Нетрадиционное занятие по лепке в средней группе по стихотворению Г. Тукая "Карлыгач"
план-конспект занятия по аппликации, лепке (средняя группа) на тему

ТЕМА: Габдулла Тукайның “Карлыгач” шигыренә нигезләнеп, пластилин ярдәмендә сылап әвәләү шөгыле.

МАКСАТ:  Габдулла Тукай иҗаты белән таныштыруны дәвам итү, ”Карлыгач” шигыре белән танышу, балаларның кошлар турындагы белемнәрен тирәнәйтү, күчмә кош саналган- карлыгачны танып –белергә өйрәтү, ничек сайравын күңелләренә сеңдерү,канатлы дусларыбызга кайгыртучанлык, сак мөнәсәбәт тәрбияләү;  рәсемгә карап, сылап әвәләү күнекмәсен үстерү,кошның гәүдә төзелешендәге аерымлыкларны чагылдыра белүләренү ирешү, чеметеп алып, сылап әвәләүне ныгыту, ясалган өслекне тигезли белүләрен камилләштерү, пөхтә итеп әвәләү күнекмәләрен  булдыру ( пластилин кисәкләрен төшермәскә, киемне пычратмаска, эш беткәч, кулларны салфеткага сөртү); балаларның әвәләүгә булган кызыксынуларын үстерү, үз эшләренә сөенүләренә ирешү, үзбәя куярга күнектерү.

МАТЕРИАЛЛАР: Габдулла Тукайның шигырьләр җыентыгы, кошлар рәсемнәре, карлыгачның сайравы язылган МР3 диск, кошлар тавышыннан торган релакс музыка, пластилин, ак кәгазь битләре, салфетка магнитола

Дәрес барышы:

Габдулла Тукайның “Карлыгач” дигән шигыре белән танышып китик:

                               Күптән түгел безнең тәрәзә капкачын

                               Оя итте минем сөйгән Карлыгачым.

                               Ул көн буе аузы берлән балчык ташый,

                               Балчык берлән матур итеп оя ясый.

                               Күп эшләде иренмичә; бара-бара

                               Чыгарды ул матур-матур балалар да.

                               Ачыксалар Карлыгачның балалары,

                               Чебен-черки тотып кайта аналары.

Шигырь  буенча тәрбияче сорауларына җавап алына

Карлыгач тавышы яздырылган аудиоязма куела.

“Карлыгач”  исемле  физминут уйнатыла.

Минем дустым карлыгач,
Ял итә оя коргач.
Канатларын жилпеп алып,
Бераз йоклап та ала.
Аннан уяна, тора.
1,2,3- утыра, 1,2,3-ул оча
Уң  канаты белән оча,
Сул канаты белән оча,
Аннан тагын уңы белән,
Аннан тагын сулы белән
Уң-сул,уң-сул
Шулай итеп оча

Әзер карлыгач рәсеме әслегендә пластилин белэн эш алып барыла.

Курыкмагыз, кошлар, күреп сез яныгызда мин барын;

Мин тимәм сезгә, фәкать сайравыгызны тыңларым.

Җырлагыз сез күңлегезгә тәңре нәрсә салганын;

Мылтыгым да юк янымда, юк шулай ук ауларым.

Бик тынычлап сайрагыз сез, мин тимим, сезгә тимим;

Әллә иркендә торуның кадрене белмимме мин?!

урыкмагыз— яхшы беләм, мин һич тә сезне ауламам;

Сайрагыз, тыңлап торырмын, тын да алмам, шауламам.

 Шуның белән безнең шөгыль тәмам.