Доклад на тему: "Развитие музыкальных способностей детей" (на татарском языке).
статья (старшая группа) по теме

  Дөньяга килгән һәр кеше ходайдан бирелгән сәләт белән туа. Тик яши -  яши  бу сәләтне ачарга һәм үстерергә генә кирәк. Күп вакыт талантлы кешеләр, аларга ачылырга булышучы булмау сәбәпле, ачылмый, юкка чыга. Музыкаль яктан тәрбияче булып эшләү дәверендә минем максатым – һәр баланың сәләтен ачып, аның талантына усәргә, рухи яктан ачылырга ярдәм итү. Шушы максаттан чыгып мин, Миәссәрова Лена Наил кызы, Иске Уруссу “Карлыгач” балалар бакчасында музыка тәрбиячесе, “Тугамнан алып, мәктәпкәчә яшьтәге балаларда музыкаль тәрбия” дип аталган,  программа буенча әшне милли традицияләргә, гореф-гадәтләргә таянып алып барам...

  Һәр бала аерым шәхес. Шуңа күрә дә һәр тәрбияләнүчем белән индивидуаль эшләргә омтылам. Бар бала да җырчы да, биюче дә, сөйләм ягыннан оста да булып бетми. Кемдер җырлар, кайберләре биергә, яки шигырьләр cөйләргә остарак була. Бу кайсы бала нинди һөнәргә остарак булуына карап, аларны җырларга, биергә, сөйләргә өйрәтәм. Ләкин бер генә баланы да читтә калдырмау – минем төп бурычым. Шуннан чыгып балалар бакчасында төрле бәйрәмнәр, тематик кичәләр уздырабыз. Бәйрәмнәрдә күп вакыт балалар белән беррәттән әти-әниләр дә катнаша. Бәйрәмнәр, кичәләрдә тематик җырлар җырлыйбыз, биюләр башкарабыз, шигырьләр сөйләп кенә калмыйбыз, максатчан уеннар да уйныйбыз. Бер генә бала да бу бәйрәм-кичәләрдә катнашмый калмый. Төркемгә йөрүче балалар төрле яшьтә булу сәбәпле, олыраклар биюләр башкарса, кечкенәләрне уеннарда күбрәк катнаштырабыз. Җырларны бергәләп башкарабыз, шигырьләрне һәр бала да сөйли.

  Бакчада үткән чараларда балалар бик теләп катнашалар, тәрбиячеләр дә читтә калмый. Тәрбияче апаларның төрле геройлар булып киенеп катнашулары, алар белән уеннар уздыруы балаларга бигрәк тә ошый. Кичәләр, бәйрәмнәр уздырганда без милли гореф-гадәтләрне курсәтәбез, татар халык аваз иҗатын еш кулланабыз. Мәсәлән аларга әкиятләр, мәкальләр, табышмаклар , сынамыш, санамышларны кертергә була.

  Безнең бакчада бик күп бәйрәмнәр уздырылып килә. Мәсәлән: “Хуш киләсең яңа ел”, “Әти дә солдат булган”, “Сөмбелә бәйрәме”, 8 март- әни бәйрәме”, “Нәүрүз”, бәйрәмнәре традицион рәвештә уздырыла. Шулай ук Бөек шагыйребез Габдулла Тукайга багышланган “Сөйкемле шүрәле” кичәсендә, “Йолдызчык”, “Ел тәрбиячесе” конкурсларында балалар белән актив катнаштык. Бакчада балаларны кызыксындыру өчен: “Сабантуй”, “Бантиклар көне”, “Ягез әле, әниләр”, “Чыгарылыш фабрикасы”, “ Туган көн” кебек бәйрәм кичәләр дә уздырабыз. Чаралар да балалар туган телебез белән беррәтән рус телендә шигырьләр сөйлиләр, җырлар башкаралар.  Милли биюләр – кичәләрнең төп бизәлеше.

Музыкаль яктан тәрбияче булып эшләгәч, еш кына занятияләрдә нәниләрне төрле милли музыкаль инструментлар белән таныштырам.  Нәниләр тиз отып алалар дип, татар халык көйләрен уйнап күрсәтәм, биетеп ял иттереп алам. Кирәк булган вакытта төрле кошлар сайравы, буран дулавы, яңгыр тавышы кебек авазлар да чыгарып уйныйбыз. Шулай эшләгәндә занятиялар кызыклы да, күңелле дә уза.

  Без менә шулай бик күңелле яшибез.