Табигать-тәрбия чыганагы.
консультация (младшая, средняя, старшая группа) на тему

Табигать-тәрбия чыганагы.

Заман балалар бакчасы тәрбиячеләре алдына зур бурычлар куя. Шуларның

Иң әһәмиятлесе- онытылган гореф-гадәтләребезне барлап, телебезне саклап калу, сабыйларда югары әхлакый сыйфатлар һәм ана теленә мәхәббәт  тәр-бияләү. Балачак үзе бер кабатланмас ,тылсымлы чор. Үзенчә матур,үзенчә

Серле бу дөньяда тормышыбыз дәвамчылары –яңа шәхесләр тәрбияләнә.

Нәниләребезгә дә якты кояш ,игелекле туфрак кирәк.Халкыбызның гасыр-лардан килгән зирәк акылы, моңлы күңеле ,җор теле тудырган иҗат җәүһәрләре –матур гореф гадәтләре, йолалары сабыйларны тәрбияләүдә зур әһәмияткә ия. Милли традицияләр хакында никадәр иртәрәк сөйләнсә, алар үз телен,илен, милләтен белеп,ихтирам итеп үсәчәк.

Элек-электән үк һәр кеше ,укый-яза белмәсә дә,табигать серләрен ачыклый алган.Бу белемнәр ата-анадан—балага,бер буыннан икенче буынга мирас итеп калдырылган.

     Әйләнә-тирә мохитнең – һава, җир һәм сулыкларның пычрануы, табигый байлыкларның кимүе кешелек җәмгыяте алдына зур бурычлар куя. Бу факторлар кеше тормышына, дөньяга карашына, культурасына һәм әхлагына шулай ук сәламәтлегенә зур йогынты ясый. Мондый шартларда экологик белем һәм тәрбия бирүне көчәйтү зур әһәмияткә ия, шуңа күрә балаларны мәктәпкәчә яшьтән үк үзебез яшәгән як табигатен белергә, аның байлыкларыннан дөрес файдаланырга һәм сакларга өйрәтү бик тә мөһим. Әгәр дә без – тәрбиячеләр, ата-аналар – балаларны кечкенәдән үк табигать күренешләре белән кызыксындырып, һәрбер тереклеккә мәхәббәт хисен тәрбияләсәк, аларга карата мәрхәмәтлелек уята алсак, балалар зур үскәч, тирә-юньгә яхшы мөнәсәбәттә булырлар.