Сценарий мастер класса по адыгейскому языку "Шъоу пряник"
план-конспект занятия (подготовительная группа)

Сценарий мастер-класса по адыгейскому языку

«Шъоу пряник»        

1. Приветствие: Шъуимафэ ш1ух тихьэк1э лъап1эхэр! Сц1эр Сусан, Емт1лъмэ сащыщ, къу. Инэмым я 6-рэ к1элэц1ык1у 1ыгъып1эм к1элэегъаджэу сыщэлажьэ.

        Непэ тизэхэхьэ мафэу

        Сэ сигуапэу сыкъэк1уагъ.

        Ащ ехъул1эу, сыгу ихыгъэу

        Сэлам фабэ къышъуэсхыгъ!

2. Тема: Мастер-класс. Непэ сэ къэзгъэлъагъомэ сш1оигъор сыгук1э анахь спэблагъоу сыздэлажьэрэ 1офэу сызфэ1эпэ1асэр «Тестопластика» зыфи1орэр ары.
3.  Сабый ц1ык1умэ лъэшэу як1ас тхьацум 1оф даш1эныр,
4.  Сэри сыфэчэфэу а 1офыр ресэгъэк1ок1ы. Хьалыгъум уасэу и1эр, тхьацум хэш1ык1ыгъэ гъомлапхъэр зэрэлъап1эр к1элэц1ык1умэ къагурысэгъа1о.

Мы 1офым къесэгъэблагъэх янэ-ятэхэри. Ягопэшхоу къак1ох хэлажьах, унагъомк1и а 1офыр лъагъэк1отэн алъэк1ыщтэу сеплъы.

5. САН-ПИНым непэрэмк1э изын къытеты 1оф дэтш1эным пае. Арышъ, тхьацум хэшъык1ыгъэу «Шъоу пряникыр» бгъэдэхэн зэрэтлъэк1ыщтыр непэ зэдгъэш1эщт.

Мы зэнэкъокъоу сызхэлажьэрэр къ. Мыекъуапэ я 9-рэ к1элэц1ык1у 1ыгъып1эм щырек1ок1ыгъ, сабыймэ 1оф адэсш1агъ, «Шъоу пряникыхэр» дышъэ хьаджыгъэмк1э  бгъэк1эрэк1эн  зэрэплъэк1ыщтыр язгъэш1агъ. Джы непэ тизэ1ук1эгъу «Шъоу пряникыхэр» дышъэ хьаджыгъэм фэшъхьафэу глазурьыр етхьыл1эн зэрэтлъэк1ыщтыр зэдгъэш1эщт.

6. Фокус-группа: Непэ к1элэц1ык1умэ 1оф адэзыш1эу, сэ синыбджэгъумэ Фокус-группа зыфа1орэу, нэбгырэ зы-щы-пл1 къезгъэблагъэ сш1оигъу.

7. Си сэнэхьат унэ уек1уным пае к1апхэхэр зык1этпхэн фае, пэ1упхэхэр къызпэ1утпхэн фае, 1эбыцухэри зыпытлъхьан фае.

Зыкъэжъугъэхьазыри шъукъысэдэ1у, зэрэшъуш1ыщтыр къышъуфэс1отэщт.

Основная часть: 

1 слайд — Къэмланхэр къызэтешъухи 1эмэ-псымэхэр къытешъулъхь.

2 слайд — Кондитерскэ дзыо ц1ык1ур къашъушти, ы1упэ мак1эу 1ушъуупк1.

3 слайд — «Пряникым» дахэу, занк1эу глазурьыр тешъолъхьэ.

4 слайд - Пхъэпэ ц1ык1ухэмк1э зэщызэу ычы1у шъош1ы.

Джы 1офым изэгъэфэн шъуфэхьазырымэ — етэгъажьэ игъэцэк1эн.

        Тихьак1эмэ я1офш1эн рагъэк1ок1ыфэ нэ1уасэ шъуфэсш1ынэу сыфай «Шъоу пряникым» джыри хэпш1ык1ын плъэк1ыщтым.

К1элэц1ык1у 1ыгъып1эм зэрэдгэфедэн тлъэк1ыщтыр къышъуфэс1отэщт:

Гущы1эм пае:

1. Унэ ц1ык1ухэр хэпш1ык1ын плъэк1ыщт;

2. Пшысэ зэфэшъхьафыхэр къырибгъэлъэгъон плъэк1ыщт. Пшысэхэм я герой шъхьа1эу хэтыхэр тепш1ыхьан плъэк1ыщт;

3. Хэтэрык1ыхэр, пхъэшъхъэ-мышъхъэхэр хэпш1ык1ын плъэк1ыщт, ахэр къызщык1ыхэмрэ къызпык1эхэмрэ нахь аш1огъэш1эгъонэу зэрагъаш1э;

4. Мы «Шъоу пряникыхэр» сш1ы зыхъук1э сигуфэбэныгъэшхо хэсэлъхьэ. К1элэц1ык1ухэми агъэк1эрак1э зыхъук1э ар лъэшэу зэхаш1э.

5. Джыри зыщыдгъэгъупшэрэп тхьацур джэгуалъэ пш1ы зэрэмыхъущтыр, тэ тилъэпкъыджэ хьалыгъум уэсэ лъэп1эшхо зэреттырэр, арары к1элэц1ык1умэ ахаслъхьэ сш1оигъор.

Хьалыгъур шъэбабзэу,

Чэсэеу, фыжьыбзэу

Шхыниблэу зетэхьэ,

Ц1ыфы1ум етк1ухьэ.

Фыгук1эр лъэк1ап1эшъ,

Хьалыгъур гъэлъап1э.

Шъуи1офш1эн к1эм фэк1угъа? (ответы участников)

Шъухъупхъ, шъучан. Дэгъоу къыжъугуры1уагъ сш1ош1ы непэ резгъэк1ок1ыгъэ 1офыр! Шъуи1офш1энымк1э ар жъугъэфедэнэу, шъуисабыйхэм 1оф адэшъуш1энэу лъэк1 шъуи1эу джы сеплъы. Тхьашъуегъэпсэу!

Джы 1эбыцохэр зыпытэхыжьы, упхэхэр зы1утэхыжьы, к1апхэхэри зытетэхыжьы. Пхъэнт1эк1у нат1эм дахэу къешъогъэк1ужьы.

Мы шъуш1ыгъэхэр 1анэм къытерэнэх, орэчъэпхъых. Сэ мэзэ лъап1эм фэгъэхьыгъэу ш1ухьафтынхэр къышъостымэ сш1оигъу.

Заключительная часть: Тихьэк1э лъап1эхэр! Джары к1элэц1ык1умэ  язгъаш1эрэр:  гъомлапхъэм илъэп1агъэ мэхьанэу естырэр агурызгъа1омэ сш1оигъоу ары. Хьалыгъур зэк1эми ашъхь. Ар пытэу тыгу итыубытагъ.

Янэ-ятэхэми ясабыйхэр алъэгъумэ ягопэным пае социальны сеть зэфэшъхьафыхэм къыритэгъэхьажьы тш1агъэхэр. Ежьми агу ихигъэу гущы1э фабэхэр къытфагъэшъошэжьы.

(читаю стих, в это время разносятся подарки)

Сыфай сэ ренэу огур къаргъонэу!

Сыфай! Дунаим мамыр тетынэу!

Нэгуш1оу тыгъэр къепсынэу!

Псауныгъэ пытэ ти1энэу!

Тхьашъуегъэпсэу!