Сәламәт тәндә -сәламәт акыл
план-конспект занятия по физкультуре (подготовительная группа) на тему

«Сәламәт тәндә –

                        сәламәт акыл»

Зур Мәшләк «Шатлык»  бала-

                                                                         лар бакчасы тәрбиячесе  

                                                                             Нуриева Гөлия Раиф кызы

Максат: мәктәпкәчә яшьтәге балаларның хәрәкәт активлыгын төрлечә белем бирү юнәлешендә үстерү.

Белем бирү өлкәсе бурычлары:

Өйрәтү:

-Гимнастик стенкага менәргә һәм икенче гим. стенкадан төшәргә өйрәтү;

-Каршылыклар аша сикерү;

-Гимнастик скамьяда тигезлек саклап йөрү;

-Физик сыйфатлар үстерү: тизлек, җитезлек;

-Үзенең сәламәтлеген саклый белергә өйрәтү;

-Өлкәннәр һәм үз иптәшләре белән аралашырга өйрәтү;

-Иптәшләренә карата игътибарлы булуны, ярдәм итү теләге булдыруны уен аша үстерү;

-Музыка характерына туры китереп хәрәкәт итүләренә ирешү;

Атрибутлар: туплар, 2 гимнастик скамья, 5 обруч, мата, комлы капчыклар.

1 өлеш.

Балалар музыка астында залга керәләр.

Тәрбияче: – Шеренгага тезелдек. Тигезлән, туры бас! Балалар, без сезнең б-н урманга сәяхәткә барырбыз.

Тәрбияче: Безнең сәфәр гадәти түгел. Без табигатьтә үзебезне ничек тотарга кирәклеген өйрәнербез, уйнарбыз һәм сәламәтлегебезне ныгытырбыз. Бүген без мүкәләрбез, каршылыклар аша сикерербез, туп белән күнегүләр ясарбыз. Сез әзерме?

Балалар: – Әзер!

Тәр.: Әйдәгез, киттек.

Сәламәтлек серләрен

Эзләргә без барабыз,

Күп кенә каршылыкларны

Җиңәргә тырышабыз.

Тормышыбызда сәламәтлек

Безгә бик кирәк,

Гел куанып, шатланып,

Типсен яшь йөрәк.

Уңга борылдык! Бер, ике, бер, ике.

Бер-бар артлы колоннада бару.

Җиңелчә йөгерү. Авыз йомык, борын белән сулыйбыз, куллар терсәктән бөкләнгән.

Гади йөрү, өч звенога тезелү.

2 өлеш.

Туплар белән күнегүләр.

(Музыка астында эшләнә).

1. Төп торыш: туплар ике кулда аста; 1-2 тупны өскә күтәрү, уң аякны артка кую.

Сузылу.;3-4 т. т.кайту (6-8 тапкыр)

2. Т.т аякларны җинелчә аеру, туп ике кулда, 1-тупны алга күтәрү; 2- гәүдәне уңга бору; 3-туры басу; 4 т.т.кайту.(6-8 тап)

3. Т.т. – аяклар иң киңлегендә туп аста ике кулда, 1-3- иелү, тупны бер аяктан икенче аякка тәгәрәтү. Т.т. кайту (5-6 тапкыр).

4. Т.т.- аяклар киң итеп куелган, тупны ике кул б-н тоту, куллар өстә, 1-2 уңга иелү, уң аякны алга чыгару, 3 – туры басу, 4 – төп торышка кайту. Сул яккада шулай ук эшләү. (6-8 тапкыр).

5. Т.т балалар идәнгә утыра, куллар б-н артка таяналар, аяклар алга сузылган, туп аяк очында, 1-2- аякларны күтәрү, тупны эчкә тәгәрәтү һәм тотып алу, 3-4- т.т. кайту.

6. Т. т балалар эчләренә яталар, туп ике кулда алларында, 1-2- алга сузылу, тупны алга чыгару; 3-4- т. т. кайту. (6-8 тапкыр).

7. Т. т куллар билдә, туп идәндә, туп тирәли сикерү, 3-4-тап.

Маршка китәләр, тупны кәрзингә салалар.

Тәрбияче: Булдырдыгыз, балалар, менә нинди дус, тату, өлгер икән сез.

Ә хәзер чираттагы күнегүләргә күчәбез.

Төп хәрәкәтләр:

Бер – бер артлы эшләү ысулы кулланыла.

1. Каршылык аша сикерү (обручлар аша сикереп бару, 2-3тапкыр)
2. Гимнастик стенкага менү һәм икенче ягына чыгып төшү, 2-3тапкыр)
3. Гимнастик скамьяда каршылыкларны җиңеп бару (башка мендәрчек куеп, кулны ян-якка сузып, гәүдәне төз тотып, уртада предмет аша атлау, 2-3тапкыр).

Хәрәкәтле уен: “Үз урынынны тап”

Балалар обруч тирәли тезелеп басалар, музыка астында обруч тирәли йөриләр һәм музыка туктагач һәр бала бер обручка кереп баса, бер балага обруч җитми.

Аз хәрәкәтле уен «Очты очты…»

3 өлеш:

Тәрбияче: Балалар, без бүген сезнең нинди дус, тату, чыдам, батыр икәнлегегезне күрдек. Ә хәзер өйгә кайтыйк.

(Марш китү, ярты залны баргач туктау).

Шөгыльгә анализ ясау.