Занятие по ПДД в старшей группе (на татарском языке).
план-конспект занятия (старшая группа) по теме

Тема : Бергәләштерү театраль шөгыль “Йомры икмәк маҗаралары.”

Үткәрү  формасы: Күңел ачу.

Төркем: Зурлар.

Максат: Балаларга кисәтүче юл билгеләре:”Куркыныч борылыш”, “Кыргый җәнлекләр”,”Балалар” билгеләрен аңлату; проблемалы хәлләрдә алдан алган белемнәрен ныгыту; кыюлык, мөстәкыйльлек, ярдәмчеллек тәрбияләү.

Хәзерлек чоры: Балалар белән шигырьләр, җырлар өйрәнү, төрле темага шөгыльләр үткәрү; юл билгеләрен өйрәнү, ясау, әкиятләр сәхнәләштерү.

Кирәкле әйберләр,  җиһазлар: Әкият уйнаучыларга костюмнар, залны бизәү өчен агачлар, кисәтүче юл билгеләре,машина,рульлар,музыка.

Тарату материаллар: кызыл,ак өчпочмаклар,кара символлар,клей,пумалалар,салфеткалар.

.

Сүзлек өстендә эш: Кисәтүче, куркыныч борылыш.

Методик алым:

1. Әңгәмә: “Юл билгеләре ни өчен кирәк?”

2. Өйрәнгән билгеләрне рәсемләү.

3. Шигырләр, җырлар өйрәнү.

4. Уеннар уйнау.

Шөгыль барышы:

Балалар бәйрәм залына музыкага атлап керәләр, ярым түгәрәккә басалар.

Тәрбияче: Балалар,бүген безгә бик күп кунаклар килгән.Әйдәгез әле алар белән исәннәшик.

Балалар: Исәнмесез,кунаклар.!

          1 б. Урамда матур йөрергә

                 Өйрәтәләр апалар.

                 Юлда йөри белмәсәгез

                 Начар була, ди алар.

          2 б. Машиналар чаба гына

                 Юлга йөгереп чыкма.

                 Юлда йөрү кагыйдәсен

                 Беркайчан да онытма.

( Әби белән бабай залга керәләр, борчылганнар).

Бабай: Исәнмесез, балалар!Хәлләрегез ничек?

Балалар: Әйбәт,рәхмәт!Хәлләр ничек?

Бабай: Бик яхшы түгел әле. Сездә күңелле бәйрәм, безнең борчуыбыз бар. Әрҗә төбеннән себереп әбинең туган көненә пешерелгән йомры икмәгебез тәрәзә төбеннән тәгәрәп төшеп чыгып китте.

Әби: Юлда йөри белми, бәләгә юлыкмаса иде. Кайда гына китте икән? Сез күрмәдегезме?

( Балалар җаваплары тыңлана).

Әби: Рәхмәт, балалар, без юлны дәвам итик. (чыгып китәләр).

(Юлдан сикергәләп йомры икмәк керә).

Йомры икмәк:

                          Мин йомры, йомры икмәк

                          Әрҗәдән себерелдем.

                          Әби- бабайдан качтым,

                          Озын юлдан йөгердем.

       (билге янына җитә).

“Куркыныч борылыш” билге:

                           Мин кисәтәм куркыныч

                           Борылыш барын алда.

                           Игътибарлы бул юлда

                           Сикергәләп син чапма.

Йомры икмәк: Юк кирәкми, миңа синең кисәтүең. Миңа бик күңелле.( үтеп китә, борылыштан машина белән куян  чыга, йомры икмәк таптала яза).

Куян:                Әй, йомры, йомры икмәк

                           Тапталмадың чак кына.

                           Әйдә барыйк укырга

                           Хәйләбикә чакыра.

Йомры икмәк: Кирәк түгел миңа уку, бик яхшы тәгәрим мин. (тәгәрәп китә. “Кыргый җәнлекләр” билгесе янына җитә).

“Кыргый җәнлекләр” билгесе:

                           Кая болай ашыгасың

                           Әй йомры, йомры икмәк.

                           Урман янынан үткәндә

                          Саклану бик тә кирәк.

Йомры икмәк: Мин йомры, йомры икмәк        

                           Әби- бабайдан качтым,

                           Куянны алдап уздым,

                           Урманны гизеп чыктым.

( Сикергәләп барганда юлдан чыгучы Аюга килеп бәрелә).

Аю: У-у-у, Йомры икмәк, сак йөрү бик тә кирәк. Әйдә бергә урман мәктәбенә, белемле булу кирәк.

(Йомры икмәк башын тотып уйланып тора).

Тәрбияче: Балалар, Йомры икмәк нәрсә уйлый икән? Әйдәгез аңа карап нәрсә уйлаганын әйтик.

( балалар җаваплары тыңланыла).

Йомры икмәк: Юлымда ике күңелсезлеккә очрадым, укып белем алу, миңа бик кирәк. Әйдә киттек.( балалар янына киләләр).

Төлке:               Озын юлны үттегез

                            Күп тамгалар күрдегез.

                            Кисәттеләр, әйттеләр

                            Сак булырга дәштеләр.

(Тамгаларны күрсәтеп).

                            Күрсәгез бу тамганы

                            Сак булыгыз”Балалар”.

                            Дип сезне дә кисәтә

                            Бала күпне күрсәтә.

“Куркыныч борылыш” билгесе:

                          “Куркыныч борылыш” барын

                           Алдан ук бит кисәттем.

                           Ашыкканга йомрыкай

                           Кисәтүләргә эләкте.

3 б.                     Юлны аркылы чыкканда

                           Кара сулга һәм уңга.

                           Машина килгәнен күрсәң

                           Көт син бик сабыр гына.

Төлке: Әби,бабай,мин таптым Йомры икмәкне,килегез монда!

Әби белән бабай керә.

Әби:                  Йомры икмәк түп-түгәрәк

                           Кителмәгән, янчелмәгән.

                           Озын юллар үтеп килгән

                           Бик тә шөкер имгәнмәгән.

Бабай: Рәхмәт балалар, ярдәм иттегез. Әйдәгез “Ак калач” уенын уйнап алыйк.

Тәрбияче: Балалар,без бүген әкият аша 3 яңа кисәтү билгеләре белән таныштык.Әйдәгез аларны кабатлап үтик.

            1 нче уен: “Билгене дөрес куй”.

( Сюжетлы рәсемнәргә кисәтүче билгене дөрес урнаштыру).

            2 нче уен:” Үз билгенгә охшаган билгене тап.”(Балалар тыю,кисәтү,күрсәтү билгеләрен алалар,музыка туктагач үз билгеләренә охшаган билге янына барып басалар.)

Тәрбияче: Рәхмәт балалар,булдырдыгыз! Күмәк эш башкарабыз. Бүген өйрәнгән кисәтү билгеләрне ясап карыйбыз.Кисәтү билгеләрне нинди формада ясыйбыз? (балалар җаваплары тыңланыла).

Эшнен тәртибе болай :безгә кирәк була кызыл,ак кагәзь,кара символлар.Кызыл өчпочмак өстенә ак өчпочмак ябыштырабыз,аның өстенә кара символ .

.(Алдан әзерләнгән өчпочмак өлгесенә билгеләрне рәсемлиләр,һәр өстәл үзләре ясаган билгеләре турында сөйлиләр.).

Тәрбияче: “ Шофер буласым килә” җырын җырлап шөгыльне тәмамлыйбыз.(Балалар рульләр тотып җырлап бииләр.)

 5 б.                    Юл кагыйдәсен белмәүче

                           Юлларда бик йөрмәсен.

                           Бик йөрисе килә икән

                          Һәммәсендә өйрәнсен.

6 б.                    Кайда гына йөрсәгез дә

                          Игътибарлы булыгыз.

                          Кагыйдәләрне үтәгез

                          Имин булсын юлыгыз.

7 б.                    Юлларыгыз гел уң булыр

                          Борчылмаслар аналар.

                          Билге, кагыйдәләр үтәп

                          Йөри белсә балалар.

Тәрбияче: Балалар, юлларыгыз уң булсын, имин йөрегез!