“Арифметик мәсьәләләр, мисаллар чишү, зурлык, логик мисал, кәгазь битендә ориентлашу, шакмаклы дәфтәрдә эшләү”
план-конспект занятия по математике (подготовительная группа) по теме

Тема: “Арифметик мәсьәләләр, мисаллар чишү, зурлык, логик мисал, кәгазь битендә ориентлашу, шакмаклы дәфтәрдә эшләү”

 Максатлар: 

- арифметик мәсьәләләр чишүне дәвам итү;

- мисаллар чишүне дәвам итү;

- линейка белән эшләү;

- логик мисал чишү;

- карточкалар белән эш;

- кәгазь битендә ориентлашуны дәвам итү;

- шакмаклы дәфтәргә бизәкләр ясау.

Материал: Колесникова. Эш дәфтәре, карточкалар.

Шөгыль барышы.

1. “Өстәлдә ничә чәчәк бар” биреме.

- Чәчәкләр турында мәсьәләнең биремен төзегез. (Сул як вазада биш лалә чәчәге, уң як вазада алты).

- Сорау куегыз.( Ике вазада барысы бергә ничә чәчәк?)

- Җавапны әйтегез һәм язып куегыз.

5+6=11

2. “Өйнең хуҗаларын ата”.

Биремнәр һәм сораулар:

1) Җәнлекләр тотып торган мисалларны чишсәгез, кайсы җәнлекнең нинди өйдә яшәгәнлеген белерсез. Һәр җәнлекне шул өй белән тоташтырып барыгыз.

2) Кайсы йортта төлке яши һәм ни өчен? (19 саны язылган өйдә яши, чөнки 9+10=19)

3) Куян кайсы өйдә яши һәм ни өчен? (18 саны язылган йортта, чөнки 10+8= 18)

4) Аю кайсы йортта яши һәм ни өчен шулай? (15 саны язылган йортта яши, чөнки 10+5=15)

3. “Математик туп” биреме.

- Мин сезгә мисаллар әйтеп, тупны ыргытам, сез җавап әйтеп кире атасыз.

10+8=18

10+4=14

12+2=14

10+3=13

10+2=12

Ял минуты

4. “Дөрес буя” биреме.

Бирем һәм сорау:

1) Коробканың биеклеген линейкалар белән үлчәгез һәм буш шакмакка язып куегыз. (3 см)

2) Һәрбер карандашның озынлыгын үлчәгез һәм буш шакмакка язып куегыз. (2 карандашның озынлыгы – 3см, берсе – 4см)

3) Коробкага сыя торган карандашларны гына буягыз.

4) Нинди карандашларны буядыгыз? Һәм ничәне? (Озынлыгы 3см булган ике карандашны буядык)

5. Карточкалар белән эш.

- Нокталарны тоташтырыгыз һәм нинди рәсем ясалганын күрерсез.

6. “Кызыклы диктант”

- уң як почмакка, өскә түгәрәк ясагыз.

- сул як почмакка, аска шакмак ясагыз.

- уң як почмакка, аска турыпочмак ясагыз.

- сул як өске почмакка өчпочмак ясагыз.

- уртага овал ясагыз.

Йомгаклау.