Сценарий: «Әниләр бәйрәме»
план-конспект занятия (старшая группа)

Сценарий: «Әниләр бәйрәме»

2-3 яшьлек балалар өчен   кичә.

Алып баручы. Хәерле көн, безнең иң кадерле кунакларыбыз – әниләр, әбиләр, килгән барлык кунаклар! Бүген без язның беренче бәйрәме 8 март халыкара хатын-кызлар көненә  багышланган “  Әнием  минем  алтыным”темасын  чагылдырган музыкал  кичәне  билгеләп үтәргә дип җыелдык. Сезне барыгызны да, шушы бәйрәм белән чын күңелдән котлыйбыз. Һәрвакыт шат, сәламәт, бәхетле булыгыз!   Ә   хәзер  сүзне  балаларга  бирәбез.

Март  аенда,  кар   өстендә

Кояш  нурлар  уйната.

-Яз  килә,  каршы  алыгыз.

Дигән  хәбәр  тарата.

Без  беләбез, җылы  язның

Иң  беренче бәйрәме-

Әниләр , әби- апалар

Хатын-  кызлар  бәйрәме.

1 бала. Кояш көлә, мин елмаям       Фәргат.

8 нче март бәйрәме.

Бүген әниләр бәйрәме,

Шуңа күңелем шат минем.

2 бала. Бәйрәм бүген,           Ләйсән

Бәйрәм диеп,

Бар дөнья көлеп торсын.

Әни бәйрәме икәнен

Әти дә белеп торсын.

Әтидә  көлеп  торсын .

3 бала. Син, әнием, минем өчен        Ралинә.

Бу дөньяда бер генә.

Елмайганда йөзләреңнән

Бар өйгә нур бөркелә.

Җыр  :  Уен  кораллары  белән  җыр.

 1. Яратам мин әниемне          Зәлинә

Ул да мине ярата

Матур карашлары б-н

Безне үзенә тарта.

2.Һәр кешегә әни кирәк        Илдан

Ә әнигә кем кирәк?

Әниләргә без кирәк

Якты аяз көн кирәк.

Тәрбияче. – Әйе, балалар, әниләргә без кирәк. Әниләребез безнең өчен иң кадерле, иң якын кешебез. Алар безгә яхшы булсын өчен бөтен авырлыкларга да түзәләр, ә менә сез әниләрегезгә ярдәм итәсезме соң һәм ничек итеп? 

4. Әниемнең эше күп,        Фәнил

Бәйли ул миңа оек

Бүген бөтен уенчыкны

Үзем куйдым җыеп.

5.Мин дә булыштым әнигә         Алим

Пәрәмәчләр ясарга

Үзең эшләгәч, тәмле ул-

Кирәк эшләп ашарга.

Т-че.-Менә безнең балалар нинди үскәннәр, әниләренә ничек булышалар икән, рәхмәт сезгә, балалар.

-Ә хәзер безнең балалар үзләренең     Җыр    :    Чәбәкәй.        бүләк итәрләр. 

(Балалар   Җыр    бетергәч бии-бии төлке керә):

-Көлтә-көлтә койрыгым,

Болгый-болгый барамын.

Кетәклеккә кереп мин,

Тавык-чебеш аламын.

-Ой, ой, мин кемнәрне күрәмен. Тәмлекәйләр! Ашарга берәр нәрсә булмасмы дип йөри идем, менә кемнәрне очраттым.

Тәрбияче. –Балалар, кем килгән безгә кунакка?

-Исәнме, төлке, исәнме! Әле син безнең белән исәнләшмәдең дә түгелме соң? Нәрсә пышылдыйсың анда, аңлашылмый.

Төлке. –Исәнмесез, исәнмесез, балалар, апалар һәм абыйлар. Тәмледер инде сез?

Тәрбияче. –Әллә син берәр яманлык эшләргә йөрисеңме? Алай ярамый бит, дус-тату булырга кирәк. Әйдә бергәләп уйнап алыйк, ичмасам.

Уен :  Поезд.

че. –Сиңа ошадымы, төлке, ә хәзер балаларны тыңла, алар шигырь сөйләрләр, бүген бит бәйрәм көн – әниләр көне.

“Әни”-  Диеп  язып  куйдым.       Риана

Яңа яуган ак карга.

Таптамагыз, һич ярамый

Әни сүзен таптарга.

8.Әнием минем матур,      Дәринә.

Күзләре якты, көләч.

Шундый күңелле була

Ул өйгә кайтып кергәч.

9.Кемнең әнисе иң матур?     Әминә.

Минем әни, әлбәттә,

Өйрәтә әни безне дә

Әйбәт, матур гадәткә

11.“Әни” – диеп язып куйдым      Дилә

Яңа яуган ак карга.

Таптамагыз, һич ярамый

Әни сүзен таптарга

13. Мама, мама, мамочка.        Эмилия

Я тебя люблю.

Я тебе веселую

Песенку спою.            

Дилә  шигыр  сөйли  .

Бергә: Көннәр һәрчак аяз булсын,

Кояш гел көлеп торсын.

Әниләр дә кояш кебек

Озын гомерле булсын.

(Балалар ясаган бүләкләрен әниләргә бирәләр                                   

Әниләр  белән  уеннар  : 

Уен “Баланы киендер”     2 бала       2  әни    Татар   малае  костюмы  ,   рус  кызы   костюмы

2  уен  :  Мәрҗән  төзү  :  макароннан  2  әни  кеше.

3   уен  :  Урындыкка  утырып  төрле    музыкага  бию.

4.  уен  :  Әниләрнең  бәйрәм  котлау

А.б. Хөрмәтле кунаклар, шуның белән безнең бәйрәмебез тәмам. Сезне тагын бер кат шушы матур бәйрәм белән тәбриклибез. Сезгә исәнлек-саулык, гаилә бәхете, хатын-кыз бәхете теләп калабыз! Сау булыгыз!