физкультминутки для младшей группы
план-конспект занятия по физкультуре (младшая группа)

1 кечкенәләр төркеме

                         Без шулай ял итәбез

Без әле бераз ардык,
Ял итәргә уйладык.
Башны иябез алга,
Ә аннары - артка.
                                      Уңга, сулга борабыз,
                                      Аннан карап торабыз.
                                      Иң өсләрен сикертәбез,
                                      Кулларны биетәбез,

Ак куянкай

Ак куянкай утырган, 
Колакларын селкетә.
Менә шулай, менә шулай,
Колакларын селкетә.
Куян туңа башлагач
Аякларын җылыта.
Менә шулай, менә шулай,
Аякларын җылыта.
Куян һаман да туңа, 
Сикергәләп тә куя.
Менә шулай, менә шулай,
Сикергәләп тә куя.
Кемдер аны куркытты,
Ул урманга элдертте. 

Яңгыр

Яңгыр,яңгыр,янгыр,яу!                        (сикергәлиләр)

Яңгыр безгә бик кирәк.                       (әйләнәләр)

Яңгырдан соң агачлар,                  (кулларны як-якка жэялэр)

Гөлләр үсә тизрәк.                        (кулларны өскә күтәрәләр)

Нәниләр

Әй нәниләр, нәниләр,                (балалар бер рәткә тезелеп,

Ардык без дип әйтмиләр         чүгәләп утыралар, әкрен генә  торалар)                      

Аякларын күтәреп,                  (йөрү хәрәкәтләре ясыйлар)

 Матур итеп атлыйлар.

Хәзер барабыз артка,            (артка таба йөру хәрәкәтләре ясыйлар)

 Егылмыйча,син атла.

 Бер,ике,бер,ике!                                     (алга таба киләләр)   

 Егылмыйча син атла.

Аю килә

 Аю килә, лап-лап.

Аю килэ, лап-лап,       (экрен генэ аю сымак атлап  баралар)

Үләннәрне таптап.

-Аю,алай итмә син,                            (аюга бармак яныйлар,

Безнең белән уйна син.                    аны уйнарга чакыралар)

Урыныңда тик торма,

Тыпыр-тыпыр тыпырда.          (урыннарында тыпырдыйлар)

Аю бик арыган икән,

Тәмләп йокыга киткән.                    (чүгәлиләр, “йоклыйлар”)                                                            

-Аю,әйдэ,тор инде,                                

 Тагын бер уйныйк инде.          (басып, кулларны чәбәклиләр)

Карагыз

Менә минем уң кулым,                  (уң кулларын күрсәтәләр,

Менә минем сул кулым,                сул кулларын күрсәтәләр)

Менә идән, менә түшәм,               (өскә-аска карыйлар,

Менә шулай зур үсәм.                   аяк очларына күтәреләләр)

Җил.

Җил исә исә исә,

Агачларны селкетә.

Җил тына – тына,тына

Ә агачлар үсә дә үсә,

үсә дә үсә.

Үсәм

Мин әле бик кечкенә,

Миңа бары өч кенә.

Үсә, үсә зур булам,

Бик матур малай (кыз) булам.