Рухи хәзинәләребез аша балаларга әхлак тәрбиясе бирү.
консультация на тему

Рухи хәзинәләребез аша балаларга әхлак тәрбиясе бирү.

Кеше борыңгы заманнардан ук баласын ана теленә өйрәткән, тел хәзинәсенең матурлыгын, әһәңлелеген аның күңеленә сеңдерергә тырышкан.Теләсә  кайсы культураның асылы  булып  гомуми кешелек хәзинәсе  тора. Намуслылык,  тыйнаклык,  әдәплелек,  башкаларны  хөрмәт  итә  белү кебек әхлакый  сыйфаллар  барлык милләт  кешеләренә дә хас.  Милли культура  формалаштыруда иң  мөһиме -  халык  традицияләренә нигезләнеп,  әхлаклылык тәрбияләү.Балаларда  кечкенәдән әдәплелек,  инсафлылык,  мәрхәмәтлелек  тәрбияләү -  ата- аналарның,  тәрбиячеләрнең  аеруча  җаваплы һәм  изге бурычы.

Бала  тәрбияләүдә  иң  җаваплы чор -  җиде яшькә кадәр,  чөнки әхлаклылык сыйфатларының  нигезе  нәкъ шушы вакытта салына. Димәк  балага үз-үзеңне тоту, аралашу күнекмәләре  бирү  гаиләдә, балалар бакчасында башлана. Мәкпәпкәчә яшьтәге балаларда татар культурасын формалаштыру түбәндәгеләрне үз эченә ала:

1. Татар мәдәният элементлары турында бербөтен күзаллау булдыру;
2. Балаларда  туган  халкына,  табигатькә  карата уңай мөнәсәбәт булдыру;
3. Әхлакый сыйфатлар формалаштыру;
4. Тотрыклы шәхес тәрбияләү;
5. Иҗат мөмкинлекләрен үстерү;  хәрәкәт итү күнекмәләрен камилләштерү.

Балаларда  татар  мәдәнияте турында  бербөтен күзаллау булдыру  татар телен бәлү һәм шул телдә  аралашу;  татар  халкының авыз иҗатын – әкиятләр белү, җырлар, шигырьләр өйрәтү, музыка тыңлау, халыкның символикасы  белән  танышу, туган  як табигатен, татар  халык уеннарын белү дигән сүз.