Тема: “Әниемә Яңа ел бүләге”. (Батик техникасы буенча рәсем төшерү).
план-конспект занятия по конструированию, ручному труду на тему

МБМББУ- «Кызыл Мишә «Акчәчәк» балалар бакчасы» филиалы - «Көек балалар бакчасы» I категорияле тәрбияче- Хазимуратова Данирә Дамир кызы. Шөгыль катнаш төркемдә бара.

Тема: “Әниемә Яңа ел бүләге”. (Батик техникасы буенча рәсем төшерү).

Максат: Балаларны батик техникасы белән таныштыру.

Бурычлар:

1. Белем бирү максаты: тукымаларга рәсем төшерә торган махсус батик буяулары һәм алар белән эшләү алымнары белән таныштыру; балаларның төсләрне аеру күнекмәләрен ныгыту.

2. Үстерешле максат: традицион булмаган техника куллануга кызыксыну уяту; балаларның артикуляция аппаратын һәм вак моторикаларын үстерү.

3. Тәрбияви максат: балаларның рухи дөньясын баету һәм  әдәплелек хисләре тәрбияләү.

Белем бирү өлкәләрен интеграцияләү: «Социаль-коммуникатив үсеш», «Танып белү үсеше», «Сөйләм үсеше», «Сәнгати-эстетик үсеш», «Физик үсеш» белем бирү өлкәләре.

Методик алымнар: искә төшерү, яңа техника белән таныштыру, әңгәмә, карау, күрсәтү, аңлату.

Балалар эшчәнлеге: психогимнастика, дидактик уен: “Могъҗизалар илендә”, динамик пауза: “Күзләрем”,  хәрәкәтле уен: “Буяу сатыш”.

Җиһазлау: ноутбук, проэкцион  такта, аудиоязма: “Новогодний паровозик”, батик турында презентация, батик буяулары, шарфлар, пумала, салфетка, стакан белән су.

Эшчәнлек барышы.

1. Оештыру моменты.
2. Психогимнастика.
3. Мотивация. Паровозларга утырып гаҗәеп серле төсләр иленә бару.
4. Актуальләштерү. Дидактик уен: “Могъҗизалар илендә”.
5. Батик турында презентация күрсәтү.
6. Практик эшчәнлек. Батик техникасы буенча шарфларга бизәкләр төшерү
7. Динамик пауза: “Күзләрем”.
8. Практик эшчәнлекне тәмамлау.
9. Хәрәкәтле уен: “Буяу сатыш”.
10. Балалар бакчасына кайту.
11. Рефлексия.