Тест для родителей на татарском языке.
тест (младшая группа) по теме

                                             Әти-әниләргә консультация.

                                             Нинди икән бездән әти-әни?

     Үз баларыбызга без яхшы яки начар тәрбиячеме? Үз вазифаларыбызны тиешле дәрәҗәдә үти алабызмы? Уйлап карыйк әле, без нинди әти-әни?

     Үз-үзегезне сынап карагыз. Тәкъдим ителгән сорауларга “әйе”, “юк” һәм “кайвакыт” дип җавап бирегез. Һәрбер “әйе” җавабына үзегезгә 2 балл, “кайвакыт”- 1 һәм “юк” җавабына – 0 балл куегыз.

            1. Тәрбия темасына сез телевизордан, радиотапшырулардан, гәҗит һәм журналлардан күзәтү алып барасызмы? Бу темага караган китаплар укыйсызмы?

            2. Сезнең балагыз берәр начарлык эшләде. Бу сезнең тәрбиянең нәтиҗәсеме?

3. Ирегез (хатыныгыз) белән тәрбия бирү кагыйдәләре һәм карашлары белән туры киләсезме?

            4. Әгәр сезнең балагыз сезгә ярдәм итәм дип әйтсә, вакытыгызны да шактый алса, сез аның ярдәмен кабул итәсезме?

            5. Боеру һәм кагу формаларын сез кирәк чакта гына кулланасызмы?

            6. Ничек уйлыйсыз? Дәвамлылык – ул төп педагогик принципларның берсеме?

            7. Тирә-як мохит һәм баланың тору шартлары аның үсешенә йогынты ясыймы?

            8. Спорт һәм физкультура шөгыле баланың гармонияле үсешенә тәэсир итәме?

            9. Сез балагыздан таләп итмичә берәр нәрсә куша аласызмы?

           10. “Минем вакытым юк”, “бетергәнче көтеп тор” дигән фразаларны сезгә әйтергә уңайлымы?

     6 баллдан ким булса: чынбарлык тәрбия турында сез күзегезгә дә китерә алмыйсыз. Беркайчан да соң түгел дип әйтсәләр дә, бүгеннән үк тәрбия турында үз белемегезне тирәнәйтү өстендә уйлагыз.

     7-14 баллга кадәр: тәрбия бирү юлында сез бик зур хаталар ясамасагыз да, кайбер нәтиҗәләр турында уйларга кирәк әле. Киңәш: ял көнне, эш проблемаларын һәм дусларыгызны онытып, балагыз белән берәр кая барырга яки уйнарга тәкдм ителә. Ышаныгыз, балагыз сезне сөендерер.

     15тән дә артык булса: сез әти-әни вазифасын яхшы гына үтисез. Бәлкем, бу нәтиҗәләрне тагын да яхшыртырга була?!

                                                My-test.ru cайтыннан тәрҗемә итеп алынды.