Кышкы күңел ачулар
план-конспект занятия по окружающему миру (средняя группа) по теме

Белем бирү  эшчәнлеген интегральләштерү: танып белү, сәламәтлек, нзфасәти  үусеш, матур  әдәбият  белән таныштыру.

Максат:

1)  балаларның   кыш турында  белемнәрен киңәйтү;

2) һәр үзгәреш  вакытында  табигатьнең  гүзәллеген күрә  белергә  өйрәтү.

3)  балаларны рәсем буенча 4-5  җөмләдән торган  хикәя  төзергә   өйрәтү.

Җиһазлау:  курчак, кыш турында  рәсем,  клей,  пумала, салфетка, кәгазь   битләре.

Сүзлек:  кар бабай,   бәс, чана, оекбаш,  кофта,   башлык,   шарф,  чыбык,  чаңгы.

1.Кереш.

Тәрбияче:  Балалар, мин    табышмак  әйтәм, ә  сез   тыңлагыз.   Табышмакта сүз  кайсы ел  фасылы  турында  бара?

Һәр  җир карланган,

Сулар  бозланган,   

Уйный  җил, буран, 

Бу кайчак туган?

Балалар: Кыш.

2. Төп  өлеш.

Тәрбияче: Бик  дөрес,   табигатьтә  кыш  җитте. Ә  кыш  көне  нинди үзгәрешләр   күрәбез?

Балалар:  Кыш  көне  кар куп ява. Без  тау   ясыйбыз,   кар бабай тәгәрәтәбез. Агачлар,  куаклар  бәскә төренгән,  җир өсте  ап-ак.

Тәрбияче:Ә хәзер  безгә  Азалия   шигырь  сөйләп күрсәтә.

Азалия:   ( М. Файзуллинаның   "Кар  яуганда"  шигырен сөйли).

Энем  минем  кар яуганда

Чыга чана шуарга,

Артка карый-  эз  юк   була,

Хәйран  кала   шуңарга:

-Апа, апа,  кая  качкан

Минем  чана  шуган   юл?

-  Мамык  каралар  явып   узгач,

Кар астында  калган ул.

(Ишек   шакып,  Айгөл исемле   курчак керә.)

Балалар: Исәнме,  Айгөл!

Айгөл:   Исәнмесез , балалар!

Тәрбияче:  Айгөл,  син  бигрәк юка киенгәнсең туңмадыңмы болай?

Айгөл: Туңдым  шул.

Тәрбияче: Айгөл,  ә син урамда кыш  ел  фасылы икәнен беләсенме?

Айгөл:  ә кыш көне ничеккиенәләрсоң?

Тәрбияче: Син  тыңлап утыр,ә безнең  балалар  сиңа ничек  киенергә кирәклеген күрсәтерләр.Балалар,  Айгөлгә  безнең кыш көне ничек киенүебезне күрсәтегеә  әле.

Балалар:   Без  җылы киенәбез. Иң  беренче колготки,  җылы  оекбаш  киябез,   аннан  соң чалбар,  җылы кофта, башлык,  куртка,   бияләй киябез.Иң соңыннан  җылы булсын өчен ,  шарф бәйлибез.Менә  шулай без урамга  чыгабыз.

Айгөл:  Рәхмәт сезгә балалар мин  җылы  итеп киенеп йөрермен.

Тәрбияче:  Айгөл син утырып тор,  ә безнең балалар сиңа   рәсем  буенча  кыш турында  сөйләп күрсәтерләр.

1 нче  бала: Урамда  кыш. Бөтен җирне  ап-ак  кар каплаган.   Балалаар  уйныйлар.

2  нче бала:  Кыш көне   бик  күңелле. Айсылу,  чанасына  утырып,  тауда шуа. Марат  кар бабай   ясаган. Ул  кар  бабайның  борынына   кишер  куйган,  ә кулына   чыбык тоттырган, башына   чиләк  кидергән.

Ә  хәзер  ял итеп алыйк. Ә  Айгөл  безнең  арттан  кабатлап   барсын.   

Уен:  "Кар  бөртекләре".

Кар, кар, кар  ява,

Бураннарны  туздыра.

Кулларга төшеп эри,

Үзе тик тиз туңдыра.

Йомшак карны алабыз,

Аннан  туплар ясыйбыз.

Кар атышып  уйныйбыз, 

Бик күңелле яшибез.

Тәрбияче:  Балалар.  ә сез   тауда  шуарга,   чаңгыда  йөрергә  яратасызмы?

Балалар:  Әйе.

Тәрбияче: Ә кышны  тагын ничек яратасыз?

Балалар:  Яңа ел  җитүен ,   Кыш бабайның кунакка килүен яратабыз. Кыш бабай безгә  бүләкләр алып килә.  Тагын  без, карны  тәгәрзтеп, кар  бабай ясарга яратабыз.

Интегеральләштерү.

Тәрбияче: Әйдәгез,без дә,  өстәл   янына  утырып , кәгазьдән   кар бабай ябыштырыйк. Ә урамга   чыккач,  кар бабай тәгәрәтеп ясарбыз. (Тәрбияче үрнәге буенча  ясала.)

 син, Айгөл,  безнең  балаларның    эшләрен  карарсың.  Алар  бик  уңганнар, матур,  пөхтә итеп  ябыштыра да беләләр.

3. Йомгаклау.

Менә  Айгөл ,  берсеннән- берсе матур  рәсемнәр.  Бергәләп  элеп куйыйк  без аларны.