"Яраткан уенчыгынны әвәлә"
план-конспект занятия по аппликации, лепке (старшая группа)

ТАТАРСТАН РЕСПУБЛИКАСЫ ТҮБӘН КАМА МУНИЦИПАЛЬ РАЙОНЫ БАШКАРМА КОМИТЕТЫНЫҢ «МӘКТӘПКӘЧӘ МӘГАРИФ ИДАРӘСЕ»

МУНИЦИПАЛЬ УЧРЕЖДЕНИЯСЕ

ТЕМА: «Яраткан уенчыгыңны әвәлә»

Зурлар төркемендә әвәләү шөгыленә конспект.

                                                                  Әзерләде:

                           тәрбияче Газизянова Э.С.

Татарстан

Түбән Кама шәһәре

86 нчы балалар бакчасы

Шөгыль барышы.

Тәрбияче: Балалар карагыз әле, безнең төркемдә күпме уенчык бар. (тәрбияче балаларны уен почмакларына якынрак килүләрен сорый). Әйтегез эле алар нәрсәдән ясалган?

Балалар: Агачтан, пластмассадан, металдан һ.б. 

Тәрбияче: Сезнең һәр кайсыгызның яраткан уенчыгы бар, кайсыгыз уенчыгы турында сөйләргә тели? (1-2 бала уенчыгы турында сөйли).

Тәрбияче: Бугенге көндә уенчыкларны фабрикаларда ясыйлар. Хәзерге уенчыклар бик матур, төрле бизәкләр белән бизәлгән. Кайбер уенчыклар сөйләшә, җырлый беләләр,  ә кайберләре сикерә, оча алалар. Уенчыклар булмаса ничек булыр иде икән балалар?

Балалар: (балаларның җаваплары)

Тәрбияче: Уенчыклар безнең тормышыбызны бизиләр, күңелләребезне күтәрәләр. Алар ярдәмендә без күп кенә әйбергә өйрәнәбез.

Балалар, ә уенчыклар белән ничек уйнарга кирәк, аларга карата мөнәсәбәтебез ничек булырга тиеш?

Балалар: Аларны сакларга, уеннардан соң урыннарына яхшылап куярга кирәк. Тәрбияче: Балалар, әйдәгез без дә үзебезнең фабрикабызны ачыйк. Ничек уйлыйсыз, безнең фабрика уенчыкларны нәрсәдән чыгыра торган була?

Балалар: Пластилиннан. 

Тәрбияче: Нинди төстәге пластилин белән әвәләргэ теләр идегез? (балаларга үзләре теләгән төсне сайлап алу мөмкинлеге бирү). Уенчыкларны әвәли башлаганчы, бергәләп әвәләү алымнарын искә төшереп алыйк. 

Нинди уенчык әвәләргә авырыксынган балаларга үзләренең яраткан уенчыкларын әвәләргә тәкъдим итү.

Балаларның мөстәкыйль эшчәнлекләре.

Тәрбияче: Әвәләгән вакытта уенчык формасы ике кул белән, ә вак өлешләре кул бармаклары белән әвәләнә. (балаларга ярдәм итә). 

Тәрбияче: Әйдәгез бераз ял итеп алыйк.

Менә минем уң кулым,

Менә минем сул кулым,

Менә идән, менә түшәм,

Менә шулай зур үсәм.

Тәрбияче: Ә хәзер эшчәнлегебезне дәвам итик.

Уенчыкларыгызның вак өлешләрен онытмагыз. Курчак булса колакларын, күзләрен, борынын. Туп булса, бәлки аның төсле буйлары бардыр һ.б.

Тәрбияче: Менә уенчыкларыбыз әзер. Алар нинди?

Балалар: Матур, төрле төстә, бизәкле, күңелле.

Тәрбияче: Әйдәгез, уенчыкларыбызны кибеткә күргәзмәгә куябыз, ләкин башта алар белән уйнап алыйк.

Дидактик уен: “Уенчыклар ни эшли беләләр?”

Мисал:

Машина – чаба, әкрен бара, сигнал бирә...

Туп – сикерә, тәгәри...

Уеннан соң әвәләнгән уенчыкларны тактага тезеп, күргәзмәгә кую.