Проект “Туган авылым –Тайсуган”
проект (старшая группа) по теме

Проект

“Туган авылым –Тайсуган”

Гамәлгә ашыру срогы – 2012-2013, 2013-2014 уку еллары

Проектның эчтәлеге:

1.Проект “Туган авылым  -Тайсуган”

2.Кушымта:

Ø “Туган авылым –Тайсуган”, “Туган авыл”  шөгыле конспектлары.

Ø  “Авылым табигате”  әти-әниләр, тәрбиячеләр өчен күңел ачу иртәсе сценарие.

Ø “Туган якны өйрәнәбез” альбомы төзү.

Ø “Туган авыл” турында папка-предвижка әзерләү.

Ø Ата-аналар өчен белешмәлекләр ясау.

Ø Әңгәмә “Балаларда  әхлакый-патриотик хисләр тәрбияләү”.

Ø Ата-аналар өчен “Баланы һөнәрләр белән таныштырабыз” журналы

Ø  “Минем авылым тарихы” презентация  әзерләү.

Ø “Тайсуганым” балалар өчен  музыкаль слайд-шоу җыю .

Ø “Авылымның истәлекле урыннары” рәсемнәр бәйгесе үткәрү.

Ø Әлеге рәсемнәрдән күргәзмә оештыру.  Стена газетасы чыгару.

Ø Балалар бакчасында “Әбиемнең сандыгы” исемле кечкенә милли музей булдыру.

Проект “Туган авылым –Тайсуган”

Проект төре: мәгълүмати юнәлештә, иҗади-эзләнүле, 2012-2014 нче  уку елларын сыйдырган вакыт аралыгында  үтүче проект.

Балалар яше: зурлар төркеме (5-6 яшьлек)балалары .

Эчтәлекнең төре: Бала, тирә-як мохит, туган якның тарихи һәм сәнгать истәлекләре.

Проектның этаплары.

1.Алдан башкарылган эш:

Перспектив эш планы төзү, фотога төшү,проектны иллюстратив материаллар белән баету,ата-аналар өчен анкеталар үткәрү; методик китаплар һәм матур әдәбият әсәрләре сайлау, проект турында әңгәмә оештыру һәм аны педсоветта раслау. 

Районның картасы белән таныштыру,аннан үзебезнең авылны табу. Балаларның әби-бабайлары,туганнары,дусларының кайсы районнарда яшәүләре белән кызыксыну.

Балалар бакчасын мәктәп, китапханә,мәдәният йорты белән тыгыз элемтәдә тотып, бергә хезмәттәшлек итү.

2.Төп өлеш

Авылның тарихы, истәлекле урыннары, халыкның һөнәрләре, гореф-гадәтләре турында шогыльләр үткәрү, экскурсияләр оештыру.

Авыл китапханәчесе тарафыннан “Тайсуган авылының килеп чыгышы” турындагы докладын тыңлау.

 Туган якның байлыгын, табигать матурлыгын күзәтү максаты белән авылның тирә-як урманнарына, су буйлары, елга тирәсенә туристик сәяхәткә чыгу.

Әти-әниләр ярдәме белән “көзге табын-бай табын” ярминкәсе, “Авылымның уңган куллары” исемле күргәзмәләр оештыру.

 Балалар белән күмәк хезмәт –авыл картасын төзү.

Әти-әниләр белән берлектә Һәр баланың  өеннән бакчага кадәр булган юл-маршрутын төзү.

Консультацияләр оештыру,ата-аналар белән әңгәмәләр кору.

”Сез авылны беләсезме?” анкета уздыру.

Сюжетлы-рольле уеннар уйнау”Гаилә”, “Мәктәп”, “Балалар бакчасы”, “Ватанны саклаучылар”.

 Авылда үткәрелгән конкурсларда, концертларда, милли бәйрәмнәрдә катнашу;  мәдәният йортынд балалар белән чыгыш ясау.

Ветераннар белән очрашулар уздыру.

Авылда иҗат итүче Илгизә Вәлиева, Зәлидә Зариповалар белән  очрашып, әдәби кичәләр  үткәрү.

Проектны масса күләм мәгълүмат чараларына публикациягә җибәрү, газетада бастыру.

Проектның актуальлеге.

Туган як, туган почмак һәр кеше тормышында аерым бер зур,якын,кадерле урын алып тора. Үз авылыңны,аның тарихын, атаклы ,дәрәҗәле шәхесләрен, халыкның гореф-гадәтләрен белү бик мөһим.

 Кечкенәдән балалар аңларлык итеп туган ил, туган авыл турында сөйләп, тарихи вакыйгалар белән таныштырып ; аны яратырга , сокланырга, горурланырга өйрәтеп,  авыл тормышы белән даими кызыксындырып торсак-балаларда әхлаки-патриотик тойгылар формалашыр;  табигатькә, туган якка, татар халкының йолаларына, сәнгатенә карата мәхәббәт тәрбияләнер, бала туган илнең лаеклы гражданины булып үсәр, аларның кечкенә йөрәкләрендә туган илгә карата мәхәббәт очкыннары кабыныр.

Проектта катнашучылар: зурлар төркеме балалары, бакчадагы тәрбиячеләр,  музыка җитәкчесе,  ата-аналар.

Бурыч:  үз авылыңның тарихын,истәлекле урыннарын белү.

Максат:

ü Туган як,авыл турынлагы белемнәрне киңәйтү.

ü Балаларны авыл тарихы,аның урнашу урыны белән таныштыру

ü Туган авылга хөрмәт тәрбияләү,  матурлыкны күрә белергә,аның белән сокланырга күнектерү.

ü Урам исемнәрен истә калдырырга ярдәм итү.

ü Бәйләнешле сөйләм ,хәтер,уйлау сәләтен үстерү, сүз байлыгын арттыру.

ü Патриотик хисләр формалаштыру.

ü Авылның күренекле кешеләренә хөрмәт тәрбияләү

ü Халыкның гореф-гадәтләрен саклап калырга дигән төшенчә  кертү.

ü Бердәм, бер төркем белән дус,тату уйнауларына ирешү.

ü Уен җиһазларына сакчыл караш тәрбияләү.

Фараз:Әгәр дә укыту-тәрбия эшендә балаларга , туган илгә, туган авылга карата мәхәббәт тәрбияләүдә төрле чаралар үткәрелә икән, димәк, бу аларның патриотик хисләрен формалаштыруда зур роль уйнаячак.

Проектның үтәлеше