Интегрированное занятие в старшей группе "Натюрморт"
план-конспект занятия по окружающему миру (старшая группа) на тему

Тема. Натюрморт белән танышу.

Максат. Балаларга сынлы сәнгать жанрлары (портрет, пейзаж, натюрморт) турында белемнәр бирү. Тозлы камырдан ипи ризыклары әвәләп натюрморт ясарга өйрәтү. Матурлыкны тоя белү, эстетик зәвык тәрбияләү.

Материаллар. Репродукцияләр, киселгән рәсемнәр, натюрмортлар, тозлы камыр, такталар, таякчыклар, тастымаллар, презентация.

Эшчәнлек барышы.

1. Б.Рәхмәт “Рәсемнәр ясыйбыз” шигырен хәрәкәтләр белән сөйләү.

Бакчада барысы бар,   -       куллар алга      

Тик менә юк таулар,     -       куллар өскә          

Елгалар, урманнар.       -       куллар белән дулкын сызык

Ә кирәк булганда          -      

Ясыйбыз урамнар         -        бер урында атлау

Ямь-яшел урманнар,    -        кулларны өстә селкү

Төлкеләр, куяннар –      -       аяк очларында уңга сулга борылу

Бик оста без аңар.         -        учларны ышкыйбыз

Бездә бар буяулар        -        бармакларны күрсәтү

Ак, кызыл, ал, сары,      -        бармакларны бөкләү

Зәңгәре, яшеле.

Ясыйбыз битләргә бик матур рәсемнәр.

2. Табышмак әйтәм:

Кем пумала, буяу белән үз серен сөйли белә? (рәссам)

• Рәссам  нәрсә эшли ? (рәсемнәр, картиналар ясый)
• Нәрсәләр ясый? (кешеләрне, табигатьне, җәнлекләрне...)
• Нәрсә өчен ясый? (соклану өчен, ләззәт алу өчен, матурлык өчен...)
• Чын рәссамнарның картиналарын карыйсыгыз киләме?

Экранда карыйлар. Тәрбияче аларның репродукцияләр генә булуын, чын картиналарны музейга барып карарга кирәклеген әйтә.

• Әгәр дә рәссам кешеләрне ясаса, бу картина ничек дип атала, нинди жанрга кертәләр, беләсезме? (портрет)
• Табигать ясалган картиналар пейзаж була.
• Ә бүген сезгә бик таныш булган әйберләр ясалган картиналарны карарбыз. (Төрле натюрмортлар карау)

Натюрмортта чәчәкләр, яшелчә-җиләк-җимеш, гөмбәләр, савыт-саба, ипи ризыклары ясалган булуын күзәтәләр. Һәм аларның я өстәлдә, я вазада, я кәрзиндә матур итеп урнашуына игтибар итәләр.

  Өстәлдә чынаяк торса,

  Язур графинда морс,

  Бәллүр савытта розалар

  Яки ваза бронзадан.

  Груша, алма яисә торт

  Картинада ясалса-

  Бу атала натюрморт.

Ял итеп алабыз. Натюрморттагы чәчәкләрне җыябыз.

“Болында” җырлы уены.

Мин йөрим болында,

Чәчәкләр күп монда.

Чәчәкләр мин җыям

Рәсемен ясап куям.

Гөлчәчәкләр күренде һәм кояшка үрелде.

Аларга җылы кирәк кояш астында рәхәт.

Ике натюрмортны кисәкләрдән җыялар һәм җиләк-җимеш белән яшелчә ясалуын истә кадыралар.

Ипи ризыкларыннан төзелгән натюрмортны карыйлар. Натюрмортта кеше хезмәте дә күренүен ачыклыйлар.

-Рәссам иң элек ясый торган әйберләрен сайлап алып төзеп куя, җентекләп өйрәнә. Без дә карыйк әле.

-Ә хәзер үзебез әвәләп натюрморт төзеп карыйк. Камырдан ипи ризыклары әвәлиләр һәм бер савытка тезеп куялар.