Тимербулатова Дилия Рәис кызы

О себе

Гади генә авыл баласымын,

Гади генә бер укытучы.

Күңел кылларымны моңлы иткән

Авыл hавасының шифасы.

Укытучымын, әллә шуңа

Кеше язмышына җан атам, 

Кеше дөньясының гүзәллеген,

Күңел матурлыгын яратам.

Басар өчен әрнү-газапларны

Җан азыгы-җылы сүз белән

Йөрәк түреннән ургып чыккан 

Туган теле кирәк дип беләм.

        Мин, Тимербулатова Дилия Рәис кызы, 1963 елның 9 июнендә Авыргазы районы Тур-Усман авылында туганмын.

        Белемем югары, БДПИның  "Башлангыч белем бирү педагогикасы hәм методикасы" факультетының татар бүлеген тәмамладым.

      Эшләгән урыннарым:

- Авыргазы районы Кешәнне урта мәктәбендә башлангыч сыйныф укытучысы (1981-2012нче  уку еллары).

- Авыргазы районы Кешәнне урта мәктәбендә татар теле hәм әдәбияты укытучысы (2012-2015нче  уку еллары).

- Авыргазы районы "Кәлчер төп гомуми белем бирү мәктәбе"ндә  татар теле hәм әдәбияты укытучысы (2015нче елдан

бүгенге көнгәчә)

      Эш hәм педагогик стажым:

35 ел - эш стажым,

35 ел - педагогик стажым.

      Соңгы 5 елда өстәмә профессиональ белемемне күтәрдем:

2012 - Башкортстан Республикасының мәгарифне үстерү иниституты "Татар теле hәм әдәбияты дәресләрендә информацион технологияләрне куллану"

2014 - Башкортстан Республикасының мәгарифне үстерү иниституты " ФДБСына күчү hәм үтәү шартларында татар теле hәм әдәбият укытучыларының методик компетентлыкларын камилләштерү"

2016 - Башкортстан Республикасының мәгарифне үстерү иниституты  "ФДБСын үтәү шартларында татар теле hәм әдәбиятын укытуда заманча технологияләр куллану".

      Үз эшемне яратып башкарам, үз фәнем белән укучыларны кызыксындырырга, туган халкымның теле hәм әдәбиятына башка милләт укучыларында да хөрмәт hәм ихтирам уятырга омтылам. Укучыларымны яңа җиңүләргә рухландырырга, үзем дә заманнан артта калмаска тырышам.

      Хезмәт юлымның кайбер вакыйгалары hәм ирешкән уңышларым:

- Укучыларым 2014нче (1 укучы), 2015нче (2 укучы), 2016нчы (1 укучы) елларда татар теле hәм әдәбияты буенча муниципаль олипиадаларында 1нче, 2нче урыннарны яулап, җиңүче исеменә лаек булулары, НПКларда hәм иҗади бәйгеләрдә җиңү яулаулары да эшемне яратып башкаруым күрсәткече.

- 2014нче елда "Иң яхшы татар теле дәресе" район күләмендә уздырылган бәйгедә үз тәҗрибәмне уртаклаштым,

-"Ел укытучысы  -2017" муниципаль бәйгесендә җиңүче.

     Алга таба да сер бирмәскә исәп эле!

Электрон почта - tdiliya@mail.ru

Книги, которые сформировали мой внутренний мир

        Кешелекнең бөтен  уй- фикерләрен, бай тәҗрибәсен, гыйлемен, күпкырлы  тирән  мәгълүматын  үзенә туплаганга  белем  чишмәсе-  китап  турында  акыл  ияләре бик  тирән  мәгънәле сүзләр  әйткәннәр. "Китап- галим, телсез  мөгаллим", "Китап- тормыш  көзгесе", "Китапта үткәннең каны, бүгенгенең  җаны, киләчәкнең таңы" кебек  бик  тә  тирән  мәгънәгә ия  булган  әлеге  сүзләр  буыннан- буынга  тапшырылып  килә. 

      Китаплар  алар  буыннарның  акылын, белемен  үзләренә  туплаган  тиңдәшсез  хәзинә.  Китап  ул-  игелекле  дус, киңәшче  сердәш  тә. Һәр  яңа  буын  аңардан  тиңдәшсез белем  ала, аның  байлыгы  киләсе  буыннарга  да кала. Безнең  татар  халкында "Китапсыз  өй- тәрәзәсез  бүлмә" дигән мәкаль  бар. Китапларны күп  укыган  баланың  күңелендә  начарлыкка  да  урын  калмаячак, чөнки  ул  китаплардан  яхшыны  яманнан  аерырга, үзендәге  әйбәт  һәм  начар  гадәтләрне  бәяләргә  өйрәнәчәк.

      Минем эчке дөньямны формалаштыруга йогынты ясаган әсәрләр: 

 Г.Ибрагимов "Кызыл чәчәкләр", З.Биишева  "Яктыга" трилогиясе

Мой взгляд на мир

Чехов әйткәнчә:” Кешедә бар нәрсә дә гүзәл булырга тиеш: киеме дә, йөзе дә, уйлары да, күңеле дә”.

Мои достижения

Моё портфолио

Портфолио – ул укытучының көзгедәге чагылышы. Укыту системасында эшләү дәверендә  укытучы портфолионы системалы рәвештә тулыландырып бара. Кыскасы, үз эшенә нәтиҗә ясый.

Портфолио: