бер табышмак әйтәм.

* Кечкенә генә сандыкка бөтен дөнья сыйган.

(Китап)

* Ак җир, кара тап,

Нәрсә булыр, уйлап тап. (Китап)

Балалар: Китап 

Тәрбияче:Әйе , китап. Ләкин китапларның өе ничек дип атала.

Балалар: Китапханә.

Тәрбияче: Әйдәгез киттек китапханәгә.

Икенче тукталыш “ Китапханә”

Китапханәченең хикәясе. Яңа китаплар белән танышу, карау.

Тәрбияче: Ә хәзер өченче маршрутны белер өчен безгә шушы пазлны җыярга кирәк.

Балалар пазл җыялар. “ Зифа Басыйрова” исемендәге мәдәният йорты рәсеме.

Тәрбияче:Монысын да булдырдыгыз.Ә хәзер инде мәдәният йортына юл тотыйк.

Өченче тукталыш “ Мәдәният йорты”

Мәдәният йорты методистының хикәясе. Кечкенә генә экскурсия. Мәдәният йорты хезмәткәрләренең тормышын карау.

Тәрбияче: Белмәмеш, сиңа безнең экскурсия ошадымы?

Белмәмеш: Әйе, сезнең Мөслимегез бигрәк матур икән.Мин монда тагын килермен әле.

Тәрбияче: Безнең Мөслимебездә матур җирләр бик куп.Тагын килерсен әле бергәләп йорербез.Ә хәзер безгә бакчага кайтырга кирәк.

Бергәләшеп кайтып китәләр.