Разработка мероприятия к осеннему празднику.
методическая разработка по музыке (подготовительная группа) по теме

Актаныш районы

Новоалимовский детский сад

Сөмбелә” бәйрәме

Мәктәпкә әзерлек һәм зурлар төркеме очен әкият - тамаша

Нуриманова Илүзә Флүс кызы

Сәхнә бәйрәмчә бизәлгән. Урман күренеше. Аю йоклап ята. Керпе баласы аланны әйләнеп чыга. Ике тиен бәхәсләшә-бәхәсләшә чыга.

1 тиен: Мин тизрәк йөгерәм!

2 тиен : Ә мин биегрәк сикерәм!

1 тиен: Ә мин күбрәк чикләвек җыям!

2 тиен: Ә мин тизрәк гөмбәләр җыям!

Аю: Нәрсә шаулашасыз! Урманда көз, миңа кышкы йокыга талырга вакыт,  ә алар монда тавышланып йөриләр!

1 тиен: Ачуланма  инде, аю бабай. Сиңа йокларга вакыттыр да, безнең нәкъ күңел ачар чак шул!

2 тиен: Безнең күлмәкләребез дә яңа, матур. Урман тулы тәмле ризык. Гөмбәләр үсте, чикләвекләр өлгерде!

1 тиен: Безнең көзге концертка нинди номер әзерләгәнне күрәсең киләме?

Аю: Нинди номер инде ул? Вакытка чикләвек ватасызмы әллә?

Икесе бергә: Нәрсә инде син! Менә кара!

Тиеннәр бииләр.

Читтән генә кызлар карап  тора.

Аю: Менә тамашачылар да барлыкка килде. Билет кына сатасы калды. Нәрсә карап торасыз. Тотып ашыйм бит хәзер!

1 кыз: Без синнән курыкмыйбыз бит!

2 кыз: Әйдә тотып кара! (чабышылар, аю арып, ята)

1 кыз: Син бит әйбәт! Без дә урманга начар ният белән килмәдек.

2 кыз: Гөмбә, чикләвек җыярга килдек.

1 кыз: Тсс.. Ниндидер тавыш ишетелә.

Аю: Әй, артистлар. Безгә качсак яхшырак булыр.              

                (патша, министр, принцесса керәләр)

Патшабикә: Нәрсәгә килдек инде без бу урманга? Ә министр?

Министр: Патшам, мин сезне монда тагын да акыллырак, көчлерәк, баерак итү планы белән таныштырырга дип алып килдем.

Патшабикә: Тизрәк әйтегез инде планыгызны!

Министр: Сезнең җирегезнең күп өлешен шушы бернинди файдасы булмаган урман алып тора.

Принцесса: Нәрсә сөйлисез сез? Ничек инде урманның файдасы булмасын? Ә гөмбәләр? Җиләкләр? Кошлар сайравы? Ә матурлык! Һавасы! Нинди саф һава!

Министр: Сезнең кызыгыз мине бүлдерә. Мин болай сөйли алмыйм.

Патша: Барыгыз да авызыгызны ябыгыз. Министр гына сөйләсен!

Министр: Рәхмәт патшабикәм!  Мин менә нәрсә тәкъдим итәм. Беркемгә дә кирәкмәгән урманны юк итәргә. Агачларны кисәргә, кошларны, җәнлекләрне зоопаркка тапшырырга. Ә урман урынына сакчылар өчен сарай төзергә.

Патша: Сезнең планыгыз миңа бик ошый, министр.

Принцесса: Патшабикәм, Алай эшләмә инде! Зинһар өчен!

Патша: Тагын бер сүз эндәшсәң, мин сине бүлмәңә  бикләп куям!  Йә, безнең балталар җитәрлекме?

Министр: Җитә, җитә.     (чыгып китәләр)

Аю,  2кыз керә

Аю: Менә нәрсә эшләргә җыеналар икән?

1 кыз: Әнә, куянарны тота да башладылар!

Аю: Моңа юл куярга ярамый. Үзебезнең урманны саклап калырга кирәк. Безгә моның өчен ярдәмгә хәзерге урман хуҗасы кирәк.

2 кыз: Кем соң ул?

Аю: Көз кызы Сөмбелә! Ләкин аны ничек табарга?

Кызлар: Табарбыз. (чыгып китәләр, аю да китә)

Охотник керә, капкан куя, үзе икенче яктан карап тора.

Куян керә

Куян: Нинди тәмле ризык!

1 тиен: Анда капкан!

2 тиен: Кит аннан!

Куян : Рәхмәт, дусларым!

Охотник: Ох, сезне! Мин сезне хәзер юкка чыгарам!

Арттан аю килеп чыга

Аю: Мин сине үзеңне юкка чыгарам!

Охотник: А ааааа . Мин бүтән алай эшләмим! Коткарыгыз!!! (кача)

Аю: Менә шулай ул.

1 тиен: Синең белән бар да яхшымы?

Куян : Әйе, рәхмәт сезгә дусларым!

Патша, сакчы, охотник керә

Охотник: Хөрмәтле, патшабикә. Менә ул, мин тотмакчы булган куян. Ә әнә теге аю миңа комачаулады!

Патшабикә: Сакчылар! Тотыгыз шуны!

Сакчылар  тотмакчы булып аю янына киләләр.

Аю ырылдый, тегеләр кача. Сөмбелә, 2 кыз керә.

Сөмбелә: Синең сакчыларың бигрәк кыю икән!

Патшабикә: Кем син?

Сөмбелә: Эх, син, 60 ел минем белән күрешеп, һаман танымыйсың! Кем әле мин?

Барсы бергә: Сөмбелә!

Патшабикә: Ярый, Сөмбелә. Ә син монда нишләп йөрисең?

Сөмбелә: Урманны сездән саклап калырга дип килдем.

Патшабикә: Төрмәгә утыртыр идем, сакчылар качты, әйдә сөйләшик,минем акчам да  күп,  көчем дә җитәрлек.

Сөмбелә: Ә мин сиңа киресен исбатласам?

Патшабикә: Исбатласаң, китәм.

Сөмбелә: Син үзеңне бик бай саныйсың. Ә син тирә якка игътибар белән кара!

(яфраклар биюе)

Патшабикә: Алтын, алтын яңгыры. Кемнеке ул? Нишләп мин моны элек күрмәдем?

Бергә : Сөм- бе- лә- не-ке.

Сөмбелә: Ышандыңмы инде минем байлыгыма?

Патшабикә: Ышындым. Ләкин минем әмерем һәрвакыт үтәлә. Сугыш башлыйм дисеңме, берәр кешенең башын кисим дисеңме!

1 тиен: Нәрсә инде ул! Ә менә синең әмерең  буенча гөмбәләр үсәме?

 2 тиен: Чикләвек өлгерәме? (чикләвек маскасы кигә укучы чыга)

1 тиен: Баланннар пешәме соң? (балан маскасы кигән укучы чыга)

2 тиен: Гөмбәләр үсәме? (гөмбә булып киенгән бала чыга)

1 тиен: Гөлҗимешләр өлгерәме?

Патшабикә: Ярый, син тагын җиңдең. Ләкин минем солдатларым бик күп. Алар шундый көчле!!

Сөмбелә. Солдат дисеңме? Бая качкан солдатларны әйтәсеңдер инде! Ә минем көзге җилләрем, яңгырларым бар.

Яңгыр биюе. Зонтик тоткан кызлар Патшабикәне уратып бииләр

Патшабикә: Җитте! Җитте!  Туктагыз. Мин урманны тынычлыкта калдырам. Урманга тимим.

Сөмбелә: Дуслар, без урманыбызны коткарып калдык. Карагыз ул нинди матур!

Барысы бергә көз турында матур җыр җырлыйлар.