ТЕРЕ ҺӘM УЕНЧЫК КОШЛАР. Кечкенәләр төркемендә турыдан туры белем бирү эшчәнлеге үрнәге.
план-конспект занятия по окружающему миру (младшая группа)

Тема: ТЕРЕ ҺӘM УЕНЧЫК КОШЛАРНЫ КАРАУ

Максат: Балаларның тере һәм тере булмаган предметларны аера белү күнекмәләрен үстерү.

Бурычлар:

1. Тәрбия бурычы: кошлар белән кызыксыну, аларга карата сак караш, кайгыртучан-лык тәрбияләү.

2.Үстерү бурычы: балаларнын игътибарын, күзәтүчәнлеген үстерү , сораларга тулы жавап бирергә өйрәнүне дәвам итү;

3. Белем бирү бурычы: тере һәм уенчык кошларны чагыштыру, уенчык кош - дымка уенчыгы белән таныштыру, уенчык кошның үзенчәлеге, төсләре, дымка бизәге элементлары турында белемнәрен  баету;

Төп белем бирү өлкәсе: танып белү.

Интеграль белем бирү өлкәләре:  аралашу, социальләштерү, музыка, иҗади сәнгать,сәламәтлек.

Методик алымнар һәм чаралар: күрсәтмә, сүзле, диалог, чагыштыру, техник чара куллану,   мактау, тәҗрибә, аппликация.

Жиһазлау: читлектәге тере кош, уенчык кош (дымка уенчыгы), кошка ярма , су салу өчен әсбаплар, мультимедия-проектор, магнитофон, кош рәсемнәре, кошларның тавышы яздырылган диск, кисеп ябыштыру өчен җиһазлар.

Сүзлек өстендә эш:  читлек, кошчык, кошкай, дымка уенчыгы.

Эшчәнлек төзелеше:

I.  Кереш          1.Эмоцианаль халәт тудыру,кереш.

                           2.Сюрприз моменты

II. Төп өлеш     1.        Күзәтү.

                           2.        Тәҗрибә.

                           3.        Уен “Без-кошлар”.

                           4.        Сюрприз моменты- посылка килә.

                           5.        Дымка уенчыгын күзәтү.

                           6.        Слайдлар карау

III.Практик өлеш:1.Апликация ясау.

IV.Йомгаклау.

Эшчәнлек барышы.

I.Тәрбияче. Балалар,тыңлагыз әле, бу нинди тавыш?( тасмада кошлар сайраган тавыш)

Балалар:(тукран, сандугач, һ.б. индивидуаль җаваплар)

II. 1.Тәрбияче:  Ә менә монда карагыз әле , ни бар икән җәймә астында(т-че каплап куйган читлекне ача) Безгә кунакка бер кош килгән. Кош белән исәнләшик әле. Исәнме, кош!

Балалар:Исәнме! (Күмәк кабатлаулар)

Тәрбияче: Балалар, бүген иртән бүлмәбезгә менә шул кошчык очып кергән иде. Мин аны югалмасын дип менә шундый бәләкәй өйгә утырттым. Ә кайсыгыз белә, бу өй ничек атала ? (Чumлек). Балалар, бу-Чumлек.

 Балалар:  Читлек!(Күмәк һәм индивидуаль кабатлау)

 Тәрбияче: Бүлмәдә кош нәрсә эчендә  генә яши ала?

 Балалар:  Чumлек эчендә. (Күмәк һәм индивидуаль кабатлау)

 Тәрбияче Кош ни эшли?

 Балалар:  (Утыра, сикерә, безгә карап тора, башын боргалый)

 Тәрбияче: Кошка сикерергә берәр кеше булышамы?

 Балалар:  Беркем дә булышмый ул узе сикерә.

2. Тәрбияче: Әйдегез, тикшереп карыйк ,Әмир, менә бу тәлинкәгә ярма бөртеклере сал да, читлек эченә куй .Булдырдың, Әмир! Балалар, кош нишли?

Балалар:   (Ярма бөртекләре чүпли. (Күмәк һәм индивидуаль кабатлаулар).   Тәрбияче:  Илсинә, син кош¬ны эчерт, әйдә, су савытына чиста су сал! Балалар, кош нишли?

Балалар:   (Су эчә).

Тәрбияче: Балалар, кош турында кем кайгырта?

Балалар:  (Без үзебез).  

Тәрбияче: Ә сез хәзер үзегез кош турында ничек  кайгырттыгыз?

Балалар:   (Ашаттык,, суын алмаштырдык).

Тәрбияче: Без кошка, яратып-кечерәйтеп, нарсә дип дәшәрбез, уйлап карагыз эле, балалар.

Балалар:  (Кошчык, кошкай). (Күмәк һәм индивидуаль кабатлаулар).

   3. Тәрбияче:  Әйе, кошчык, кошкай дип дәшәрбез.

Балалар, әйдәгез, “Чыпчыклар” уенын уйнап алыйк

   4. Ишек шакыйлар, почтальон керә.

Почтальон: Исәнмесез бу кечкенәләр төркемеме? Сезгә посылка бар.

   5.Тәрбияче: Карыйк әле нәрсә икән монда?Безгә тагын бер кош кунакка килгән. (Тәрбияче уенчык кош күрсәтә) . Кош белән исәнләшик әле. Исәнме, кош! Кара-гыз әле, нинди матур кош! Бу кош тереме икән, ничек уйлыйсыз?

(Балаларньщ жаваплары). Кошка ярма бөртекләре сибик әле, Айвар, сыйла әле кошны ярма бөртеклере белән. Кош ярманы чүплиме?

 Балалар:  (Юк).

 Тәрбияче: Су салып карыйк әле, Кил әле, Камилә, булыш әле миңа! Ул эчәме? Кош хәрәкәтләр ясыймы?  

 Тәрбияче:Нинди кош соң бу?

 Балалар:  (Уенчык кош).

 Тәрбияче: Ул тереме соң?

 Балалар:  Юк, тере түгел, уенчык

 Тәрбияче: Дөрес, безнең  читлектәге кош - тере кош, ул жанлы.  Исегезгә төшерегез әле, безнең кош нәрсә эшли?

 Балалар: Сикерә, оча, ашый,һ.б .

 Тәрбияче: Әйе,  тере кош турында кайгыртырга кирәк ,ә  уенчык кош белән нишлиләр соң?

 Балалар:  Кулга алалар, ашатып уйныйлар һ.б.

 Тәрбияче: Балалар, менә бу уенчык дымка уенчыгы дип атала. Кабатлагыз әле.Балалар:  дымка.(Күмәк һәм индивидуаль кабатлау)

 Тәрбияче: Мондый уенчыкларны ясавы җиңел түгел , ул балчыктан ясалган, бик тиз ватыла. Шуңа аның белән бик сак уйнарга кирәк.Карагыз әле бу кош ничек матур итеп бизәлгән.Нинди төсләр күрәсез?

 Балалар:  кызыл, яшел, зәңгәр...  

 Тәрбияче: ә нинди бизәкләр бар?

 Балалар:  түгәрәк, боҗра, сызык..

 Тәрбияче: Әйе балалар, дымка уенчыкларын осталарбик матур итеп, ачык төсләр белән бизәп ясаганнар. Алар бик күп төрле.( Слайд яки рәсемнәр күрсәтү).

Ә сезнең дә шундый матур кош ясыйсыгыз киләме?

Балалар:  Әйе!

Тәрбияче: Менә безнең  шундый кошыбыз бар, тик ул бизәлеп бетмәгән, әйдәгез без аны дымка уенчыгы кебек итеп бизибез.

Балалар ватмандагы кошны аппликация ярдәмендә бизиләр (Күмәк аппликация)

IV. Тәрбияче:Балалар , булдырдыгыз, бик матур булды кошыбыз. Кунакларга да күрсәтегез әле. Молодцы! Искә төшерик әле , безгә бүген нинди кошлар кунакка килгән иде?

 Балалар:  Тере һәм уенчык...

Тәрбияче:Балалар, без сезнең белән тере кошлар турында кайгыртырга, ә уенчыклар белән сак кына уйнарга сүз бирәбезме?

Балалар: Сүз бирәбез!

Тәрбияче: Молодцы, балалар,булдырдыгыз!

Хасанзянова Файруза Фаргатовна, 2 младшая группа