“ АЛТЫН АЧКЫЧ” МОГҖИЗАСЫ
методическая разработка
Предварительный просмотр:
“ АЛТЫН АЧКЫЧ”
МОГҖИЗАСЫ
1СЫЙНЫФКА БАГЫШЛАУ БӘЙРӘМЕ
Буратино. Тыңлагыз! Тыңлагыз!
Кадерле дусларым, мин Белем Иленә алып керүче серле ишекне
таптым. Бу бик тә тылсымлы илдә хәрефләр яши. Алар кушылып иҗекләргә әйләнә, ә иҗекләр кушылып сүзләргә, сүзләр җөмләләргә әйләнә. Бу искиткеч илдә яхшылык явызлыкны җиңә. (Серле әкият геройлары: Әтәч белән Төлке; Бүре белән Кызыл Калфак). Серле ишекне ачып кереп, минем шушы дөньяга эләгәсем килә. Балалар, сезнең дә бу серле дөньяга керәсегез киләме? (балалар җавап бирәләр). Менә ул Белем Иленә илтүче ишек! Нишләргә инде миңа? Бу ишекне ничек ачарга? ( Алтын ачкыч табарга).
Музыка уйный . Төлке Алиса белән Песи Базилио керә.
Базилио. О, күпме кунаклар җыелган монда! Исәнмесез, кадерле кунаклар. Без
хәзер сезгә тамаша күрсәтәбез.(ха-ха-ха).Буратино син Белем Иленә
ачып керүче ачкычны табарга хыялланасыңмыни? Анда нишләмәкче
буласың инде? Син бит укый да , яза да белмисең ( усал итеп көлә).
Буратино. Белем Илендә изге күңелле тылсымчы яши. Аның исеме- Укытучы.
Ул мине укырга да, язарга да өйрәтер. Шулай бит балалар. Ә, сезнең
Балалар укырга, язарга өйрәнәсегез киләме?(Әйе). Минем белән Белем
Иленә керергә теләүчеләр кулларыгызны күтәрегез. Менә, Базилио, кү-
рәсеңме күпме дусларым бар.
Төлке Алиса. Ә мин алтын ачкычның кайда яшерелгәнен беләм, чөнки бу сез-
нең дусларыгыз Мальвина белән Пьерога билгеле. Ә алар бездә
пленда.
Базилио. Әйе, алар бездә пленда (хи-хи-хи).
Буратино.Безгә ничек тә дусларыбызны коткарырга кирәк.
Алиса, Базилио пышылдашалар.
Төлке Алиса. Сезгә дусларыгызны коткару өчен өч бик тә катлаулы биремне
үтәргә кирәк.Шул очракта “алтын ачкыч” сезнеке булачак.
Буратино. Балалар, сез ризамы?
Балалар. Әйе, әйе.
Буратино.Күрәсезме, барысы да риза. Әйтегез биремнәрегезне.
Базилио.Әйдәгез, әле, сезнең тапкырлыкны сынап карыйк. Табышмакларга
җавап таба алырсызмы икән?
- Агач түгел- яфраклы,
Тун түгел – тегелгән.(китап).
2. Ак кыр буйлап уза ул.
Тар-тар юллар суза ул.
Булса да бик кечкенә,
Җиткер аңа эш кенә.(Каләм).
3. Диңгезе бар – суы юк,
Каласы бар – халкы юк,
Урманы бар - агачы юк.(Карта).
- Юк аягы, юк күзе,
Сөйли, өйрәтә үзе.
Телгә аннан оста юк,
Аннан якын дус та юк.(Китап).
Буратино.Булдырдыгыз, балалар! Молодцы!
Төлке Алиса. Минем сорауларыма да җавап биреп караыз әле.
- Итальян теленнән тәрҗемә иткәндә “Буратино” нәрсә дигән сүзне аңлата? (агач курчак).
- Страус кошмы? (кош)
- Озын колаклы җәнлек. ( куян)
- Шүрәле әкиятенең авторы. (Г. Тукай)
- Бал яратучы хайван. (аю)
- Сез яшәгән республика. (Татарстан)
- Татарстан флагынын төсләре (Яшел,ак,кызыл).
Буратино. Ура! Бу биремне үтәдек. Барлык сорауларга да җавап бирдек.
Базилио. Бик иртә шатланасыз әле. 3 нче биремне үтисегез бар. Хәзер
Безгә шигырьләр сөйләп күрсәтегез.
1 нче укучы. Чәчәкләр тотып кулга
Без чыктык матур юлга.
Һәркем белә әлбәттә
Без барабыз мәктәпкә.
2 нче укучы. Без быел гына
Мәктәпкә килдек.
Аңарчы һаман
Бакчада идек.
3 нче укучы. Ямьле кояш нурлар чәчеп,
Елмаеп карый безгә.
Зур үскәч хезмәт итәбез
Без туган илебезгә.
4 нче укучы. Безгә карагач
Сезгә кызыктыр
Без бик кечкенә
Ә сез нинди зур.
5 нче укучы. Без җилдә чыныгып
Кояшта янганбыз,
Дәү булып үскәнне
Сизми дә калганбыз.
6 нчы укучы. Исәнме , и мәктәп!
Сагынып беттеңме?
Укырга килгәнне
Зарыгып көттеңме?
7 нче укучы. Җәй көне үзеңә
Күңелсез булгандыр,
Ялгызың калганга
Күңелең тулгандыр.
- нче укучы. Без килгәч бүгеннән
Күңелле булачак.
Класслар моннан соң
Гел гөрләп торачак.
- нчы укучы. Без сине үзебез
Сагындык өзелеп.
Менә бит кошлар күк
Киләбез тезелеп.
10нчы укучы. Без килгәч бүгеннән
Күңелле булачак.
Класслар моннан соң
Гел гөрләп торачак.
Буратино.Ура! Без бөтен биремнәрне үтәдек. Безнең дусларыбызны азат ите -
гез. Балалар, безгә “алтын ачкыч”ны табарга ярдәм итегез. Тылсымлы ишекне ачып бергәләп Белем Иленә юл тотыйк! Мальвина белән Пьеро нишләптер күренмиләр, мин аларга каршы бара торыйм, ә сез балалар үзегезнең тагын бер һөнәрегезне Алиса белән Базилиога күрсәтә торыгыз әле. Бу юлы инде җырлагыз.
Җыр: “ Өйрәтәләр мәктәпләрдә”.
Буратино. “Алтын ачкыч” монда! Ә хәзер , балалар, әйдәгез юлга, Белем Иленә!
( Укучыларны әкият геройлары ишеккә алып бара). Музыка уйный
Укытучы. Кадерле балалар. Сез Белем Иленә аяк басасыз. Бу илдә яшәүчеләр укучы дигән мактаулы исемне йөртә. Сез хәзер “алтын ачкыч” ярдәмендә гади малай һәм кызлардан укучыларга әйләнерсез.
Музыка уйный. Укытучы ишекне ача, балаларга укучы дигән язу тагыла
Укытучы. Менә хәзер сез барыгыз да укучылар булдыгыз. Класс дип йөртелә торган серле бүлмәгә килерсез һәм белем алырсыз. Мин сезнең намуслы, тырыш, эш сөючән укучылар булуыгызны телим. Хәерле юл, сезгә!