Ак каенда кунакта
материал по окружающему миру (старшая группа) по теме

КАЕН,   КАЕН,   КАЕНКАЙ….

КАЕН  КЫЗЫ

                                        А.Юнысова

Җиләккә дип барган идем,

Очраттым Каен кызын.

Алан уртасына басып,

Кемне көтә ялгызы.

Үреп салган толымнарын.

Яңа күлмәген кигән,

Җиләкчеләр ял итсенгә

Күләгәләп иелгән.

«Әй, матур кыз, сиңа-диде

Бар бат минем бүләгем,

Иел генә, син кап кына
Татлы минем җиләгем».

-Әй, арыдым, эсселәндем,

Җиләкчегә көн кызу,

Күләгәңә, бүләгеңә

Мең рәхмәт, Каен кызы

Каен ни өчен елый

                                                               Берестов

Нигә елый соң бу каен

Һич кем аңлата алмый.

Кем соң хәтерен калдырган?

Беркем  җавап табалмый.

Тирә якта яз булса да

Нигә елый бу каен?

Барын да әйтер иде ул

Телкәе булса аның.

Нигә елый бу ак каен?

Җавабын хәзер беләм

Бер усал, тәртипсез малай

Кәүсәсен кисеп киткән.

КЫШКЫ КАЕН

Каеным, гүзәлем- табигать бизәге!

Күр нинди ак кардан киенгән!

Ул чая ботаклар, кар авыр микән соң?!

Назланып түбәнгә иелгән.

ЯҢГЫРКАЕМ, КАЕНКАЕМ

                                                                                Э.Шарифуллина

Яу, яу, яңгыркаем,

Тизрәк  үссен каенкаем,

     Минем чаклы булсын ул.

Яу, яу, яңгыркаем,

Тизрәк  үссен каенкаем,

     Буй- сыны булсын сылу.

Тукта, тукта, яңгыркаем,

Узып китте каенкаем

     Былтыр ук инде мине.

Тукта, тукта, каенкаем,

Мин дә, мин дә, яңгыркаем,

     Тизрәк үсәсе иде.

АК  КАЕН

Тыныч кына басып тора

Шәл ябынган ак каен.

Әллә ниләр сөйли кебек,

Шаян җил искән саен.

     Бөдрә-бөдрә ботакларның

     Очларын түбән салган.

     Яз килгәнне сизми мәллә

     Кышкы йокыга талган.