"Рус теле атналыгы"
статья (подготовительная группа) на тему

“Рус теле атналыгы”

Без татар мохитында яшибез. Татар теле – төп аралашу телебез. Татарстан Республикасында ике дәүләт теле булганлыктан, рус телен дә белергә тиешбез.

Шул уңайдан, 25 нче гыйнвардан 29 нчы гыйнварны кертеп “Ямаширмә “Йолдыз” балалар бакчасында рус теле атналыгы узды. Атналык кысаларында бик күп чаралар үткәрелде. Һәр көн кызык һәм эчтәлекле булды. Тәрбиячеләр тарафыннан “Изучаем русский язык”, “Рус телендә афоризмнар” стендлары әзерләнде, рус теленә өйрәнүгә багышланган газеталар белән коридор бизәлде. Уртанчы һәм зурлар катнаш төркемендә рус теле шөгыльләренә багышланган ачык дәрес үткәрелде. Хабибрахманова Чулпан һәм Самигуллина Галиябану гомуми кабатлау, Гыйлаҗиева Энҗе “Продукты питания”, Исламова Алсуның “Дикие животные” ачык шөгыльләре рус телен өйрәнүгә башлангыч белем бирделәр. Балаларга рус телендә үткәрелгән бармак уеннары, дидактик уеннар, физик ял сәгатьләре аеруча ошады. Рус телендәге мультфильмнарны яратып карадылар. Атналыкны йомгаклап, балалар өчен бәйрәм иртәсе оештырылды. Музыка җитәкчесе Сафиуллина Лилия балаларны музыка уен кораллары белән таныштырда, тавышларын, ничек яңгыраганлыкларын тыңлатты. “Лучший чтец” бәйгесендә балалар русча шигырьләрне сәнгатьле сөйләп лаеклы урын алдылар. Валиуллина Элина, Асылгариев Булат 1 нче, Данилова Аделина, Агзамов Булат, Ганиев Ильяс 2 нче, Саматов Раиф, Гараева Зәринә, Шавалиева Ралинә 3 нче урын. Уртанчылар төркеме балалары кашыклар белән рус халык биюен, “Колпачок” уенын, зурлар катнаш төркеме рус халык җыры белән кечкенәләр төркемен сәламләделәр.

Бәйрәм иртәсе тәрбиячеләр тарафыннан рус халык биюен балаларга бүләк итү белән тәмамланды.

... “Пушкин илә Лермонтовтан үрнәк алам, әкрен-әкрен югарыга үрләп барам,” – дигән татар халкының бөек шагыйре Габдулла Тукай. “Йолдыз” балалар бакчасында тәрбияләнүчеләр дә әлеге атнада рус телен өйрәнергә теләкләрен күрсәттеләр.

“Ямаширмә “Йолдыз” балалар бакчасы тәрбиячесе

Гыйлаҗиева Энҗе Рәшид кызы