"Музыка – хисләр теле ул"
материал (старшая группа) по теме

“Музыка – хисләр теле ул

Көй кичерешләрнең сүз биреп

бетерә алмаган иң нечкә төсмер-

ләрен бирә .Тәрбияче яшь йөрәк-

нең иң яшерен урыннарына үтеп

керүдә сүз белән генә чикләнсә,

сүздән соң тагы да үтемлерәк

тәэсир итә торган музыка

йогынтысы булмаса, тәрбия

тулы була алмый.”

В.А.Сухомлинский.

Татар халкының гасырлар буе тудырган бай җыр культурасы үсеп килүче яшь буынга музыка тәрбиясе бирүнең нигезен тәшкил итә. Кешенең бөтен гомере җыр һәм музыка белән тыгыз бәйләнештә уза. Ул иң элек бишек җырларын ишетә. Соңрак кеше тормышында уен, хезмәт һәм көнкүреш җырлары киңрәк урын ала бара.

“Җырсыз кеше – канатсыз кош”,- ди халык. Кеше үзенең кичерешләрен, уйларын, сагышын һәм куанычын җырга салып сөйлию Баланы бишектә үк җырлап юаталар.Шуңа күрә кечкенәдән күңелләренә кереп, сеңеп калган җырланы балалар яратып, теләп җырлыйлар.

Җыр – кешенең балачагыннан алып соңгы көннәренә кадәр аерылмас юлдашы. Җыр яраткан кеше матурлыкны ярата. Ул нечкә күңелле, мәрхәмәтле була. Ә матурлыкны яраткан нечкә күңелле  кеше беркайчан да начарлык эшләми. Ул кешеләрне ярата, әти-әнисен хөрмәтли, туган җирен, туган төбәген ярата, чит җирләр дә яшәгәндә дә туган ягын сагынып сөйли, яши, йомшак күңелле кешеләргә ярдәмчел, мәрхәмәтле була.

Балалар кече яшьтән үк әниләреннән, апаларыннан ишетеп җырлар өйрәнәләр, аларны җырлыйлар, гомер буена күңелләрендә саклыйлар. Балалар бакчасында тәрбия һәм белем бирү программасы нигезендә иң кече яшьтәге балаларның икенче төркеменнән үк (1 яшьтән 2 яшькә кадәр) балалар өчен төрле бәйрәмнәр, күңел ачулар оештырыла.

Уртанчылар , зурлар, мәктәпкә хәзерлек төркемнәрендә әти-әниләр өчен бәйрәм кичәләре безнең бакчада бик күңелле үтә.

Әти-әниләр бик теләп катнашалар. Балаларының чыгышларын яратып карыйлар.Балаларның музыкаль сәләтләрен үстерүдә нәтиҗәле чара булып күпчелек очракта, аларның үзләренең практик җыр кәнекмәләре тора. Мин аерым гын  а җырлаучы балаларның сәләтләрен ачуда бик теләп эшлим. Балаларда милли  гореф гадәтләре аша музыкаль сәләтләрен үстерү өстендә эшлим, моның өчен тәрбиячеләр белән берлектә милли бәйрәмнәрне еш үткәрәбез.Милли бәйрәмнәр балаларга әхлак, сәнгать тәрбиясен үстерүдә зур әһәмияткә ия булып тора.